កំពង់ឆ្នាំង ៖ នៅពេលស្វាង គឺជាមិត្តភ័ក្តិល្អ តែដល់ស្រវឹងដល់.ក
គឺកាប់គ្មានស្គាល់ថាអ្នកណាជាអ្នកណាឡើយ
ដូចក្នុងករណីមួយនេះយុវជនម្នាក់ត្រូវមិត្តភ័ក្តិរបស់ខ្លួនកាប់នឹង
កាំបិតកកុកដាច់លលាដ៍ក្បាល
ហូរឈាមជោកខ្លួនដោយសារតែទំនាស់ពាក្យសំដីគ្នាក្នុងវង់ផឹកស៊ី។
ហេតុការណ៍
នេះ បានកើតកាលពីវេលាម៉ោង៥និង៤០នាទីល្ងាច ថ្ងៃទី១៥
ខែកក្កដា ឆ្នាំ២០១៣ នៅចំណុចភូមិស្ពករាជ ឃុំអណ្តូងស្នាយ
ស្រុករលាប្អៀរ ខេត្តកំពង់ឆ្នាំង។
យុវជនរងគ្រោះដែលត្រូវមិត្តភ័ក្តិកាប់នោះមានឈ្មោះ ពិន សុភារិទ្ធ
អាយុ១៧ឆ្នាំ មានទីលំនៅចំណុចកើតហេតុខាងលើ
ហើយត្រូវបានក្រុមគ្រួសារដឹកយកទៅព្យាបាលនៅមន្ទីរពេទ្យបង្អែកខេត្ត
កំពង់ឆ្នាំង។
ប្រភព
ព័ត៌មានពីក្រុមគ្រួសារយុវជនរងគ្រោះបានឲ្យដឹងថា
នៅមុនពេលកើតហេតុយុវជនរងគ្រោះរួមនិងមិត្តភ័ក្តិរបស់គេដែលជា
កម្មករសំណង់ទើបនឹងបើកលុយ រួចបាននាំគ្នាចំនួនពីរ-បីនាក់
ផឹកទឹកត្នោតជូនៅកន្លែងកើតហេតុខាងលើ។
ប្រភពបានបន្តឲ្យដឹងទៀតថា
បន្ទាប់ពីផឹកស្រវឹងរៀងៗខ្លួននិយាយច្រើនក៏គងពាក្យសំដីគ្នាបង្ក
ជាទំនាស់ ហើយប្រកែកគ្នាកាន់តែខ្លាំងឡើងៗ
ស្រាប់ជនដៃដល់ដែលគេស្គាល់ថា ឈ្មោះ ប៉ី
បានទាញកាំបិតកកុកមកកាប់ចំក្បាលពេញមួយទំហឹង
តែម្តងបណ្តាលឲ្យរងរបួសធ្ងន់និងឈាមហូរជោកខ្លួន ។
ក្រោយ
ពេលកើតហេតុជនងរគ្រោះត្រូវបានដឹកមកសង្គ្រោះមកមណ្ឌលសុខភាពព្រៃ
ខ្មែរ
តែដោយសារស្ថានភាពធ្ងន់ពេកក៏បានដឹកបញ្ជូនបន្តមកសង្គ្រោះនៅ
មន្ទីរពេទ្យបង្អែកខេត្តកំពង់ឆ្នាំង ។
រីឯជនបង្កសមត្ថកិច្ចកំពុងតែស្វែងរកចាប់ខ្លួនដើម្បីយកមកផ្តន្ទាទោស
តាមច្បាប់ ៕
សោវី
