រតនគីរី៖ ករណីគ្រោះថ្នាក់ចរាចរណ៌មួយ នឹកស្មានមិនដល់ ដែលបណ្តាលមកពីគោយន្តកែឆ្នៃ ទៅបុកគូទគោយន្តកែឆ្នៃមួយគ្រឿងយ៉ាងពេញទំហឹង បណ្តាលឲ្យ យុវជនម្នាក់ស្លាប់់ និង ស្ត្រីម្នាក់ទៀតរងរបួសធ្ងន់ធ្ងរ។
ហេតុការណ៏នេះបានកើតឡើង កាលពីថ្ងៃទី២៨ ខែសីហា ឆ្នាំ២០១៣ វេលាម៉ោងជា ៥ ល្ងាច ស្ថិតនៅចំណុចភូមិមួយ សង្កាត់កាចាញ ក្រុងបាលុង ខេត្តរតនគីរី តាមប្រភពព័ត៌មានពីប្រជាពលរដ្ឋនៅ
កន្លែងកើតហេតុបានឲ្យដឹងថា៖ ហេតុដែលមានគ្រោះថ្នាក់នេះកើតឡើងដោយសារមានរថយន្តកែឆ្នៃចំនួនពីរ គ្រឿងបានបុកគូទគ្នា។
ប្រភពដដែលបានបន្តទៀតថា មានគោយន្តកែឆ្នៃមួយគ្រឿងដឹកកូនឈើកៅស៊ូ ផ្ទុកពេញបើកឆ្លងកាត់អូរមិនរួច ដោយសារកន្លែងនោះមានដីភក់ ក្រលុកជ្រៅៗ ស្របពេលមេឃកំពុងភ្លៀងរលឹមទើបរអិលយ៉ាងខ្លាំងប្រឹងរើទៅមុខ លែងរួច ទើបគោយន្តមួយគ្រឿងនេះជាប់ផុងនៅទីនេះទៅ ហើយស្របពេលនោះ មានគោយន្តកែឆ្នៃមួយគ្រឿងទៀតបើកបរពីក្រោយ លុះមកជិតដល់គោយន្តដល់គោយន្តដែលជាប់ផុងនោះ ក៏ជាន់ហ្វ្រាង់មិនស៊ី ខណៈពេលទីនោះមានចំណោតអូរផងក៏ជ្រុលទៅបុកគូទគោយន្តដែលជាប់ផុងនោះ យ៉ាងពេញទំហឹង បណ្តាលឲ្យអ្នកដែលអង្គុយនៅលើកាងគោយន្តខាងមុខ (គោយន្តបង្ក) តក់ស្លុតមិនបានលោតចេញពីគោយន្ត បណ្តាលឲ្យគៀបនិង គោយន្តដែលជាប់ផុងនោះរងរបួសស្ត្រីម្នាក់យ៉ាងធ្ងន់ធ្ងរ និង មនុស្សប្រុសម្នាក់ទៀតស្លាប់នៅពេលបញ្ជូនទៅសង្គ្រោះនៅ មន្ទីរពេទ្យបង្អែកខេត្ត។
តាមការអោយដឹងពីមន្ត្រីប៉ូលិសប៉ុស្ត៏នគរបាលសង្កាត់កាចាញបានឲ្យ ដឹងថា ជនរងគ្រោះទី១ ឈ្មោះ ភួង សេង ភេទប្រុស អាយុ១៧ឆ្នាំ ជនជាតិខ្មែរ មានទីលំនៅភូមិ២ សង្កាត់កាចាញ ក្រុងបាលុង ខេត្តរតនគីរី បានស្លាប់បាត់បង់ជីវិត ពេលបញ្ជូនទៅដល់មន្ទីរពេទ្យ មានមុខរបរជាកម្មករលើកកូនកៅស៊ូអោយគេ។ ជនរងគ្រោះទី២ ឈ្មោះ ថោយ រត្ន័ធា ភេទស្រី អាយុ៣៥ឆ្នាំ ជនជាតិខ្មែរ មានទីលំនៅភូមិ២ សង្កាត់កាចាញ ក្រុងបាលុង មុខរបរមេផ្ទះ ជាប្រពន្ធរបស់តែកុង គោយន្ត ដែលជាប់ផុង បានរងរបួសធ្ងន់ ដោយសារអង្គុយពីក្រោយគោយន្ត របស់គាត់ដើម្បីពិនិត្យមើលកង់ដែលជាប់ផុងនោះ បច្ចុប្បន្នស្ត្រីដែលរងរបួសធ្ងន់នេះ ត្រូវបានបញ្ជូនទៅសង្គ្រោះនៅប្រទេសវៀតណាម។
រីឯម្ចាស់គោយន្តដែលជាប់ផុងនោះមានឈ្មោះ ឌុច វណ្ណះ ភេទប្រុស អាយុ៤២ឆ្នាំ មានទីលំនៅភូមិ២ សង្កាត់កាចាញ ក្រុងបាលុង ខេត្តរតនគីរី មុខរបរ ស៊ីឈ្នួលដឹកកូនកៅស៊ូអោយក្រុមហ៊ុន ស្វីហ្វរ៉ាប់ប៊ើរលីមីតធិត ចំការកៅស៊ូខេត្តរតនគីរី។
ចំណែកម្ចាស់គោយន្តបង្កមានឈ្មោះ សន វិចិត្រ ភេទប្រុស អាយុ២៣ ឆ្នាំ ជនជាតិខ្មែរ មានទីលំនៅភូមិ៤ សង្កាត់កាចាញ ក្រុងបាលុង ខេត្តរតនគីរី មានមុខរបរ ស៊ីឈ្នួលដឹកកូនកៅស៊ូអោយក្រុមហ៊ុនដូចគ្នាបានរត់គេចបាត់ខ្លួន បាត់ស្រមោល។ ក្រោយពីកើតហេតុរួច ប៉ូលីសប៉ុស្ត៏នគរបាល សង្កាត់កាចាញ បានធ្វើការវ៉ាស់វែងធ្វើកំណត់ហេតុ និង ដឹកយកជនរងគ្រោះទៅសង្គ្រោះនៅមន្ទីរពេទ្យ ចំណែកគោយន្តទាំងពីរគ្រឿងត្រូវបានប៉ូលីសប៉ុស្ត៏នគរបាលសង្កាត់កា ចាញ យកមករក្សាទុករងចាំការដោះស្រាយទៅតាមផ្លូវច្បាប់។ ដោយសារ៉ាត់
