Galaxy Tab 2 10.1 សម្រាប់​សិស្ស និស្សិត​ចេញ​លក់​លើ​ទីផ្សារ​ហើយ

Wednesday, 24 July 2013 10:57 ប្រែសម្រូល៖Looking TODAY Posted ID: 098

ក្រុមហ៊ុនអេឡិចត្រូនិកកូរ៉េ Samsung បានប្រកាសកាលពីថ្ងៃចន្ទ កន្លងទៅនេះថា Samsung Galaxy Tab 2 10.1 Student Edition មានលក់នៅ លើទីផ្សារហើយ។
យោងតាមសេចក្ដីប្រកាស បានឲ្យដឹងថា សម្រាប់សិស្ស និស្សិត ទាំងអស់រកទិញ បាននៅតាមបណ្ដាញ ហាងលក់រាយ ក៏ដូចជានៅលើ គេហទំព័ររបស់ Best Buy, Amazon និង Wal-Mart ជាដើម។
Galaxy Tab 2 10.1 Student Edition មានភ្ជាប់មក ជាមួយនឹងជើងទម្រ ឃីប៊តប្រើ Bluetooth ដែលមានតម្លៃសរុប ៣៤៩,៩៩ដុល្លារអាមេរិក ហើយប្រសិនបើបញ្ជាទិញ ៣ឈុតផ្សេងគ្នានឹង មានការបញ្ចុះតម្លៃ ១០០ដុល្លារអាមេរិក។
Galaxy Tab 2 10.1 Student Edition ប្រើប្រាស់នូវអង្គប្រតិបត្តិ 1GHz dual-core អេក្រង់ទំហំ ១០.១អ៊ីង ប្រើប្រាស់ ប្រព័ន្ធដំណើរការ Android 4.0 ICS និងមានកាមេរ៉ាទំហំ ៣មេហ្គាភិចសែល RAM ទំហំ 1GB។
ដើម្បីលើកទឹកចិត្តដល់សិស្ស និស្សិតដែលបានទិញ Galaxy Tab 2 10.1 Student Edition ខាងក្រុមហ៊ុន Samsung បានសហការជាមួយនឹង Dropbox ផ្ដល់ជូនទំហំ Storage ចំនួន 50GB ដោយឥតគិតថ្លៃចំនួន១ឆ្នាំ៕