បន្ទាប់ ពីបានប្រកាសចេញនូវទូរស័ព្ទទំនើប Nokia Lumia 625 ដែលជាទូរស័ព្ទ Lumia Windows Phone មានអេក្រង់ធំជាងគេ និងថែមទាំងមានបំពាក់ 4G LTE តែជាទូរស័ព្ទមានតម្លៃទាប ពេលនេះក្រុមហ៊ុន Nokia ទើបតែបានបញ្ចេញនូវវីឌីអូថ្មី ដែលជាការបង្អួតពីទូរស័ព្ទទំនើបថ្មីមួយនេះ ។
ជាការពិតទូរស័ព្ទទំនើប Lumia 625 ត្រូវបានបំពាក់ដោយអេក្រង់ 4.7-inch គឺធំជាងទូរស័ព្ទ Lumia លក់
នៅលើទីផ្សារបច្ចុប្បន្ន ដែលមានទំហំអេក្រង់ធំអស់ត្រឹម 4.5-inch ដូចជា Lumia 920 ជាដើម ។
យ៉ាងណាមិញក្រៅពីអេក្រង់មានទំហំធំ និងបំពាក់ 4G LTE ទូរស័ព្ទ Lumia 625 ថែមទាំងត្រូវបានបំពាក់ដោយបច្ចេកវិទ្យា super-sensitive touch technology ដែលអាចឲ្យអ្នកប្រើធ្វើការ touch ទៅលើទូរស័ព្ទទាំងមានជាប់ស្រោមដៃ ។ ចង់ដឹងថា Lumia 625 មានរូបរាងស្រស់ស្អាតប៉ុណ្ណា និងមានអ្វីពិសេស សូមទស្សនាវីឌីអូខាងក្រោម ។
ដោយឡែកខាងក្រោមជាវីឌីអូមួយទៀត ដែលធ្វើការបង្ហាញពីរូបរាងរបស់ Lumia 625 និងត្រូវបានរៀបរៀងដោយប្រភព Cnet ។
សូមបញ្ជាក់ថា ដោយសារតែ Lumia 625 ត្រូវបានបំពាក់ដោយអេក្រង់មានទំហំធំជាង Lumia ទូទៅ និងមានបំពាក់ដោយ 4G LTE ហើយត្រូវបានក្រុមហ៊ុនប្រាប់ថា នឹងចេញលក់នៅក្នុងតម្លៃទាប គឺប្រហែល $300 មិនទាន់គិតពន្ធ ដូច្នេះក្រុមហ៊ុនបានបន្ថយនូវទំហំកាមេរ៉ារបស់ទូរស័ព្ទដោយបំពាក់ កាមេរ៉ាត្រឹមតែ 5MP ប៉ុណ្ណោះ ។ ក្រៅពីនេះ Lumia 625 បំពាក់ដោយ CPU dual-core 1.2GHz Snapdragon S4 និង RAM 512MB ហើយទូរស័ព្ទនេះនឹងត្រូវចេញលក់នៅលើទីផ្សារនា ខែកញ្ញា ខាងមុខ ៕
