នេះ គឺជាការពិត នៅពេលអ្នកយកទៅអនុវត្ដន៍ ក្នុងជីវភាពប្រចាំថ្ងៃជាមួយស្វាមីជាទីស្រឡាញ់ នឹងផ្ដល់ផ្លែផ្កាជាទីគាប់ចិត្ដ ជាហេតុធ្វើឱ្យចំណងអាពាហ៍ពិពាហ៍របស់អ្នក រឹងរិតតែស្ថិតស្ថេរគង់វង្សជា
យូរអង្វែង
រហូតដល់ចាស់កោងខ្នង។
សិក្សាស្វែងយល់ពីអត្ថន័យដ៏រ៉ូមែនទិកនៃវិធីសាស្ដ្រ ៧៤ ចំណុច
សម្រាប់ភរិយាប្រតិបត្ដិចំពោះស្វាមី ដូចតទៅ ៖១. ទំនាក់ទំនងជាមួយស្វាមីដោយគោរព។
២. ឱ្យគាត់ដឹងថា គាត់ជាមនុស្សសំខាន់សម្រាប់អ្នក។
៣. ព្យាយាមយល់ពីអារម្មណ៍គាត់ ទោះបីអ្នកមិនយល់ស្របជាមួយគាត់ក៏ដោយ។
៤. បង្ហាញពីចំណាប់អារម្មណ៍ចំពោះមិត្ដភក្ដិគាត់ ដោយទុកឱកាសខ្លះឱ្យគាត់បានជួបជាមួយមិត្ដភក្ដិ ប្រសិនបើអ្នកទាំងនោះជាមនុស្សអាចទុកចិត្ដបាន។
៥. ប្រាប់គាត់ថា អ្នកស្រឡាញ់ និងចូលចិត្ដគាត់ខ្លាំងណាស់។
៦. បង្ហាញពីចំណាប់អារម្មណ៍នៅក្នុងការកម្សាន្ដរបស់គាត់ ឬឱ្យគាត់មានឱកាសចូលរួមលេងកម្សាន្ដដោយសេរី។
៧. ការពារកិត្ដិយស និងសេចក្ដីថ្លៃថ្នូរជូនគាត់។
៨. បង្កើតបរិយាកាសរីករាយស្និទ្ធស្នាលនៅក្នុងផ្ទះទាំងអស់គ្នា។
៩. មុននឹងធ្វើការសម្រេចចិត្ដអ្វីមួយធំដុំ ត្រូវពិភាក្សាសម្របសម្រួលជាមួយគាត់។
១០. នៅពេលចេញក្រៅដើរកម្សាន្ដលេងជាមួយគាត់ សូមកុំបង្កើតឱ្យមានបញ្ហាឱ្យសោះ ត្រូវគិតពីរឿងសប្បាយៗជំនួសវិញ។
១១. ផ្ដល់ឱកាសពិសេសឱ្យគាត់បាននៅជាមួយអ្នក និងកុំឱ្យកូនមកលូកលាន់ ឬឆាឆៅ។
១២. ទុកឱកាសឱ្យគាត់បានបន្ធូបន្ថយចិត្ដកាយ ក្រោយពេលគាត់ត្រឡប់ពីធ្វើការវិញ ដោយធ្វើឱ្យល្ងាចនោះ ក្លាយជាពេលវេលាដ៏សប្បាយរីករាយខ្លាំង។
១៣. កុំឱ្យសមាជិកគ្រួសារណាម្នាក់ ឬអ្នកដទៃប្រមាថម៉ាក់ងាយគាត់ ក្នុងឋានៈគាត់ជាស្វាមីរបស់អ្នក។
១៤. ជារឿយៗត្រូវសរសើរលើកទឹកចិត្ដគាត់។
១៥. ត្រូវចេះច្នៃប្រឌិត នៅពេលអ្នកសម្ដែងក្ដីស្រឡាញ់ចំពោះគាត់ ទាំងពាក្យសម្ដីក្ដី ទាំងសកម្មភាពក្ដី។
១៦. ជជែកពិភាក្សាជាមួយគាត់ អំពីការកំណត់ផែនការគ្រួសារ សម្រាប់ឆ្នាំនីមួយៗ និងការធ្វើឱ្យសម្រេចផែនការនោះ ក្នុងនាមជាស្វាមី និងភរិយា។
១៧. កុំធ្វើអ្វីៗសម្រាប់តែខ្លួនឯង ធ្វើសម្រាប់គាត់ខ្លះផង។
១៨. ត្រូវចេះយោគយល់អធ្យាស្រ័យដល់គាត់ នៅពេលគាត់ប្រព្រឹត្ដកំហុសឆ្គងដាក់អ្នក។
១៩. រិះរកវិធីបង្ហាញឱ្យគាត់ដឹងថា អ្នកត្រូវការគាត់។
២០. បើកឱកាសឱ្យគាត់បាននៅម្នាក់ឯងខ្លះ។
២១. សារភាពប្រាប់ពីទោសកំហុសរបស់អ្នក កុំខ្លាចរអាមិនមានដាក់ខ្លួន។
២២. ត្រូវចេះការពារមិនឱ្យនរណានិយាយដើមមិនល្អពីគាត់។
២៣. ធ្វើម៉ស្សាឱ្យគាត់ បន្ទាប់ពីគាត់ធ្វើការងារហត់ពេញមួយថ្ងៃ។
២៤. ចំណាយពេលវេលានៅកន្លែងស្ងាត់ ដែលអ្នកទាំងពីរអាចអង្គុយនិយាយជាមួយគ្នាបាន។
២៥. ផ្ដួចផ្ដើមរៀបចំផែនការចេញដើរលេងក្រៅបែបរ៉ូមែនទិក។
២៦. ធ្វើឱ្យគាត់រីករាយខ្លាំង ដោយជូនកាដូដែលគាត់ចូលចិត្ដបំផុត។
២៧. សម្ដែងនូវការគោរពសរសើរគាត់ខ្លាំង ចំពោះការខិតខំធ្វើការងារផ្គត់ផ្គង់ក្រុមគ្រួសារ។
២៨. ប្រាប់គាត់ថា អ្នកមានមោទនភាពនឹងគាត់ខ្លាំងណាស់។
២៩. ជួយលើកតម្កើងគាត់ជាស្វាមី ហើយកុំមើលស្រាលគាត់។
៣០. ត្រៀមកម្លាំងពលំខ្លះទុកសម្រាប់គាត់ នៅពេលគាត់ត្រូវការរួមគ្រែខ្នើយជាមួយអ្នក។
៣១. បន់ស្រន់បែរបន់សូមឱ្យព្រះតាមថែរក្សាគាត់។
៣២. និយាយលើកតម្កើងគាត់ប្រាប់អ្នកដទៃ ទាំងចំពោះមុខគាត់ទាំងនៅក្រោយខ្នងគាត់។
៣៣. កុំនិយាយអូសបន្លាយវែងឆ្ងាយខ្លាំងពេក នៅពេលគាត់នឿយហត់ខ្លាំង។
៣៤.លើកកិត្ដិយសគាត់នៅចំពោះមុខកូនៗ។
៣៥. សម្លឹងមើលភ្នែកគាត់ នៅពេលអ្នកនិយាយជាមួយគាត់ ឬគាត់និយាយជាមួយអ្នក នេះសបញ្ជាក់ឱ្យឃើញថា អ្នកយកចិត្ដទុកដាក់ ចំពោះសម្ដីគាត់។
៣៦. ក្រោកពីគេងជាមួយគាត់ សូម្បីគាត់ភ្ញាក់ពីព្រលឹមក៏ដោយ (ហើយអ្នកក៏អាចចូលគេងវិញនៅពេលក្រោយ ប្រសិនបើអ្នកអាចធ្វើបាន)
៣៧. នៅប្រកៀកស្មាជាមួយគាត់ ដូចជាមើលទូរទស្សន៍ ដោយកុំនិយាយរំខានគាត់ឡើយ។
៣៨. នៅពេលគាត់មានអារម្មណ៍មិនសូវល្អ ទុកឱកាសឱ្យគាត់បានបន្ធូរបន្ថយអារម្មណ៍ ហើយកុំថ្នាំងថ្នាក់ ឬរំខានគាត់។
៣៩. ជួយគាត់ឱ្យបញ្ចប់គោលដៅ ការកម្សាន្ដ ឬការសិក្សារៀនសូត្រ។ល។ នៅពេលដឹងថា គាត់ត្រូវការអ្វីមួយ។
៤០. ធ្វើយ៉ាងណា ដើម្បីកម្ចាត់ចោលទម្លាប់មិនល្អ ដែលកើតមានចំពោះគាត់។
៤១. ត្រូវធ្វើជាចិត្ដល្អ និងគិតគំរូដល់ញាតិផៅរបស់គាត់។
៤២. កុំប្រៀបធៀបរឿងអវិជ្ជមាន រវាងញាតិអ្នក និងញាតិគាត់។
៤៣. សរសើរគាត់ ដែលបានជួយធ្វើការងារផ្ទះ។
៤៤. កុំរំពឹងការតបស្នងមកវិញ លើអ្វីដែលអ្នកបានធ្វើដើម្បីគាត់។
៤៥. ធ្វើកិច្ចការតិចតួចដើម្បីគាត់ ដូចជា ជួយឱ្យគាត់គេង ឆុងកាហ្វេឱ្យគាត់ញ៉ាំជាដើម។
៤៦. ជួនកាលឱ្យគាត់បានរីករាយនឹងថ្ងៃឈប់សម្រាកពីការងារ ដោយកុំឱ្យគាត់រវល់នឹងការងារផ្ទះច្រើន។
៤៧. សិក្សាស្វែងយល់ពីចំណង់ផ្លូវភេទរបស់គាត់។
៤៨. ធ្វើឱ្យគាត់រំភើបរីករាយខ្លាំង ដោយអ្នកថើបគាត់រយៈពេល១៥វិនាទី នៅពេលគាត់ត្រឡប់មកដល់ផ្ទះពីកន្លែងធ្វើការវិញ។
៤៩. កុំឈ្លោះប្រកែកគ្នាគ្រាន់តែពាក្យសម្ដីលើសលោះពីរ-បីម៉ាត់នោះ។
៥០. ត្រូវចិត្ដល្អ និងសុភាពរាបសារជាមួយគាត់។
៥១. នៅពេលមានអ្វីមួយទាស់ខុស ជំនួសឱ្យការស្ដីបន្ទោស ត្រូវចេះដោះស្រាយដោយសន្ដិវិធី។
៥២. កុំឈ្លោះប្រកែកគ្នាដោយសារបញ្ហាប្រាក់កាស។ ត្រូវពិភាក្សាពីការចំណាយនៅថ្ងៃមុខជំនួសវិញ។
៥៣. កាន់ដៃគាត់ និងនៅប្រកៀកប្រកិតនឹងគាត់ ទាំងនៅពេលនៅផ្ទះ និងនៅទីសាធារណៈ។
៥៤. ត្រូវសរសើរចំពោះការសម្រេចចិត្ដដ៏ត្រឹមត្រូវរបស់គាត់។
៥៥. ដាក់កាតបញ្ជាក់ពីសេចក្ដីស្រឡាញ់ក្នុងហោប៉ៅ និងកាតាបគាត់។
៥៦. នៅអង្គុយមើលទូរទស្សន៍ជាមួយគាត់ ទោះបីជាកម្មវិធីទូរទស្សន៍នោះ អ្នកមិនចូលចិត្ដមើលក៏ដោយ។
៥៧. កុំចាំរំពឹងឱ្យគាត់យល់ចិត្ដអ្នកឱ្យសោះ។
៥៨. ទុកឱកាសឱ្យគាត់មានពេលវេលា បានជួបជុំក្រុមគ្រួសារគាត់ខ្លះផង។
៥៩. ត្រូវចេះសួរនាំគាត់ មុនពេលអ្នកបោះចោលឯកសារ ឬលិខិតស្នាមផ្សេងៗ។
៦០. ត្រូវខិតខំធ្វើយ៉ាងណា ឱ្យអ្នកមានរូបសម្រស់ស្រស់ស្អាត នោះគាត់នឹងមានមោទនភាពចំពោះអ្នក ជាក់ជាមិនខានឡើយ។
៦១. កុំរិះគន់ស្ដីបន្ទោសគាត់នៅចំពោះមុខអ្នកដទៃ ត្រូវរក្សាកិត្ដិយសឱ្យគាត់។
៦២. ទៅមើលកន្លែងដែលគាត់ធ្លាប់រស់នៅពីកុមារភាពជាមួយគាត់។
៦៣. នៅពេលអ្នកខឹង ត្រូវចេះសម្ដែងអាការដោយក្ដីគោរព។ កុំស្ងាត់មាត់មិននិយាយស្ដីអ្វីទាំងអស់នោះ។
៦៤. បួងសួងឱ្យគាត់ជួបតែសេចក្ដីសុខសប្បាយជានិរន្ដរ៍។
៦៥. ចម្អិនស៊ុបនៅផ្ទះឱ្យគាត់ញ៉ាំ នៅពេលគាត់ឈឺ។
៦៦. ជួយជ្រោមជ្រែង នៅពេលនរណាម្នាក់ចង់ជាន់ពន្លិចគាត់។
៦៧. កុំបដិសេធរឿងអ្វីៗនៅចំពោះមុខកូនៗ។
៦៨. នាំគាត់ដើរលេងតែពីរនាក់ នៅថ្ងៃឈប់សម្រាកចុងសប្តាហ៍ ដោយកុំឱ្យកូនមករំខាន។
៦៩. អបអរសាទរផ្ដល់ជាកម្លាំងចិត្ដឱ្យគាត់ ចំពោះជោគជ័យក្នុងរបរអាជីវកម្មក្ដី ឬក្នុងការងារផ្សេងៗក្ដី។
៧០. បង្រៀនឱ្យគាត់ចេះសម្ដែងពីសេចក្ដីស្រឡាញ់ ចំពោះអ្នកវិញដោយក្ដីរួសរាយ។
៧១. បង្ហាញប្រាប់ពីចំណាប់អារម្មណ៍ ទៅលើការយល់ឃើញរបស់គាត់ថា មានសារសំខាន់នៅក្នុងជីវិត។
៧២. កត់សម្គាល់ជាពិសេស នូវអ្វីដែលគាត់ធ្វើសម្រាប់អ្នក និងសម្រាប់ក្រុមគ្រួសារទាំងមូល។
៧៣. ជឿជាក់ថា គាត់យល់ស្របតាមអ្នកទាំងអស់ ទៅលើការងារសំខាន់ៗ ដែលអ្នកមានគម្រោងនឹងធ្វើ។
៧៤. ឧស្សាហ៍ទូរស័ព្ទសួរសុខទុក្ខគាត់ នៅកន្លែងធ្វើការ ឬនៅពេលគាត់ឃ្លាតឆ្ងាយពីផ្ទះ។
៧៥. ត្រូវមានសម្រស់ស្រស់ស្អាតជានិច្ច ដោយស្លៀកពាក់ឱ្យបានសមរម្យ ដើម្បីផ្ដល់កិត្ដិយសដល់គាត់និងធ្វើឱ្យគាត់មោទនភាព នៅពេលនៅជាមួយអ្នក និងពេលដែលចេញទៅចូលរួមពិធី ឬទៅណាមកណាជាមួយគ្នា។
៧៦. អរគុណគាត់ ដែលគាត់ជាមនុស្សល្អដូចដើម មិនប្រែប្រួលចរិត៕
ប្រែសម្រួល ៖ សុនីតា o(o_O)o
