ស៊ី​រី៖ កុមារ១លាន​នាក់​ហើយ​ដែល​បាន​រត់​ភៀសខ្លួន​ដោយសារ​សង្គ្រាម

(អត្ថបទចុះ​ផ្សាយ​នៅ​ថ្ងៃ  23-08-2013, 3:48 pm) |  ដោយ ថ្មីៗ

“កុមារ​រាប់លាន​នាក់​ទាំងនេះ​ដែល​ត្រូវបាន​ភៀសខ្លួន​មិនមែនជា​ចំនួន​ដូច​ ចំនួន​ផ្សេងទៀត​ទេ គឺជា​កុមារ​ពិតប្រាកដ ដែល​បាត់បង់​ផ្ទះសម្បែង និង​គ្រួសារ និង​ប្រឈមមុខ​និង​ភាពភ័យខ្លាច”  ប្រកាស​ដោយ​នាយក​ភ្នាក់ងារ​អង្គការ​សិទ្ធិ​កុមារ UNICEF លោក​Anthony Lake។


កុមារ​មាន​យ៉ាងហោចណាស់​ពាក់កណ្ដាល​នៃ​ជនភៀសខ្លួន​ស៊ី​រី​ទាំងអស់ យោងតាម​តួលេខ UN។ ភាគច្រើន​បាន​រកឃើញ​ទី​ជ្រក​នៅ​លី​បង់ ហ្ស៊​កដា​នី តួ​គី អ៊ីរ៉ាក់ និង​អេ​ហ្សី​ប។ ប៉ុន្តែ​មាន​ជនភៀសខ្លួន​ស៊ី​រី​កាន់តែ​ច្រើនឡើង​រត់​ទៅកាន់​អាហ្វ្រិក​ ខាងជើង និង​អឺរ៉ុប។ តូ​លេខ​ថ្មី​បំផុត​ដែល​បានមកពី UN បាន​វាយតម្លៃថា​ជនភៀសខ្លួន​ប្រមាណ៧៤ម៉ឺន​នាក់​មាន​អាយុ​ក្រោម១១ឆ្នាំ។

“យុវជនក្មេងៗស៊ី​រី​ប​បាត់បង់​ផ្ទះសម្បែង ក្រុមគ្រួសារ និង​អនាគត។ ទោះបីជា​បាន​ឆ្លងកាត់​ព្រំដែន ពួកគេ​នូវតែ​ស្មុ​គ្រ​ស្មាញ អស់សង្ឃឹម​និង​ត្រូវការ​ក្ដីសង្ឃឹម​មួយ” ប្រកាស​ដោយ Antonio Guterres គណៈកម្មការ​ជាន់ខ្ពស់​UN សម្រាប់​ជនភៀសខ្លួន។ ក្រៅពីនេះទៀត​នៅ​តំបន់​ដាច់ស្រយាល​ស៊ី​រី មាន​កុមារ​ច្រើនជាង២លាន​នាក់​រត់គេច​ពី​តំបន់​មាន​ជម្លោះ។

យោងតាម​អង្គការសហប្រជាជាតិ មនុស្ស​ជាង១០ម៉ឺន​នាក់​ត្រូវបាន​ស្លាប់​តាំងពី​ការចាប់ផ្ដើម​នៃ​អំពើហិង្សា អស់​ពេល២ឆ្នាំ​កន្លងទៅនេះ។ ក្នុងចំនោម​អ្នក​ដែល​ស្លាប់​ទាំងនេះ មាន​កុមារ៧ពាន់​នាក់។

អង្គការសហប្រជាជាតិ​ក៏បាន​បញ្ជាក់​ផងដែរ​ថា កុមារ៣៥០០នាក់​បាន​ជ្រកកោន​នៅ​ហ្ស៊​កដា​នី លី​បង់ អឺ​រ៉ា​ក់ ដោយ​គ្មាន​សមាជិកគ្រួសារ​ទៅជា​មួយ​ទេ។ UNHCR បាន​ជោគជ័យ​ក្នុងការ​កត់​ឈ្មោះ​ក្មេង​ភៀសខ្លួន​ទាំងអស់។

ភ្នាក់ងារ UN ជួយ​ម្ដាយ​ដែល​បាន​ឆ្លងទន្លេ​ពេល​រត់គេច​ឲ្យ​ទទួលបាន​សំបុត្រកំណើត​ សម្រាប់កូនៗរបស់​ពួកគេ ដើម្បី​កុំ​ឲ្យក្មេងៗដែល​ទើបតែ​កើត​ក្លាយជា​មនុស្ស​គ្មាន​ប្រទេស​កំណើត​ ត្រឹមត្រូវ៕

ប្រែ​សម្រួល​ដោយ ជា រតនា