ពួក
ឥស្លាមនិយមយរាប់ម៉ឺននាក់បានប្រមូលផ្តុំគ្នានៅថ្ងៃសុក្រ
នៅក្នុងទីក្រុងនានានៅទូទាំងប្រទេស
ដោយប្តេជ្ញាថានឹងទ្រាំទ្រយុទ្ធនាការរបស់គេរាប់ខែដើម្បីស្តារ
ប្រធានា ធិបតីដែលត្រូវបណ្តេញចេញពីតំណែង។
លោកមហាមេដ បវស៊ី អោយកាន់អំណាចឡើងវិញ ក៏ប៉ុន្តែ១០ថ្ងៃ ក្រោយពីរដ្ឋប្រហារយោធាដែលផ្តួលរលំលោកមកក្រុម Muslim Brotherhood របស់
លោក ម័រស៊ី និង
ពួកសម្ព័ន្ធមិត្តរបស់ខ្លួនហាក់ដូចជាមិនបាននាំមកនូវផ្នែកកាន់តែធំ
ទូលាយមួយនៃសង្គមអេហ្ស៊ីបចូលទៅក្នុងដងផ្លូវនៅខាងកើតភាគីរបស់
គេទេ។
រដ្ឋការ
ថ្មីរបស់ប្រធានាធិបតីបណ្តោះអាសន្នដែលយោធាគាំទ្រលោក ម៉ាន់សួ អាដលី
ជាមួយ នឹងលោកសង្ឃមូស្លីមដ៏ខ្ពង់ខ្ពស់ អាល់ អាហ្សា ដែលជាស្ថាប័ន
មូស្លីម ស៊ុននី ដ៏ឆ្នើមបំផុតបានលើក នូវសំណើរសុំ «បង្រួបបង្រួមជាតិ»។
នាយករដ្ឋមន្ត្រីដែលទើបតែងតាំងថ្មីលោក ហាហ្សេ អេលបេបឡាវី
ត្រូវបានគេរាយការណ៍កំពុងសន្យាបញ្ចប់ការប្រជុំគណៈរដ្ឋមន្ត្រីរបស់
លោកនៅសប្តាហ៍ក្រោយ។
អ្នកនាំពាក្យប្រធានាធិបតីម្នាក់និយាយថា ក្រុម Muslim Brotherhood នឹងត្រូវគេផ្តល់តំណែងអោយ។ Brotherhood នៅតែ
ប្រកាន់ខ្ជាប់នៅក្នុងការប្រឆាំងរបស់ខ្លួនដោយនិយាយថា
ពួកអ្នកគាំទ្ររបស់ខ្លួននៅតែស្ថិតនៅតាមដងផ្លូវដរាបណាចូលជាធរមាន
នូវការតែងតាំងលោក ម័រស៊ី
ឡើងវិញដែលលោកត្រូវបានគេផ្តួលរលំនៅថ្ងៃទី៣ ខែកក្កដា
ក្រោយពីមហាបាតុកម្ម ៤ថ្ងៃ ទាមទារអោយបណ្តេញលោកចេញពីតំណែងមកនោះ។
នៅ
កន្លែងប្រមូលផ្តុំដ៏ធំរបស់ពួកឥស្លាមនិយមនៅក្នុងក្រុងគែរ
ហ្វូងបាតុករបានដើរដង្ហែ
ចូលមហាវិថីដ៏ធំមួយនៅខាងមុខវិហារមូស្លីម ម៉ាបាអាល់ អាដារីយ៉ា
ជាកន្លែងដែលពួកអ្នកគាំទ្រលោក ម័រស៊ី
បាននឹងកំពុងបោះជំរុំរយៈពេល២សប្តាហ៍មកហើយ។ បុព្វជិត សាឡាហ្វី
អ្នកអភិរក្សនិយមជ្រុលលោក សាហូវ៉ាត ហេហ្គាហ្ស៊ី
បាននិយាយប្រាប់អ្នកយកព័ត៌មានពីលើឆាកមួយថា «យើងត្រៀមខ្លួននឹងស្ថិតនៅមួយខែ ២ខែ ១ឆ្នាំ ឬ អាចទៅដល់ ២ឆ្នាំ»។
ពួក
បាតុករនៅទីនោះបានប្រកាន់ខ្ជាប់ថានឹងធ្វើបាតុកម្មរយៈពេលយូរ។
តង់ត្រូវបានគេតម្លើង
ហើយគេងបានសង់បង្គន់ដោយរៀបជញ្ជាំងឥដ្ឋសម្រាប់ឯកជន។
ពួកបាតុករមានមួកការពារខ្លួនផលិតក្នុងស្រុក និង
ដំបងការពារទីកន្លែងនោះដែលបានអូសទាញពួកអ្នកគាំទ្រលោក ម័រស៊ី
មកពីបណ្តាខេត្តផ្សេងៗ។
កងទ័ពកំពុងស្ថិតនៅចម្ងាយប្រហែល ១គីឡូម៉ែត្រ ដើម្បីជៀសវាងការប្រឈមមុខដោយផ្ទាល់៕
រិទ្ធ
