កម្ពុជាថ្មី | Friday, 12 July 2013 10:19:00
ភ្នំពេញ
៖ យោងតាមការប្រមូលទិន្នន័យព័ត៌មាន របស់ក្រុមការងារអ្នកឧកញ៉ា
មហាភក្តី ហ៊ុន នាង បិតាបង្កើតសម្ដេចអគ្គមហាសេនាបតីតេជោ ហ៊ុន សែន
បានដកស្រង់នូវសមិទ្ធផលធំៗ ដែលជាអំណោយដ៏ថ្លៃថ្លា
របស់អ្នកឧញ៉ាមហាភក្តី ក្នុង រយៈពេល១០ឆ្នាំចុងក្រោយ (២០០១-២០១០) ដែលអ្នកឧកញ៉ាភក្ដីបានចូលរួមចំណែកកសាងអភិវឌ្ឍន៍ក្នុងវិស័យអប់រំ និងព្រះពុទ្ធសាសនា ក៏ដូចជាសង្គមជាតិទាំងមូល។
សៀវភៅ
សមិទ្ធផលស្នាដៃរបស់អ្នកឧកញ៉ាមហាភក្តី ហ៊ុន នាង
រយៈពេល១០ឆ្នាំដែលចងក្រងជាសៀវភៅមានចំណង ជើងថា
“ស្លាប់ឲ្យមានឈ្មោះ រស់ឲ្យមានន័យ”
ដែលពាក្យនេះក្រុមការងារចងក្រងឯកសារបានសម្រេចដកស្រង់ពីពាក្យ
ដំបូន្មានរបស់អ្នកឧញ៉ាផ្ទាល់ដោយ អ្នកឧកញ៉ាចង់អប់រំទូន្មានដល់
កូនចៅជនរួមជាតិជំនាន់ក្រោយឲ្យបានយល់ដឹង ថាការរស់នៅ
ក្នុងសង្គមមួយជីវិតត្រូវបង្កើត ស្នាដៃរក្សាកេរ្តិ៍ឈ្មោះ
និងស្នាដៃស្ថិតនៅជារៀងរហូត បានន័យថា “ស្លាប់តែរូបកាយតែកេរ្តិ៍
ឈ្មោះរស់នៅជាអមតៈ” ។ សមិទ្ធផលស្នាដៃធំៗរបស់អ្នកឧកញ៉ាមហាភក្តី ហ៊ុន
នាង រយៈពេល១០ឆ្នាំដែលក្រុមការងារបានស្រាវជ្រាវមកនោះរួមមាន ៖
១- សាលាបឋមសិក្សា
ហ៊ុន នាង អន្លង់ក្ងាន សមិទ្ធផលក្នុងគំរោងមានអគារសិក្សា១ខ្នង
៦បន្ទប់ទីចាត់ការ១ខ្នង៣បន្ទប់។
សមិទ្ធផលក្រៅគំរោងដោយប្រើប្រាស់ថវិកាផ្ទាល់របស់មហាព្រឹទ្ធាចារ្យ
មាន ការ តបណ្តាញទឹក-ភ្លើង
ចាក់ដីធ្វើផ្លូវរៀបការ៉ូឡា ចាក់សាបផ្លូវចូល ដាក់លូ
រំដោះទឹកសង់រូបសត្វតំណាងឆ្នាំទាំង១២
ជួសជុលអគារសិក្សាចាស់៣បន្ទប់ សួននិងដងទង់ជាតិ ចាក់សាបមុខទី
ចាត់ការសង់របងថ្មី និងលាបរបងចាស់ សង់បង្គន់អនាម័យ២ មាន៤បន្ទប់
និងខ្លោងទ្វារសាលា សរុបទឹកប្រាក់ ៥៧២០០ដុល្លារ អាមេរិក។
២- សាលាបឋមសិក្សា
បឹងត្របែកខាងត្បូងសមិទ្ធផលក្នុងគំរោងមានអគារទីចាត់ការ ១ខ្នង
មាន៤បន្ទប់។
សមិទ្ធផលក្រៅគំរោងដោយប្រើប្រាស់ថវិកាផ្ទាល់របស់មហាព្រឹទ្ធាចារ្យ
មាន សួនកុមារចាក់ផ្លូវបេតុង ចុះពីខ្លោងទ្វារ ដាក់ប្រព័ន្ធលូ
សួននិងដងទង់ជាតិ លាបអគារសិក្សាចាស់ សរុបថវិកា ៣៧៥០០ដុល្លាអាមេរិក។
៣- សាលាបឋមសិក្សា
បឹងត្របែកខាងកើត សមិទ្ធផលក្នុងគំរោងមានអគារសិក្សា ១ខ្នង ៥បន្ទប់
ទីចាត់ការ១ខ្នង ៤បន្ទប់។
សមិទ្ធផលក្រៅគំរោងដោយប្រើប្រាស់ថវិកាផ្ទាល់របស់មហា
ព្រឹទ្ធាចារ្យមានចាក់ផ្លូវបេតុង សួនកុមារ ដងទង់ជាតិ ខ្លោងទ្វារ
ជួសជុលអគារចាស់ចំនួន៤មាន
៣០បន្ទប់ របងសាលា សរុបទឹកប្រាក់៨០៥០០ដុល្លាអាមេរិក។
៤- អនុវិទ្យាល័យ
ហ៊ុន នាង ហ៊ុន សែន ភ្នំអដ្ឋរស្ស សមិទ្ធផលក្នុងគំរោងមានអគារសិក្សា
១ខ្នង៥បន្ទប់ ទីចាត់ការ ១ខ្នង
៤បន្ទប់។សមិទ្ធផលក្រៅគំរោងដោយប្រើប្រាស់ថវិកាផ្ទាល់របស់មហា
ព្រឹទ្ធាចារ្យ មានចាក់ដី របង ជួសជុលអគារចាស់ បង្គន់ ៤បន្ទប់
ធ្វើរបងខាងក្រោយសាលាសរុបទឹក ប្រាក់ ៣៨៨០០ ដុល្លាអាមេរិក។
៥- សាលាបឋមសិក្សា
ហ៊ុន នាង ទួលទំពូង២ សមិទ្ធផលក្នុងគំរោងមានអគារទីចាត់ការ ១ខ្នង
៤បន្ទប់។
សមិទ្ធផលក្រៅគំរោងដោយប្រើប្រាស់ថវិកាផ្ទាល់របស់មហាព្រឹទ្ធាចារ្យ
មានរៀប ការ៉ូឡា២លើក ខ្លោងទ្វារសង់រូបសត្វតំណាងឆ្នាំទាំង ១២
សរុបទឹកប្រាក់ ២៣៥០០ដុល្លាអាមេរិក។
៦- សាលាបឋមសិក្សា
ហ៊ុន នាង បាក់ខែង សមិទ្ធផលក្នុងគំរោងមានអគារសិក្សា ១ខ្នង ៦បន្ទប់
ទីចាត់ការ ១ខ្នង មាន៤បន្ទប់
និងខ្លោងទ្វារ១។សមិទ្ធផលក្រៅគំរោងដោយប្រើប្រាស់ថវិកា
ផ្ទាល់របស់ព្រឹទ្ធាចារ្យ មានធ្វើរបងថ្មព័ទ្ឋជុំវិញសាលា
ជួសជុលលាបអគារចាស់ ២ខ្នង ១០បន្ទប់ ចាក់ដីមុខអគារសិក្សាទើបសងថ្មី
និងបង្គន់អនាម័យសរុបជាទឹកប្រាក់ ៣៥២០០ដុល្លាអាមេរិក ។
៧- សាលាបឋមសិក្សា
ហ៊ុន នាង យ៉ាម៉ាប៊ិកុ សមិទ្ធផលក្នុងគំរោងមានអគារសិក្សា ១ខ្នង
៦បន្ទប់។សមិទ្ធផលក្រៅគំរោងដោយប្រើប្រាស់ថវិកាផ្ទាល់របស់
ព្រឹទ្ធាចារ្យមានខ្លោងទ្វារ១ ។
៨- សាលាបឋមសិក្សា
ហ៊ុន នាង ល្វាកោះដាច់ សមិទ្ធផលក្នុងគំរោងមានអគារសិក្សា
១ខ្នង៥បន្ទប់ ។
សមិទ្ធផលក្រៅគំរោងដោយប្រើប្រាស់ថវិកាផ្ទាល់របស់មហាព្រឹទ្ធាចារ្យ
មាន ខ្លោងទ្វារ ១ និង របងសរុបទឹកប្រាក់ ២៤០០០ដុល្លាអាមេរិក ។
៩- អនុវិទ្យាល័យ
ប៊ុន រ៉ានី កោះដាច់ សមិទ្ធផលក្នុងគំរោងមានជួសជុលអគារចាស់១ខ្នង
៤បន្ទប់ ខ្លោងទ្វារ១ និងរបងសាលា សរុបទឹកប្រាក់៣៤៥០០ដុល្លាអាមេរិក
។
១០- ការ
ចំណាយលើសមិទ្ធផលផ្សេងរួមមាន ជួសជុលសាលាឆទានភ្នំអដ្ឋរស្សចំណាយ
ទឹកប្រាក់ ៣៥០០ដុល្លាអាមេរិក សាលាឆទានភ្នំជីសូរចំណាយទឹកប្រាក់
៤៥០០ដុល្លាអាមេរិក សាលាឆទានតាខ្មៅចំណាយទឹកប្រាក់៥០០០ដុល្លាអាមេរិក
ខ្លោងទ្វារសាលាព្រែកកំពឹសចំណាយ ទឹកប្រាក់ ៤៥០០ដុល្លាអាមេរិក។ ចាក់សាប
និងរបងចំណាយទឹកប្រាក់ ៤៨០០ដុល្លាអាមេរិក ខ្លោងទ្វារ
វត្តអម្ពរវ័ន្តចំណាយទឹកប្រាក់ ៥០០០ដុល្លាអាមេរិក
ប្រគេនសម្តេចសង្ឃនាយក នន្ទ ង៉ែត ទឹកប្រាក់ ១០០០ដុល្លាអាមេរិក
ប្រគេនព្រះតេជគុណ ផល ទឹកប្រាក់ ១០០០ដុល្លាអាមេរិក ទិញ ម៉ាស៊ីនភ្លើង
១៤គ្រឿង ចំណាយទឹកប្រាក់ ១៥៤០០ដុល្លាអាមេរិក
ជួយចូលរួមកសាងព្រះវិហារវត្ត អម្ពរវ័ន្ត ៥ដំណាក់កាល
ចំណាយទឹកប្រាក់សរុប ១២ម៉ឺនដុល្លាអាមេរិក។ ចំពោះអំណោយម៉ាស៊ីន ភ្លើង
និងមេក្រូ អំព្លី គិតមកដល់ខែកក្កដា ឆ្នាំ២០១១ នេះមានចំនួន២៣៧គ្រឿង
ដែលមហាព្រឹទ្ធាចារ្យ ហ៊ុន នាង បានប្រគេនដល់វត្តចំនួន ២៣៧
នៅទូទាំងព្រះរាជាណាចក្រកម្ពុជា។
សមិទ្ធផលផ្សេងៗទៀតរួមមាន ៖
១- សាលាឆទាន ១ខ្នងនៅវត្តដីដុះ ខេត្តកំពង់ចាម អំណោយឯកឧត្តម ហ៊ុន ណេង ក្នុងនាម
មហាព្រឹទ្ធាចារ្យ ហ៊ុន នាង។
២- សាលាឆទាន ១ខ្នងនៅស្ពានគុណគ្រូ ខេត្តកំពង់ស្ពឺ អំណោយឯកឧត្តម ខ្វាន់ ស៊ាម ក្នុង នាមមហាព្រឹទ្ធាចារ្យ ហ៊ុន នាង។
៣- សាលាឆទាន១ខ្នង នៅស្ពានអង្គរបាន ស្រុកកងមាស ខេត្តកំពង់ចាម អំណោយ ឯកឧត្តម គង់ អៀង ក្នុងនាមមហាព្រឹទ្ធាចារ្យ ហ៊ុន នាង។
៤- សាលាឆទាន ១ខ្នងនៅភ្នំជីសូរ ខេត្តតាកែវ អំណោយរបស់មហាព្រឹទ្ធាចារ្យ ហ៊ុន នាង ផ្ទាល់។
៥- សាលាឆទាន ១ខ្នងនៅភ្នំអដ្ឋរស្ស ខេត្តកំពង់ស្ពឺ អំណោយរបស់មហាព្រឹទ្ធាចារ្យ ហ៊ុន នាង ផ្ទាល់។
៦- សាលាឆទាន ១ខ្នងនៅកំពង់សំណាញ់ តាខ្មៅខេត្តកណ្តាល អំណោយរបស់មហាព្រឹទ្ធាចារ្យ ហ៊ុន នាងផ្ទាល់។
៧- កុដិ ១ខ្នងនៅវត្តចាក់អង្រែលើ ខណ្ឌមានជ័យ អំណោយរបស់មហាព្រឹទ្ធាចារ្យ ហ៊ុន នាង ផ្ទាល់។
សមិទ្ធផល
ធំៗខាងលើជាស្នាដៃ និងការកសាងឡើងដោយ
អ្នកឧកញ៉ាមហាភក្តីសប្បុរិសភោគាធិបតី ហ៊ុន នាង
សម្រាប់ទុកឲ្យប្រជាជនប្រើប្រាស់ជាប្រយោជន៍សាធារណៈ
ហើយនៅមានសមិទ្ធផលជាច្រើនសន្ធឹកសន្ធាប់ទៀតដែលក្រុមការងារកំពុង
ស្រាវជ្រាវចងក្រង ដែលសមិទ្ធផលទាំងនោះ សាងសង់នៅតាមទីអារាមសាលារៀន
និងនៅតាមភូមិស្រុកខេត្តជនបទទៀតផង៕
