ការស្រាវជ្រាវថ្មីមួយបានចង្អុលបង្ហាញ អាហារដែលផ្តល់នូវសុខភាព និងការផឹកស្រាកម្រិតមធ្យម អាចជួយអ្នកជំងឺទឹកនោមផ្អែមប្រភេទទី២បន្ថយហានិភ័យនៃជំងឺ ខ្សោយតម្រងនោមរ៉ាំរ៉ៃ ឬពន្យឺតការវិវត្តនៃជំងឺនេះ។
អ្នកស្រាវជ្រាវបានមើលទៅលើអ្នកជំងឺទឹកនោមផ្អែមជាង ៦.២០០នាក់ ហើយបានរកឃើញថា ជិត៣២%នៃពួកគេបានវិវត្តទៅជាជំងឺតម្រងនោមរ៉ាំរ៉ៃ និងប្រហែល៨%បានស្លាប់អំឡុងពេលនៃការតាមដានរយៈពេល៥,៥ឆ្នាំ។
អ្នកជំងឺដែលមានរបបអាហារល្អបំផុត មានការថយចុះហានិភ័យនៃជំងឺតម្រងនោម និងការស្លាប់ជាងអ្នកដែលមានរបបអាហារល្អ។ អ្នកជំងឺដែលបានញ៉ាំផ្លែឈើច្រើនហាក់ដូចជាមិនវិវត្តទៅជាជំងឺ តម្រងនោមរ៉ាំរ៉ៃនោះទេបើធៀបទៅនឹងអ្នកដែលញ៉ាំផ្លែឈើតិចនោះទេ។
ការស្រាវជ្រាវត្រូវបានចេញផ្សាយនៅក្នុងកាសែត JAMA Internal Medicine។
អ្នកដែលញ៉ាំសាច់សត្វតិចជាងគេបំផុត ហាក់ដូចជាងាយវិវត្តទៅជាជំងឺតម្រងនោមជាងអ្នកដែលញ៉ាំច្រើនបំផុត។ អ្នកផឹកស្រាកម្រិតមធ្យមត្រូវបានផ្សារភ្ជាប់ទៅនឹងការថយចុះហានិភ័យ នៃជំងឺតម្រងនោម និងការស្លាប់។ ការញ៉ាំជាតិប្រៃ (សូដ្យូម) មិនត្រូវបានផ្សារភ្ជាប់ទៅនឹងហានិភ័យនៃជំងឺតម្រងនោមនោះទេ។
ចំណីអាហារដែលផ្តល់នូវសុខភាព និងការផឹកស្រាកម្រិតមធ្យមអាចបន្ថយអត្រា និងការវិវត្តនៃជំងឺតម្រងនោមរ៉ាំរ៉ៃក្នុងចំនោមអ្នកដែលមានជំងឺ ទឹកនោមផ្អែមប្រភេទទី២។ ដានីឡា ដាន់លឺរ (Kaniela Dunkler) ដែលមកពីសាកលវិទ្យាល័យ McMaster បានសរុបថា ការញ៉ាំជាតិប្រៃ និងញ៉ាំប្រូតេអ៊ីនធម្មតាមិនត្រូវបានផ្សារភ្ជាប់ទៅនឹងជំងឺ តម្រងនោមរ៉ាំរ៉ៃនោះទេ។
វេជ្ជបណ្ឌិត ហូលី ក្រាមឺរ (Holly Kramer) និងវេជ្ជបណ្ឌិត អាលីច ចាំង (Alex Chang) បាននិយាយថា អ្នកដែលមានទាំងជំងឺទឹកនោមផ្អែម និងជំងឺតម្រងនោមអាចមានការធុញទ្រាន់ដោយការតមអាហារជាច្រើនដែល ត្រូវបានណែនាំដោយក្រុមគ្រូពេទ្យនោះ។
ពួកគាត់បានបន្ថែម អ្នកជំងឺអាចសួរថា អ្វីដែលខ្ញុំអាចញ៉ាំបាន។ ប្រហែលជាការផ្តល់ដំបូន្មានល្អបំផុតដែលយើងអាចផ្តល់អោយអ្នកជំងឺ ទឹកនោមផ្អែមប្រភេទទី២ និងអ្នកជំងឺតម្រងនោមគឺដូចគ្នាទៅនឹងដំបូន្មានលើអ្នកដែលកំពុងគេច ពីជំងឺតម្រងនោមរ៉ាំរ៉ៃ និងដំបូន្មានដូចគ្នាដើម្បីការពារ និងព្យាបាលជំងឺលើសឈាម និងដំបូន្មានអាហារដូចគ្នាលើអ្នកគ្រប់គ្នា។ ញ៉ាំបន្លែ និងផ្លែឈើអោយបានច្រើន, បន្ថយការញ៉ាំខ្លាញ់៕
