ហ្វីលីពីន -
អត្ថបទចុះផ្សាយនៅថ្ងៃ អាទិត្យ 18 សីហា 2013 -
ព័ត៌មានទើបកែប្រើលើកចុងក្រោយ ថ្ងៃ អាទិត្យ 18 សីហា 2013
នៅព្រឹកថ្ងៃអាទិត្យនេះ
ក្រុមអ្នកជួយសង្គ្រោះរបស់ហ្វីលីពីននៅបន្តប្រតិបត្តិការស្វែងរកជន
រងគ្រោះ
ចំនួន១៧០ទៀត ដែលបានបាត់ខ្លួននៅក្នុងហេតុការណ៍លិចនាវា
ចម្លង នៅក្នុងសមុទ្រនៃទីក្រុងសេប៊ុ។
ពួកគេសង្ឃឹមថា អាចមានអ្នកនៅរស់រានមានជីវិត។
ការលិចនាវាចម្លងនេះ បានកើតឡើងកាលពីយប់ថ្ងៃសុក្រ
បន្ទាប់ពីបានបុកគ្នាជាមួយនាវាដឹកទំនិញមួយ។
គ្រោះថ្នាក់នាវាបុកគ្នា
គឺជារឿងសមញ្ញទៅហើយ នៅក្នុងប្រទេសប្រជុំកោះមួយនេះ
ដែលប្រជាជនប្រើនាវាជាមធ្យោបាយធ្វើដំណើរ។
នៅព្រឹកថ្ងៃអាទិត្យនេះ ក្រុមអ្នកជួយសង្គ្រោះរបស់ហ្វីលីពីន
បានបន្តប្រតិបត្តិការស្វែងរកអ្នកដំណើរចំនួន១៧០នាក់ទៀត
ដែលកំពុងបាត់ខ្លួននៅក្នុងហេតុការណ៍លិចនាវាចម្លងមួយកាលពីយប់
ថ្ងៃសុក្រ។
ក្រុមអ្នកជួយសង្គ្រោះ ដែលកំពុងប្រឈមនឹងខ្យល់ព្យុះជាឧបសគ្គនៃប្រតិបត្តិការនោះ បានអះអាងថា ជនរងគ្រោះនៅក្នុងហេតុការណ៍លិចនាវាចម្លងនោះ អាចប្រើប្រាស់អាវពោងសុវត្ថិភាព ដែលអាចជួយសង្គ្រោះជីវិតរបស់ពួកគេ។ ហេតុដូច្នេះហើយ បានជាក្រុមអ្នកជួយសង្គ្រោះនៅព្យាយាមស្វែងរកអ្នក បាត់ខ្លួនទាំងនោះ។
ទោះយ៉ាងណាក៏ដោយ រហូតដល់ពេលនេះ មានមនុស្ស៣២នាក់ហើយដែលត្រូវបានអះអាងជាផ្លូវការថា បានស្លាប់នៅក្នុងឧប្បត្តិហេតុដ៏សោកសៅនោះ។ កាលពីយប់ថ្ងៃសុក្រ នាវាចម្លងដែលត្រូវបានគេបញ្ជាក់ថា បានដឹកអ្នកដំណើរជាង៨០០នាក់នោះ បានបុកគ្នាជាមួយកប៉ាល់ដឹកទំនិញមួយនៅក្នុងដែនសមុទ្រនៃទីក្រុង សេប៊ុ នៃប្រទេសហ្វីលីពីន។ ដោយឡែក កប៉ាល់ដឹកទំនិញដែលមាននាវិកចំនួន៣៦នាក់នៅលើនោះ មិនបានលិចឡើយ។
ក្រោយពីមានសោកនាដកម្មនេះ មន្ត្រីនៃអាជ្ញាធរឧស្សាហកម្មដែនសមុទ្របានចេញមុខអះអាងថា នាវាទាំងពីរបានទទួលការត្រួតពិនិត្យផ្នែកបច្ចេកទេសអំពីសុវត្ថិភាព នៃការចរាចរណ៍លើដែនសមុទ្ររួចហើយ។ ពួកគេបានដាក់ការសង្ស័យទៅលើក្រុមនាវិកនៃនាវាណាមួយ ក្នុងចំណោមនាវាទាំងពីរ ដែលបានបើកបរខុសគន្លងផ្លូវទឹកដែលត្រូវបើកបរ។
គួរបញ្ជាក់ថា នៅក្នុងប្រទេសហ្វីលីពីន នាវាគឺជាមធ្យោបាយដឹកជញ្ជូនដ៏មានប្រជាប្រិយមួយសំរាប់ប្រជាជន ហ្វីលីពីនដែលមានជីវភាពក្រីក្រ ដែលត្រូវធ្វើដំណើរឆ្លងកាត់ប្រជុំកោះទាំង៧១០០កោះ ក្នុងប្រទេស ហ្វីលីពីនទាំងមូល។
គ្រោះថ្នាក់នាវាចម្លងនេះ ក៏បានក្លាយជាបញ្ហាធម្មតាទៅហើយ នៅក្នុងប្រទេសហ្វីលីពីន។ គេនៅចាំបានថា គ្រោះថ្នាក់នាវាបុកគ្នាធ្ងន់ធ្ងរជាងគេ នៅក្នុងឆ្នាំ១៩៨៧ បានសម្លាប់អ្នកដំណើរជាង៤៣០០នាក់។ បន្ទាប់មកនៅក្នុងឆ្នាំ២០០៨ ខ្យល់ព្យុះបានធ្វើអោយនាវាចម្លងក្រឡាប់ចូលក្នុងសមុទ្រ ដែលបានធ្វើមនុស្សស្លាប់ជាង៨០០នាក់ដែរ៕
ក្រុមអ្នកជួយសង្គ្រោះ ដែលកំពុងប្រឈមនឹងខ្យល់ព្យុះជាឧបសគ្គនៃប្រតិបត្តិការនោះ បានអះអាងថា ជនរងគ្រោះនៅក្នុងហេតុការណ៍លិចនាវាចម្លងនោះ អាចប្រើប្រាស់អាវពោងសុវត្ថិភាព ដែលអាចជួយសង្គ្រោះជីវិតរបស់ពួកគេ។ ហេតុដូច្នេះហើយ បានជាក្រុមអ្នកជួយសង្គ្រោះនៅព្យាយាមស្វែងរកអ្នក បាត់ខ្លួនទាំងនោះ។
ទោះយ៉ាងណាក៏ដោយ រហូតដល់ពេលនេះ មានមនុស្ស៣២នាក់ហើយដែលត្រូវបានអះអាងជាផ្លូវការថា បានស្លាប់នៅក្នុងឧប្បត្តិហេតុដ៏សោកសៅនោះ។ កាលពីយប់ថ្ងៃសុក្រ នាវាចម្លងដែលត្រូវបានគេបញ្ជាក់ថា បានដឹកអ្នកដំណើរជាង៨០០នាក់នោះ បានបុកគ្នាជាមួយកប៉ាល់ដឹកទំនិញមួយនៅក្នុងដែនសមុទ្រនៃទីក្រុង សេប៊ុ នៃប្រទេសហ្វីលីពីន។ ដោយឡែក កប៉ាល់ដឹកទំនិញដែលមាននាវិកចំនួន៣៦នាក់នៅលើនោះ មិនបានលិចឡើយ។
ក្រោយពីមានសោកនាដកម្មនេះ មន្ត្រីនៃអាជ្ញាធរឧស្សាហកម្មដែនសមុទ្របានចេញមុខអះអាងថា នាវាទាំងពីរបានទទួលការត្រួតពិនិត្យផ្នែកបច្ចេកទេសអំពីសុវត្ថិភាព នៃការចរាចរណ៍លើដែនសមុទ្ររួចហើយ។ ពួកគេបានដាក់ការសង្ស័យទៅលើក្រុមនាវិកនៃនាវាណាមួយ ក្នុងចំណោមនាវាទាំងពីរ ដែលបានបើកបរខុសគន្លងផ្លូវទឹកដែលត្រូវបើកបរ។
គួរបញ្ជាក់ថា នៅក្នុងប្រទេសហ្វីលីពីន នាវាគឺជាមធ្យោបាយដឹកជញ្ជូនដ៏មានប្រជាប្រិយមួយសំរាប់ប្រជាជន ហ្វីលីពីនដែលមានជីវភាពក្រីក្រ ដែលត្រូវធ្វើដំណើរឆ្លងកាត់ប្រជុំកោះទាំង៧១០០កោះ ក្នុងប្រទេស ហ្វីលីពីនទាំងមូល។
គ្រោះថ្នាក់នាវាចម្លងនេះ ក៏បានក្លាយជាបញ្ហាធម្មតាទៅហើយ នៅក្នុងប្រទេសហ្វីលីពីន។ គេនៅចាំបានថា គ្រោះថ្នាក់នាវាបុកគ្នាធ្ងន់ធ្ងរជាងគេ នៅក្នុងឆ្នាំ១៩៨៧ បានសម្លាប់អ្នកដំណើរជាង៤៣០០នាក់។ បន្ទាប់មកនៅក្នុងឆ្នាំ២០០៨ ខ្យល់ព្យុះបានធ្វើអោយនាវាចម្លងក្រឡាប់ចូលក្នុងសមុទ្រ ដែលបានធ្វើមនុស្សស្លាប់ជាង៨០០នាក់ដែរ៕
