បន្ទាប់​ពី Google ប្រកាស​បង្ហាញ Tablet Nexus 7 ជំនាន់​ទី២ គឺ Nexus 7 2 ជា​មួយ​លក្ខណៈ​សម្បត្តិ​ពិសេស​រួច​មក ឥឡូវ​នេះ​ប្រិយមិត្ត​អាច​កុម្ម៉ង់​ទិញ​បាន​នៅ​អង់គ្លេស​តម្លៃ​ចន្លោះ​ពី ៣០០ដុល្លារ ទៅ ៣៧០ដុល្លារ​អាមេរិក។
Neuxs 7 ថ្មី​នេះ​ត្រូវ​បាន​ផលិត​ដោយ​ក្រុមហ៊ុន Asus សហការ​គ្នា​ជា​មួយ​ Google ដែល​មាន​អេក្រង់​ទំហំ ៧អ៊ីញ​ដូច​ម៉ូដែល​ជំនាន់​មុន​ដែរ ប៉ុន្តែ​កម្រិត​គុណភាព​ក្រាហ្វិក​នៅ​លើ​ជំនាន់​ថ្មី​នេះ​មាន resolution 1980 x1200px ធំ​ជាង​ស៊េរី​មុន​ដែល​មាន​ត្រឹម 1280 x800px។ មិន​តែ​ប៉ុណ្ណោះ​វា​អាច​ផ្ដល់​រូបភាព​ច្បាស់​ជាង iPad mini បច្ចុប្បន្ន​ដល់​ទៅ ២ដង ប៉ុន្តែ​មាន​តម្លៃ​ទាប​ជាង​ប្រហែល ១០០ដុល្លារ​អាមេរិក។

Google Nexus 7 2
ក្រៅ​ពី​លក្ខណៈ សម្បត្តិ​ខាង​លើ Nexus 7 2 ក៏​នៅ​មាន​ដូច​ជា៖
  • - បច្ចេកវិទ្យា​អេក្រង់ Corning Gorilla Glass សម្រាប់​ការពារ
  • - Multitouch ប្រើ​បាន​រហូត ១០ចំណុច​ឬ ១០ម្រាម
  • - កាមេរ៉ា​ក្រោយ​ទំហំ 5MP ថត​រូប​ក្នុង resolution (2592 x1944px) និង​កាមេរ៉ា​ក្រោយ​ទំហំ 1.2MP
  • - CPU ប្រភេទ Quad-core ល្បឿន 1.5GHz Krait
  • - Chipset Qualcomm Snapdragon S4 Pro
  • - RAM ទំហំ 2GB
  • - មេម៉ូរី​ម៉ាស៊ីន​មាន ២ទំហំ​គឺ 16GB/32GB (គ្មាន card slot)
  • - Speaker ចំនួន​ពីរ ឬ stereo
  • - ប្រព័ន្ធ​ប្រតិបត្តិការ Android 4.3
  • - ប្រព័ន្ធ​បណ្ដាញ 2G/3G/4G
  • - បែង​ចែក​ជា ២ ជម្រើស​គឺ Nexus 7 2 មាន​តែ Wi-Fi និង Nexus 7 2 ប្រើ​ស៊ីមកាត​បាន (4G LTE)
  • - តំណភ្ជាប់៖ Wi-Fi 802.11 a/b/g/n, dual-band, Bluetooth v4.0, microUSB v2.0
  • - មាន NFC
  • - ស៊ីមកាត​ប្រភេទ Micro-SIM
  • - ពណ៌​ខ្មៅ
  • - ថ្ម​ជាប់​នឹង​ម៉ាស៊ីន​ ប្រភេទ Li-Ion មាន​កម្រិត​ថាមពល 3950mAh ហើយ​សាក​ថ្ម​តាម Wireless
Tablet ថ្មី​នេះ​ប្រិយមិត្ត​អាច​បញ្ជាទិញ​មុន​បាន​ហើយ​ដែល​មាន​នៅ​ហាង​ចំនួន ២ ក្នុង​ប្រទេស​អង់គ្លេស​គឺ PC-World និង Currys។ តម្លៃ 16GB គឺ ៣០០ដុល្លារ រី​ឯ​ទំហំ 32GB មាន​តម្លៃ ៣៧០ដុល្លារ​អាមេរិក។ Nexus 7 2 នឹង​ចេញ​លក់​នៅ​ថ្ងៃ​ទី ១៣ ខែ​កញ្ញា​ខាង​មុខ ហើយ​សម្រាប់​ម៉ូដែល​ប្រើ​ស៊ីម​បាន​នឹង​ចេញ​លក់​ក្រោយ​បន្ទាប់។
ចុច​ត្រង់​នេះ ដើម្បី​តាមដាន​ព័ត៌មាន​បច្ចេកវិទ្យា​ថ្មីៗ …
ប្រែ​សម្រួល៖ ឈុន ហួរ
ប្រភព & រូបភាព៖ gsmarena