ភ្នំពេញ
៖
នារីម្នាក់បានរងរបួសធ្ងន់បែកក្បាលហូរឈាមហើយក៏ត្រូវបានគេដឹក
បញ្ជូនទៅកាន់មន្ទីរពេទ្យផងដែរក្រោយពេលដែលនារីម្នាក់នេះក្នុង
ចំណោមមិត្តស្រីម្នាក់ទៀតជិះម៉ូតូត្រឡប់ពីហូបបង្អែមវិញ
ហើយបានជួបនឹងក្រុមចោរប្លន់ប្រដាប់អាវុធដោយក្រុមល្មើសបានវាយ
នឹងស្នាប់កាំភ្លើងប្លន់យកម៉ូតូបានសម្រេច១គ្រឿងនោះ។
អំពើ
ប្លន់ប្រដាប់អាវុធនេះបានកើតឡើងកាលពីវេលាម៉ោង២៣និង៣០នាទីយប់
ថ្ងៃទី២០ ខែសីហា ឆ្នាំ២០១៣ ស្ថិតនៅតាមបណ្តោយផ្លូវលេខ៣៣៦
ក្រុមទី១៣ សង្កាត់បឹងសាឡាង ខណ្ឌទួលគោក។
បង្កឡើងពីក្រុមល្មើស៤នាក់ប្រដាប់ដោយកាំភ្លើងខ្លី១ដើមជិះ
ម៉ូតូស៊េរីទំនើប២គ្រឿងបានធ្វើសកម្មភាពប្លន់យកម៉ូតូពីនារី
រងគ្រោះម៉ាកនិចពណ៌ខ្មៅលាយក្រហម ពាក់ស្លាកលេខ ភ្នំពេញ 1BY-0620 បានសំរេច។
នារីដែលរងគ្រោះទាំង២នាក់ខាងលើទី១. ឈ្មោះ ស្រីពៅ អាយុ១៩ឆ្នាំ និងទី២. ឈ្មោះ ស្រីឡា មានទីលំនៅជិតកន្លែងកើតហេតុបានរងរបួសបែកក្បាលដោយស្នាប់កាំភ្លើងម្នាក់គឺឈ្មោះស្រីពៅ។
ប្រភព
ព័ត៌មានពីកន្លែងកើតហេតុបានអោយដឹងថា
នៅមុនពេលកើតហេតុពួកនាងរងគ្រោះទាំង២នាក់បានជិះម៉ូតូម៉ាកនិច
ពណ៌ខ្មៅលាយក្រហម ពាក់ស្លាកលេខ ភ្នំពេញ 1BY-0620 ឌុប
គ្នាធ្វើដំណើរតាមបណ្តោយផ្លូវលេខ៣៣៦
ចេញពីកន្លែងហូបបង្អែមនៅម្តុំផ្សារដើមគរដើម្បីត្រឡប់មកផ្ទះ
វិញ។លុះពេលជិះដល់កន្លែងកើតហេតុស្រាប់តែមានជនសង្ស័យចំនួន៤នាក់
ប្រដាប់ដោយកាំភ្លើងខ្លី១ដើម
ជិះម៉ូតូស៊េរីទំនើប២គ្រឿងមកក្បែរនារីរងគ្រោះរួចជនសង្ស័យម្នាក់
បានដកកាំភ្លើងទៅភ្ជង់គំរាមនារីរងគ្រោះដើម្បីដណ្ដើមយកម៉ូតូ
ប៉ុន្តែពួកនាងមិនឲ្យទើបក្រុមចោរប្លន់ទ្រាំមិនបានបាញ់គំរាមឡើង
លើ ១គ្រាប់ និងវាយក្បាលនារីម្នាក់ឈ្មោះ ស្រីពៅ
បណ្តាលឲ្យរងរបួសធ្ងន់ធ្ងរ
ហើយក្រុមចោរប្លន់បានដណ្តើមយកម៉ូតូម៉ាកនិចរបស់នារីរងគ្រោះជិះ
រត់គេចខ្លួនបាត់ស្រមោលភ្លាមៗ។
ក្រោយ
កើតហេតុនារីរងគ្រោះត្រូវបានសមត្ថកិច្ចហៅរថយន្តសាមុយមកដឹកយក
ទៅសង្គ្រោះនៅមន្ទីរពេទ្យ។
ហើយហេតុការណ៍នេះសមត្ថកិច្ចមូលដ្ឋានបានចុះមកស្រង់យកព័ត៌មានពីជន
រងគ្រោះ
ដើម្បីងាយស្រួលស្វែងរកតាមចាប់ខ្លួនក្រុមចោរប្លន់ខាងលើយកមក
ផ្ដន្ទាទោសតាមផ្លូវច្បាប់។
ក្រោយ
ពេលកើតហេតុមិនបានប៉ុន្មានម៉ោងផងពោលគឺនៅម៉ោងប្រមាណ១២និង៣០
នាទីរំលងអាធ្រាតឈានចូលថ្ងៃទី២១ ខែសីហា ឆ្នាំ២០១៣
ស្ថិតនៅចំណុចភូមិថ្មី សង្កាត់មានជ័យ ខណ្ឌមានជ័យ
សមត្ថកិច្ចនគរបាលខណ្ឌទួលគោកបានសហការជាមួយនគរបាលខណ្ឌមានជ័យទើប
ឈានទៅដល់ការឃាត់ខ្លួនជនសង្ស័យ២នាក់ផងដែរ ក្នុងនោះទី១.ឈ្មោះ ចាន់ សុធី ភេទប្រុស អាយុ២០ឆ្នាំ ស្នាក់នៅភូមិទួលសង្កែ ក្នុងសង្កាត់-ខណ្ឌឫស្សីកែវ និងដកហូតបានកាំភ្លើងខ្លីម៉ាកកា៥៩មួយដើមជារបស់ជនសង្ស័យទី១ និងទី២.ឈ្មោះ ឌុច សីលា ភេទប្រុស អាយុ១៩ឆ្នាំ ស្នាក់នៅភូមិថ្មី ក្នុងសង្កាត់-ខណ្ឌមានជ័យ។
បច្ចុប្បន្ន
ជនសង្ស័យត្រូវបានសមត្ថកិច្ចឃាត់ខ្លួនបណ្ដោះអាសន្ននៅនគរបាលខណ្ឌ
មានជ័យដើម្បីធ្វើការសាកសួរនិងស្វែងរកចាប់ខ្លួនបក្ខពួក២នាក់
ទៀតដែលយកម៉ូតូរបស់ជនរងគ្រោះទៅបាត់នោះដើម្បីយកមកចាត់វិធានការ
តាមផ្លូវច្បាប់៕
ស្រីរ័ត្ន
