សករាជ​នៃ​ទូរសព្ទ​ស៊េរី​ថ្មី​ដំបូង​ដែល​បាន​ពី​ការ​សហការ​គ្នា​រវាង Motorola និង Google បាន​មក​ដល់​ហើយ។ ក្រោយ​មាន​ព័ត៌មាន​បែក​ធ្លាយ​យ៉ាង ​ច្រើន​ហូរហែ សាធារណជន​មិន​តិច​នាក់​ទេ​ដែល​ទន្ទឹង​មើល​​ផ្លូវ Smartphone មួយ​នេះ។ យ៉ាងណាមិញ ថ្ងៃ​នេះ​ត្រូវ​ក្រុមហ៊ុន​បញ្ចេញ​រូបរាង​ពិត​ជា​ផ្លូវការ​ហើយ ដែល​មាន​ឈ្មោះ​ថា Moto X ភ្ជាប់​ជា​មួយ​លក្ខណៈ​សម្បត្តិ​​ពិសេស​ៗ​ជា​ច្រើន។
Motorola Moto X
ទូរសព្ទ​ថ្មី​សន្លាង​ពី​ក្រុមហ៊ុន Google-Motorola នេះ​បាន​បំពាក់​ជា​មួយ​លក្ខណៈ​សម្បត្តិ​ដូច​ជា៖

  • - អេក្រង់ AMOLED ទំហំ ៤,៧អ៊ីញ​ជា​មួយ full RGB matrix មាន resolution 720 x1280px និង​ការពារ​ដោយ​កញ្ចក់ Gorilla Glass
  • - ដង់ស៊ីតេ 316ppi
  • - កាមេរ៉ា​ក្រោយ​ទំហំ 10MP autofocus, LED flash, touch focus, face detection, panorama, HDR ហើយ​ថត​វីដេអូ​បាន 1080p@30fps
  • - កាមេរ៉ា​មុខ​ទំហំ 2MP
  • - ប្រព័ន្ធ​ប្រតិបត្តិការ Android v4.2.2 Jelly Bean
  • - CPU ប្រភេទ dual-core ល្បឿន 1.7GHz Krait
  • - chipset៖ Qualcomm MSM8960Pro Snapdragon
  • - RAM ទំហំ 2GB
  • - GPU៖ Adreno 320
  • - Memory ម៉ាស៊ីន​ទំហំ 16GB/32GB (គ្មាន card slot)
  • - តំណភ្ជាប់៖ Wi-Fi 802.11 a/b/g/n/ac, dual-band, DLNA, Wi-Fi hotspot, Bluetooh v4.0,
  • - មាន NFC
  • - ពណ៌​ចំនួន ២ គឺ​ខ្មៅ និង​ស
  • ​- វិមាត្រ (ប xទទ xកម្រាស់)៖ (១២៩,៣មម x ៦៥,៣មម x ១០,៤មម)
  • - ​ទម្ងន់ ១៣០ក្រាម
  • - ថ្ម​ប្រភេទ Li-Ion ជា​មួយ​កម្រិត​ថាមពល 2200mAh
Motorola Moto X នឹង​មាន​លក់​នៅ​ក្រុមហ៊ុន​អាមេរិក​ធំៗ​ចំនួន ៥ ដូច​ជា៖ AT&T, Verizon, Sprint, T-Mobile និង US Cellular ជា​មួយ​តម្លៃ ២០០ដុល្លារ (កុងត្រា ២ឆ្នាំ) សម្រាប់ 16GB និង​តម្លៃ ២៥០ដុល្លារ សម្រាប់​ទំហំ 32GB។ យ៉ាងណាមិញ ក្រុមហ៊ុន​​ពុំ​បាន​បញ្ជាក់​តម្លៃ​ដុលនៅ​ឡើយ​ទេ។
យ៉ាង​ម៉េច​ដែរ​ជា​មួយ Smartphone ថ្មី​ពួត​ដៃ​រវាង Google និង Motorola នេះ តើ​អាច​ហក់​ជា​មួយ​ស៊េរី​ទំនើបៗ​របស់ Samsung បាន​កម្រិត​ណា?
ថ្មីៗ​កន្លង​ទៅ Google ក៏​ទើប​បាន​បញ្ចេញ Nexus 7 2 មួយ​ដែរ។ ចុច​ត្រង់​នេះ​ ដើម្បី​មើល​លក្ខណៈ​សម្បត្តិ​លំអិត …
តាមដាន​ផលិតផល​បច្ចេកវិទ្យា​ថ្មីៗ សូម​ចុច​ត្រង់​នេះ …
ប្រែ​សម្រួល៖ ឈុន ហួរ
ប្រភព & រូបភាព៖ gsmarena