Written by បុរសស៊ីវិល័យ // July 10, 2013 // កម្សាន្ត - កីឡា & សុខភាព, សុខភាពសំរស់&ភេទ // No comments
បុរសៗ តែងតែនឹកភ្នកចង់រួមរ័ក្សតាមអ្វី ដែលគេបានឃើញនៅក្នុងកុនកូនជ្រូក ឬវីដេអូសិច។ ប៉ុន្ដែការរួមរ័ក្ស អាចជារឿងដ៏រីករាយ និងរំភើបញាប់ញ័រស្រើបស្រាលផ្នែកផ្លូវកាយ និងផ្លូវអារម្មណ៍ នៅពេលដែលដៃគូទាំងពីរ ចេះចែករំលែកភាពសុខស្រួល ឱ្យគ្នាទៅវិញទៅមក។ តើអ្នកបានដឹងទេថា
មានបញ្ហាមួយចំនួន ដែលស្ដ្រីមានអារម្មណ៍មិនសូវសុខស្រួល ខណៈពេលកំពុងរួមគ្រែខ្នើយ?
ត្រូវចងចាំថា ស្ដ្រីភាគច្រើនមិនចង់រួមរ័ក្ស ដើម្បីតែរួមរ័ក្សនោះទេ ហើយគេមិនចង់ឱ្យបុរសប្រព្រឹត្ដចំពោះគេ ដូចកូនជឹងសិចរបស់គេនោះទេ។ សម្រាប់ស្ដ្រី រឿងគ្រែខ្នើយ អាចជាលទ្ធផលកើតចេញពីសេចក្ដីស្នេហា កាមរាគៈ និងមនោសញ្ចេតនារម្មណ៍។ ដើម្បីធ្វើឱ្យជីវិតផ្លូវភេទសុខស្រួល សម្រាប់បុរស និងនារី ស៊ីវិល័យនឹងជម្រាបជូនអ្នក អំពីរឿងគ្រែខ្នើយទាំង ៥ យ៉ាងដែលស្ដ្រីតែងតែខ្លាចរអែង ៖
១. ការរួមរ័ក្សតាមរន្ធគូថ ៖ ការរួមរ័ក្សតាមរន្ធគូថផ្ដល់សេចក្ដីសុខមួយបែប បើធៀបទៅនឹងការរួមរ័ក្សតាមធម្មតានោះ ប៉ុន្ដែអ្នកមិនគួរធ្វើឱ្យដៃគូតក់ស្លុត ជាមួយនឹងចំណង់អ្នកបែបនេះទេ។ មានស្ដ្រីខ្លះ មិនមានអារម្មណ៍រំភើបស្រើបស្រាល តាមរយៈការរួមរ័ក្សបែបនេះទេ។ ដូច្នេះជាបុរស គួរតែយល់ដឹងពីរឿងគ្រែខ្នើយ នេះផងដែរ។ ប្រសិនបើការប្រព្រឹត្ដបែបនេះ ក្លាយជាបទពិសោធន៍ដ៏អាក្រក់ នាងនឹងស្បថលែងចង់ឱ្យជួបអស់មួយជីវិត ជាក់ជាមិនខានឡើយ។
២. ភ័យខ្លាចមានផ្ទៃពោះ៖ បុរសៗ តែងតែចូលចិត្ដរួមរ័ក្សជាមួយដៃគូ ដោយមិនប្រើប្រាស់ស្រោមអនាម័យ។ ប៉ុន្ដែ នេះ គឺជារឿងដ៏គួឱ្យឈឺក្បាលសម្រាប់ស្ដ្រី ប្រសិនបើនាងមិនទាន់ត្រៀមខ្លួន ចង់បានកូននៅឡើយ។ ការរួមរ័ក្សដោយចាក់ទឹកក្រៅពាង មិនមែនជាការមិនអាចមានកូន ១០០ ភាគរយបានទេ។ ស្ដ្រីក៏មិនចូលចិត្ដប្រើប្រាស់ថ្នាំគ្រាប់ពន្យារ ឬទៅពិនិត្យផ្ទៃពោះគ្រប់ពេលវេលានោះដែរ។ ដូច្នេះជាបុរស មិនគួររួមរ័ក្សដោយមិនបានប្រើប្រាស់ស្រោមអនាម័យឡើយ។
៣. ការរួមរ័ក្សសាហាវព្រៃផ្សៃ ៖ មុនពេលអ្នកចង់សាកល្បងរួមរ័ក្សបែបសាហាវ ត្រូវស្វែងយល់ពីដៃគូសិន។ យើងដឹងថា ឧបករណ៍បម្រើឱ្យសិច ដូចជា ខ្នោះដៃ ខ្សែចង ការវាយដោយរំពាត់ខ្សែតី និងការនិយាយពាក្យចំអេសចំអាស គឺជាកម្លាំងជម្រុញខាងផ្លូវភេទដ៏ខ្លាំង ប៉ុន្ដែសូមកុំអនុវត្ដន៍វាខុសកាលវេលា ខុសទំនង ឬជាមួយដៃគូថ្មីណាម្នាក់ ពីព្រោះវាអាចធ្វើឱ្យនាងភ័យរន្ធត់។ ដូច្នេះត្រូវឈប់ប្រព្រឹត្ដបែបនេះទៅ!
៤. ការរួមរ័ក្សនៅពេលមានវដ្ដរដូវ ៖ គ្មានអ្វីទាស់ខុសចំពោះការរួមរ័ក នៅពេលមានវដ្ដរដូវនោះទេ ប៉ុន្ដែស្ដ្រីមានអារម្មណ៍មិនសូវជាល្អប៉ុន្មានទេ ឬមិនសូវមានសុវត្ថិភាព នៅពេលរួមរ័ក្សឡើយ។ ជូនកាលវាអាចក្លាយជាការរំខាន មិនស្អាត សើមល្អៀច មិនមានអារម្មណ៍សុខស្រួល ហើយប្រែក្លាយជាការលែងចង់រួមរ័ក្ស ទាំងស្ថានភាពបែបនេះ តទៅទៀត។ ដូច្នេះត្រូវខាំមាត់សង្កត់ចិត្ដសិនទៅ ហើយត្រូវរង់ចាំ ទាល់តែដល់ពេលដែលនាងអស់វដ្ដរដូវ ទើបជាឱកាសដ៏សមគួរ ហើយរួមរ័ក្សទៅយ៉ាងមានសេចក្ដីសុខស្រួល។
៥. ការរួមរ័ក្សដោយមិនមានអារម្មណ៍ ៖ ការរួមរ័កដោយមិនស្រឡាញ់គ្នា ឬមិនមានចំណង់ មិនអាចប្រព្រឹត្ដទៅដោយមានសេចក្ដីសុខបានទេ។ បុរសអាចទៅរួច ប៉ុន្ដែស្ដ្រីមិនអាចទៅរួចបានទេ។ ការស្រាតខោ លោតឡើងទៅលើគ្រែ ដោយមិនបានថើបបបោសអង្អែល ឬកម្ដៅសាច់ដុំបន្ដិចបន្ដួច ដើម្បីដាស់អារម្មណ៍នាង ហើយពួយកឹបៗ យកម៉ាឈ្នះដៃតែម្នាក់ឯង រួចសំងំដេកផ្ងាជើងបាត់មាត់បាត់ក រឹតតែធ្វើឱ្យនាងមិនមានអារម្មណ៍សុខស្រួល បន្ដិចណាសោះឡើយ។
សូមកុំភ្លេចថា ស្ដ្រីតែងតែមានទំនាក់ទំនងរឿងគ្រែខ្នើយតាមរយៈស្នេហា និងអារម្មណ៍៕
ប្រែសម្រួល៖ ពូផ្លូច (o_O)
© រក្សាសិទ្ធិគ្រប់យ៉ាងដោយ គេហទំព័រ ស៊ីវិល័យ
