តែថ្ងៃនេះ Looking TODAY ចង់នាំអារម្មណ៍ទស្សនិកជន ទៅទស្សនាជា មួយរូបសម្រស់ ស្រស់ឆើតឆាយ បូករួមជាមួយការលេងម៉ូដ សំលៀក បំពាក់បែបស៊ីវិល័យ ដែលតារាស្រី ភាគច្រើននិយម ប្រជែងគ្នាបង្អួតពីរូប សម្រស់ដងខ្លួន ដ៏ស្រស់ស្អាតទាក់ទាញ ក្រសែភ្នែកទស្សនិកជន ដោយ នៅក្នុងនោះ កញ្ញា ឌុច លីដា បានរំលេចខ្លួនក្នុង ការថតបង្ហាញ ម៉ូដ សំលៀកបំពាក់៥ឈុត ជាមួយបុរសសង្ហារ សម្បុរសសាច់ម៉ដ្ឋរលោង លោក អេនឌី យ៉ាងស្រស់ស្អាតជាមួយ ស្តាយក្នុងការ ពុតពែនខ្លួនកាច ស្តាយថតរូប យ៉ាងស្រស់ស្អាត ។
នៅក្នុងឈុតទាំង៥ដែល តារាសម្តែងស្រីវ័យក្មេងកញ្ញា ឌុច លីដា បាន រំលេចរូបបង្ហោះនៅ លើបណ្តាញ ទំនាក់ទំនងសង្គម Facebook នោះ គេ មានការចាប់អារម្មណ៍ឈុតមួយ ដែលមានភាពស្រស់ស្អាត និងសិចស៊ី ទាក់ទាញក្រសែភ្នែកសម្លឹង មើលច្រើនជាងគេ គឺឈុតខ្មៅវែងចងពុង ដោយ ឈុតនោះមានរចនា ម៉ូដលាយជាមួយ ស្បៃពណ៌សាច់ នៅចន្លោះ ចង្អូរដើមទ្រូងដ៏ សិចស៊ីរបស់នាង ហើយបើមើលផ្នែក ខាងក្រោមឆែក តាំងពីចុង ជើងរហូតដល់ត្រឹមភ្លៅ បូករួមជាមួយដង ខ្លួនស្រស់ស្អាត ស្បែកសរម៉ដ្ឋ រលោង រលេចឆ្លុះជាមួយ ឈុតខ្មៅនោះ គឺមានភាពស្រស់ស្អាតបែបនារី ស៊ីវិល័យប្លែកភ្នែក ។
មិនតែប៉ុណ្ណោះនៅក្នុងរូបថត ទាំងអស់នោះរាល់ ការកាចស្តាយ ថតរូប មើលទៅសិចស៊ីនេះផងដែរ គេក៏បានឃើញជាមួយ វត្តមានតារាសម្តែង លោក អេនឌី នៅកៀកកិតជិតប្រាណនាង ដើម្បីធ្វើជាបង្គោលក្នុងការ ឲ្យនាងចាយសម្រស់ នៅមុខកាមេរ៉ាថែមទៀតផង។
ថ្លែងប្រាប់ Looking TODAY តារាស្រីរូបស្រស់ សោភាកូនកាត់អឺរ៉ុប កញ្ញា លីដា បានប្រាប់ឲ្យដឹងថា “ការថតរូបនោះគឺគ្រាន់តែជា ការថតផ្សាយ ពាណិជ្ជកម្ម ឲ្យហាងលក់សំលៀកបំពាក់ ហើយសម្រាប់ឈុតដែល ខ្ញុំ ស្លៀកនោះ គឺម្ចាស់ហាងគេជា អ្នកជ្រើសរើស ព្រោះគេគិតថា ឈុតទាំង នោះ ស៊ីនិងដងខ្លួនរបស់ខ្ញុំមើល ទៅឆ្លុះសាច់ទាក់ទាញ ការចាប់អារម្មណ៍ ច្រើនហើយសម្រាប់ខ្ញុំ ឈុតទាំងអស់នោះ មិនជាសិចស៊ីប៉ុន្មានទេ តែបើ សម្រាប់ ឈុតណាស្លៀកទៅ វាសិចស៊ីពេក ក៏ខ្ញុំមិនស្លៀកដែរ ព្រោះខ្លាច ត្រូវគេរិះគន់ដែរហ្នឹងណាបង ” ៕
ដោយៈLookingTODAY
ផ្តល់សិទ្ធដោយ ដើមអម្ពិល
