ការដេកគឺជាមធ្យោបាយដ៏មានប្រសិទ្ធភាពបំផុតក្នុងការ បន្ធូអារម្មណ៍ទាំងផ្លូវកាយ និងផ្លូវចិត្ត។ រយៈពេល ៨ម៉ោងនៃការដេកមានសារៈសំខាន់ណាស់ដើម្បីផ្តល់ភាពសកម្មដល់ ចិត្តគំនិត។ មនុស្សជាច្រើនមានការពិបាកក្នុងការដេក ឬដេកអោយបានលក់ស្កប់ស្កល ដូច្នេះក៏ចាប់ផ្តើមប្រើថ្នាំងងុយដេក
មួយគ្រាប់ពីរ ដែលជាហេតុនាំអោយគ្រោះថ្នាក់ធ្ងន់ធ្ងរដល់សុខភាពទៅវិញ។ ការដេកអាចមានលក្ខណៈល្អប្រសើរមកវិញបានតាមរយៈរបបអាហារ ដូច្នេះខ្ញុំនឹងជម្រាបជូននូវរបបអាហារសាមញ្ញៗទាំងប្រាំដែលជួយអោយ អ្នកអាចដេកលក់ស្រួលបាន។
១, ទឹកដោះគោក្តៅឧណ្ហៗមួយកែវ
ជាតិកាលស្យូមគឺជាប្រភេទយ៉ាងល្អជួយអោយដេកលក់ស្រួល ដូច្នេះហើយទឹកដោះគោគឺសម្បូរជាតិកាលស្យូមណាស់។ ការទទួលទានទឹកដោះគោក្តៅមួយកែវជារៀងរាល់ថ្ងៃជាមួយនឹងទឹកឃ្មុំមួយ ស្លាបព្រានឹងជួយសម្រួលដល់ការដេករបស់អ្នកបាន។ ទឹកឃ្មុំជួយកាត់បន្ថយអ័រម៉ូនដែលមិនអោយដេក ពេលនោះអ្នកនឹងដេកលក់ក្នុងរយៈពេលតែប៉ុន្មាននាទីក្រោយតែប៉ុណ្ណោះ។
២, ថ្នាំបំពង់វីតាមីន B6
វីតាមីន B6 មានសារៈសំខាន់ណាស់ដើម្បីអោយការដេកប្រកបដោយផាសុខភាព។ ផ្លែចេក និងត្រីសម្បូរវីតាមីន B6ណាស់។
៣, ទំពាំងបាយជូ និងផ្លែឈើរី
Melatonin គឺជាអ័រម៉ូនជួយអោយងងុយដេក ហើយវាមានតែផ្លែទំពាំងបាយជូ និងផ្លែឈើរីទេដែលមានវត្តមានរបស់វា។ អ័រម៉ូននេះនឹងជួយថែរក្សាវដ្តនៃការដេក, រាងកាយសកម្ម និងចិត្តគំនិតស្រស់ថ្លា។ ដូច្នេះការទទួលទានផ្លែទំពាំងបាយជូ និងផ្លែឈើរីមួយចានគោមពេញរាល់ថ្ងៃត្រូវតែជាផ្នែកមួយនៃរបស់ អាហាររបស់អ្នក។
៤, ដំឡូងផ្អែម
ដំឡូងផ្អែមសម្បូរជាតិម៉ាញ៉េស្យូម និងប៉ូតាស្យូមណាស់ ហើយវាមាននាទីជាអ្នកទ្រទ្រងដល់ការដេក និងបន្ធូរសាច់ដុំ។ ដូច្នេះហើយដំឡូងផ្អែមគួរតែជាផ្នែកមួយនៃរបបអាហារប្រចាំថ្ងៃ។ អ្នកគួរតែប្តូរវាមកញ៉ាំពេលយប់វិញ។
៥, តែឬសឈើ
តែដែលគ្មានជាតិកាហ្វេអ៊ីន ឬតែឬសឈើសុទ្ធតែមានប្រយោជន៍ដល់ការដេកទាំងអស់ ព្រោះវាមានឥទ្ធិពលជួយសម្រួលដល់រាងកាយ និងផ្តល់ជាសុខផាព។ តែប្រភេទ Valerian Tea, Jasmine, Lime Balm, Orange Blossom សុទ្ធតែត្រូវបានគេអះអាងថាជំនួយដល់ការដេក៕
