ភ្នំពេញ
៖
កូនភ្លោះ៣នាក់ទៀតហើយស្រីទាំងអស់បានប្រសូត្រពីម្តាយដែលមាន
មុខរបរជាគ្រូបង្រៀនបានសម្រាលដោយសុវត្ថិភាពនៅមន្ទីរពេទ្យកាល់
ម៉ែត្រកាលពីវេលាម៉ោង១១និង៤៥នាទីព្រឹក ថ្ងៃទី១៩ខែសីហាឆ្នាំ២០១៣
ក្រោមការយកចិត្តដាក់មើលថែទាំពីសំណាក់ក្រុមគ្រូពេទ្យជំនាញឃើញថា
ទាំងម្តាយនិងកូនភ្លោះទាំង៣នាក់ មានសុខភាពល្អដូចគ្នា។
ខណៈ
កំពុងសំរាកនៅបន្ទប់លេខ៥នៃអាគារផ្នែករោគស្ត្រីនៃមន្ទីរពេទ្យ
កាល់ម៉ែត ស្ត្រីឈ្មោះអ៊ួន ចរិយា អាយុ៣០ឆ្នាំ
ជាម្តាយកូនភ្លោះស្រីទាំង៣នាក់បានប្រាប់ភ្នាក់ងារបុគ្គលិកកម្ពុជា
ថ្មីនៅព្រឹកថ្ងៃទី២០ខែសីហាឆ្នាំ២០១៣នេះថា គាត់សព្វថ្ងៃមានមុខរបរ
ជាគ្រូបង្រៀននៅវិទ្យាល័យព្រះរាជបូជនីយកិច្ចក្នុងខេត្តស្ទឹងត្រែង។
ចំណែកប្តីរបស់គាត់ឈ្មោះហាក់ ប៊ុនធារិទ្ធ
អាយុ៣១ឆ្នាំមានមុខរបរជាបុគ្គលិកមន្ទីរប្រៃសនីយ៍ខេត្តស្ទឹងត្រែង
ពួកគាត់ទាំង២នាក់ប្តីប្រពន្ធមានទីលំនៅភូមិរាជានុកូល
សង្កាត់ស្ទឹងត្រែង ក្រុងស្ទឹងត្រែង។
ស្ត្រី
ជាម្តាយកូនភ្លោះទាំង៣នាក់បានបន្តទៀតថា
ពួកគាត់២នាក់ប្តីប្រពន្ធនេះសព្វថ្ងៃមានកូន៣នាក់
ហើយដែលកូនលើកទី១កូនប្រុស មានអាយុ១ឆ្នាំកន្លះ
ហើយចំណែកកូនជាលើកទី២នេះស្រាប់តែជាកូនភ្លោះដល់ទៅ៣នាក់
គឺស្រីទាំង៣តែម្តងដែលកូនស្រីទីមានទម្ងន់១គីឡូ៨ខាំកន្លះកូនស្រី
ទីទម្ងន់២គីឡូ២ខាំ និងកូនស្រីទីទម្ងន់២គីឡូកន្លះខាំ
កូនភ្លោះរបស់គាត់ទាំង៣នាក់នេះមានសុខភាពល្អដូចគ្នា។ស្ត្រីជា
ម្តាយកូនភ្លោះទាំង៣នាក់នោះបានរៀបរាប់ទៀតថា កាលពីថ្ងៃទី៥ខែសីហា
ឆ្នាំ២០១៣នេះ
គាត់បានមកពិនិត្យផ្ទៃពោះនៅមន្ទីរពេទ្យកាល់ម៉ែត្រដោយគ្រូពេទ្យ
ប្រាប់ថាកូនភ្លោះ៣នាក់ នៅក្នុងផ្ទៃរបស់គាត់មានសុខភាពល្អ
ហើយគ្រូពេទ្យក៏បានណាត់គាត់នៅថ្ងៃទី១៩ខែសីហានេះអោយវិលមកពិនិត្យ
ផ្ទៃពោះម្តងទៀតនោះដូច្នេះ
ហើយដោយគាត់ពិបាកនិងវិលត្រឡប់ទៅផ្ទះសំបែងរបស់ខ្លួននៅក្រុង
ស្ទឹងត្រែងនោះ
គាត់ក៏បានទៅស្នាក់នៅផ្ទះអ៊ំរបស់គាត់នៅសង្កាត់ព្រៃវែង
ខណ្ឌពោធិសែនជ័យ លុះដល់ថ្ងៃទី១៩ខែសីហានេះ
គាត់ក៏បានមកតាមការណាត់របស់គ្រូពេទ្យដើម្បីមកពិនិត្យផ្ទៃពោះម្តង
ទៀតគាប់ជួនព្រឹកនោះគាត់ឈឺពោះយ៉ាងខ្លាំងផងក្រុមគ្រូពេទ្យ
ពិ
និត្យឃើញថា កូនក្នុងផ្ទៃដល់ពេលសម្រាលហើយនោះ
គាត់ក៏បានសម្រាលដោយសុវត្ថិភាពប្រើវិធីវះកាត់តែម្តង។ដែលកូនភ្លោះ
ស្រីទាំង៣នាក់ជាទីស្រលាញ់របស់គាត់នេះគឺពួកគេកើតមិនគ្រប់ខែបាន
ត្រឹមតែ៨ខែកន្លះតែប៉ុណ្ណោះ
តែទោះជាយ៉ាងណាក៏ដោយទាំងរូបគាត់និងកូនភ្លោះទាំង៣នាក់នេះគឺមាន
សុខភាពល្អទាំងអស់គ្នាព្រោះបានការយកចិត្តទុកដាក់មើលថែទាំពីក្រុម
គ្រូពេទ្យជំនាញនៃមន្ទីរពេទ្យកាល់ម៉ែតផងដែរ៕
រស្មី
