ភ្នំពេញ
៖ នៅភូមិទួលគោក សង្កាត់ទួលសង្កែ
ខណ្ឌឫស្សីកែវកាលពីព្រឹកថ្ងៃទី១២ ខែកក្កដាឆ្នាំ២០១៣ លោកសយ
កុសលប្រធានគណៈកម្មាធិការបក្សសង្កាត់ទួលសង្កែបានជួបសំណេះសំណាលនិង
បង្រៀនរបៀបគូសសន្លឹកឆ្នោត ជាមួយសមាជិកសមាជិការបក្សនៅ ភូមិទួលគោក
សង្កាត់ទួលសង្កែ ជិត ៥០០ នាក់។
ការជួបគ្នានេះអញ្ជើញចូលរួម មានលោក សយ កុសល ប្រធានគណៈកម្មាធិការបក្សសង្កាត់ ទួលសង្កែ និងមន្ត្រីពាក់ព័ន្ធជាច្រើនរូបទៀត។
លោក
សយ
កុសលក៏បានថ្លែងអំណរគុណយ៉ាងខ្លាំងដល់សមាជិកសមាជិកាទាំងអស់ដែលបាន
ចូលរួមនៅថ្ងៃនេះ
ដោយសារការជឿជាក់និងការគាំទ្រពីប្រជាពលរដ្ឋនៅមូលដ្ឋាន
យ៉ាងភ្លូកទឹកភ្លូកដី ហើយលោកបានលើកឡើងទៀតថាការបោះឆ្នោត
ត្រូវមានការតាំងចិត្តមុតមាំពិតប្រាកដ។
លោក
សយ កុសល បានលើកឡើងពីការរីកចំរើនលើគ្រប់វិស័យរបស់រាជរដ្ឋាភិបាល
ដែលដឹកនាំដោយគណប្រជាជនកម្ពុជា
ព្រមទាំងលើកឡើងពីការអភិវឌ្ឍន៍រីកចំរើននូវហេដ្ឋារចនាសម្ព័ន្ធ
ជារូបវន្ត័ ផ្សេងៗជាច្រើននៅក្នុងមូលដ្ឋាន។
លោក
បាន បន្តថា ដោយសារការរីកចំរើនឥតឈប់ឈរធ្វើឲ្យការអភិវឌ្ឍន៍
នៅតំបន់នេះមានហេដ្ឋារចនាសម្ព័ន្ធផ្លូវបេតុងនិងលូកាត់ខ្វាត់ ខ្វែង
បងប្អូនប្រជាពលរដ្ឋសាងសង់លំនៅដ្ឋានរីកដូចផ្សិតហើយដីនិងផ្ទះនៅ
ម្តុំនេះឡើងថ្លៃយ៉ាងខ្លាំងដែលពីមុននៅម្តុំនេះលិចទឹកជាប្រចាំ។
លោក
សយ កុសល បានថ្លែងទៅកាន់សមាជិកសមាជិកាបក្សទៀតថា
យើងត្រូវចេះរបៀបគូសសន្លឹកឆ្នោត
ឱ្យបានច្បាស់មិនត្រូវគូសខុសប្រអប់បួនជ្រុងនោះទេ
ហើយក៏មិនត្រូវគូសលេងឥតប្រយោជន៍នោះដែរ
ព្រោះនៅក្នុងសន្លឹកឆ្នោតតែបងប្អូន
គូសខុសតែបន្តិចគឺទុកជាអសារបង់មិន បានការ ឬមិនយកជាការឡើយ៕
ឌីរៀ
