ភ្នំពេញ
៖
រថយន្តកាមរីគូទហើម១គ្រឿងដែលគេស្គាល់ថាជារថយន្តតាក់ស៊ីដឹក
ភ្ញៀវនៅក្នុងព្រលានយន្តហោះភ្នំពេញបានបើកបរបោះពួយយ៉ាងលឿនទៅបុក
រនាំងដែកពុះចែកទ្រូងផ្លូវវៀចអស់៣ផ្ទាំងបណ្ដាលអោយរថយន្តមួយ
គ្រឿងនេះទទួលរងកាខូចខាតផ្នែកខាងមុខយ៉ាងធ្ងន់ធ្ងរនិងអ្នកបើកបរ
រថយន្តបង្កក៏បានរងរបួសរយៈក្បាលផងដែរ
ហើយអ្នកបើកបររថយន្តបង្ករូបនេះបានព្យាមយាមបើករត់ទាំងរថយន្ត
ខ្ទេចផ្នែកខាងមុខ
តែត្រូវសមត្ថកិច្ចឃាត់បាននៅផ្លូវលេខ២៦១កែងផ្លូវលេខ១២២ស្ថិត
នៅក្នុងសង្កាត់ទឹកល្អក់ទី១ខណ្ឌទួលគោក។
ហេតុការណ៍
គ្រោះថ្នាក់ចរាចរខាងលើនេះបានកើតឡើងកាលពីវេលាម៉ោង ១និង១៥នាទី
យប់រំលងអាធ្រាត្រឈានចូលថ្ងៃទី២១ ខែមិថុនា ឆ្នាំ២០១៣
នៅចំណុចខាងកើតស្ពានអាកាស៧មករា
ផ្លូវសហព័ន្ធរុស្ស៊ីស្ថិតក្នុងសង្កាត់ទឹកល្អក់ទី១ ខណ្ឌទួលគោក។
សមត្ថកិច្ច
ប៉ូលិសបានប្រាប់ថា អ្នកបើកបររថយន្តបង្កមានឈ្មោះ ឃុត សុខរី
អាយុ៣២ឆ្នាំ
ជាអ្នកបើកបររថយន្តតាក់ស៊ីដឹកភ្ញៀវនៅព្រលានយន្តហោះភ្នំពេញ
ស្នាក់នៅផ្ទះលេខ៨០១ ផ្លូវលំ សង្កាត់ឫស្សីកែវ ខណ្ឌឫស្សីកែវ ។
សមត្ថកិច្ចបន្តថា រថយន្តកាមរី ១គ្រឿង ពណ៌សម្បកឪឡឹក
ពាក់ស្លាកលេខ ភ្នំពេញ 2A-8055 ដែល
ជារថយន្តតាក់ស៊ីដឹកភ្ញៀវនៅព្រលានយន្តហោះបើកបរដោយបុរសម្នាក់
ធ្វើដំណើរតាមបណ្តោយមហាវិថីសហព័ន្ធរុស្សីក្នុងទិសដៅពីកើតទៅលិច
លុះបើកបរមកដល់ចំណុចកើតហេតុដោយសារតែអ្នកបើកបរស្រវឹងធ្លាក់ភ្នែក
នោះក៏បានរេចង្កូតទៅបុករនាំងដែកពុះចែកទ្រូងផ្លូវបណ្ដាលឱ្យ
ទ្រេត ៣ផ្ទាំង តែម្តង ចំណែករថយន្តខ្ទេចមួយកំណាត់មុខ។
ក្រោយ
កើតហេតុរថយន្តបង្កត្រូវសមត្ថកិច្ចជំនាញនាំយកទៅរក្សាទុកនៅ
ការិយាល័យចរាចរណ៍ជើងគោករាជធានីភ្នំពេញដើម្បីធ្វើការដោះស្រាយតាម
ផ្លូវច្បាប់ ៕
កម្ពុជាថ្មី | Friday, 21 June 2013 14:09:00
ស្រីរ័ត្ន
No comments:
Post a Comment