Written by បុរសស៊ីវិល័យ // July 19, 2013 // កម្សាន្ត - កីឡា & សុខភាព, សុខភាពសំរស់&ភេទ // No comments
១. អាការតប់ប្រមល់នៅកន្លែងធ្វើការ : មានបុរសជាច្រើន បានយកអាការតប់ប្រមល់ពីកន្លែងធ្វើការ មកបន្ទប់គេង។ តើរំពឹងថា គាត់គិតពីរឿងគ្រែខ្នើយ ឬគិតពីការធ្វើបទបង្ហាញនៅថ្ងៃស្អែក? ជួនកាល ការងារ២៤ ម៉ោង ពេញមួយសប្តាហ៍ ធ្វើឱ្យគាត់នឿយហត់ជាខ្លាំង។ នៅពេលអាការតប់ប្រមល់ នៅកន្លែងធ្វើការហួសប្រមាណខ្លាំងពេក អាទិភាពបានផ្លាស់ប្ដូរ ហើយការគេងសំខាន់ជាងរឿងគ្រែខ្នើយ។
មធ្យោបាយដោះស្រាយ : ប្រសិនបើគាត់មានអាការតប់ប្រមល់ ពេលមកដល់ផ្ទះ យកចិត្ដយកថ្លើមថ្នាក់ថ្នមគាត់ ដោយជូតខ្លួននឹងទឹកក្ដៅ និងធ្វើម៉ាស្សាឱ្យគាត់ ដើម្បីបន្ធូរបន្ថយអារម្មណ៍។ ការប្រព្រឹត្ដបែបនេះ មិនទាក់ទាញភេទសម្ព័ន្ធមែន ប៉ុន្ដែប្រសិនបើគាត់បន្ធូរបន្ថយ អារម្មណ៍តានតឹងជ្រះស្រឡះហើយនោះ ឱកាសពិតជាកើតមាន ដែលគាត់នឹងចាប់ផ្ដើមគិតគូររឿងគ្រែខ្នើយ ដោយខ្លួនគាត់ជាក់ជាមិនខានឡើយ។
២. ឱសថ និងភាពខុសប្រក្រតី : គាត់ប្រហែលជាប្រើប្រាស់ឱសថកែខៃ អាការខុសប្រក្រតីដូចជា ជំងឺលើសម្ពាធឈាម ឬទឹកនោមផ្អែម ជាដើម។ ឱសថទាំងនេះខ្លះ ច្រើនតែធ្វើឱ្យភេទសម្ព័ន្ធចុះខ្សោយ ដោយសារឥទ្ធិពលរបស់វា។ មានឱសថខ្លះ ថែមទាំងបណ្ដាលឱ្យ សមត្ថភាពផ្លូវភេទវិកល។ ប្រសិនបើអាការបែបនេះនៅតែបន្ដ អាចធ្វើឱ្យបញ្ហាភេទសម្ព័ន្ធ កាន់តែអាក្រក់ទៅៗ។
មធ្យោបាយដោះស្រាយ : ការទៅពិនិត្យសុខភាពទៀងទាត់ធានាថា ភាពខុសប្រក្រតីត្រូវព្យាបាល នៅដំណាក់កាលដំបូងឱ្យហើយ។ ប្រសិនបើគូជីវិតអ្នកបច្ចុប្បន្ន នៅតែប្រើប្រាស់ឱសថ ត្រូវប្រឹក្សាយោបល់ ស្វែងរកមូលហេតុថា តើឱសថអាចបណ្ដាលឱ្យ សមត្ថភាពផ្លូវភេទចុះខ្សោយ ឬយ៉ាងណា។ ប្រសិនបើដូច្នេះមែន វេជ្ជបណ្ឌិតអាចធ្វើការព្យាបាល ដោយឱសថផ្សេងទៀត។
៣. សង្កេតពិនិត្យអំពីចំណង់ : មានបុរសជាច្រើន ត្រូវសារព័ត៌មានផ្សព្វផ្សាយថា មានការរំពឹងទុកមិន ប្រាកដនិយម ទាក់ទងនឹងចំណង់ផ្លូវភេទ។ បុរសចង់មានភរិយាស្រស់ស្អាត ជាហេតុជម្រុញឱ្យខ្លួន មានចំណង់ផ្លូវភេទ។ បញ្ហានេះច្រើនកើតមាន នៅក្នុងចំណងអាពាហ៍ពិពាហ៍ ដែលឪពុកម្ដាយបានផ្សំផ្គុំ។ ដូចគ្នានេះដែរ ការមិនសប្បាយចិត្ដ ជាកត្ដាប៉ះពាល់ដល់សមត្ថភាពផ្លូវភេទអវិជ្ជមាន ផងដែរ។
មធ្យោបាយដោះស្រាយ : ការពិគ្រោះយោបល់មុនពេលរៀបការ អាចជួយជម្រះមន្ទិលអវិជ្ជមាននេះបាន ហើយការពិគ្រោះយោបល់ក្រោយពេលរៀបការ ក៏អាចជួយផងដែរ។ និយាយជាមួយស្វាមី ដើម្បីឱ្យគាត់ដឹងថា វិធីដ៏ល្អបំផុតធ្វើឱ្យអ្នកទាំងពីរចូលចិត្ដគ្រែខ្នើយ គឺត្រូវមានទំនាក់ទំនងល្អជាមួយគ្នា។ វាអាចដំណើរការទៅបាន នៅពេលដែលអ្នកនិយាយគ្នាថា អ្នកអាចប្រាប់គ្នាទៅវិញទៅមក អំពីតម្រូវការផ្លូវភេទ។ នៅពេលអ្នកប្រាស្រ័យទាក់ទងជាមួយស្វាមី តាមរយៈផ្លូវអារម្មណ៍ ផ្នែកនៃរាងកាយក៏នឹងមានទំនាក់ទំនងគ្នាដែរ។
៤. អាការធ្លាក់ទឹកចិត្ដ : អាការធ្លាក់ទឹកចិត្ដ គឺជាហេតុផលសំខាន់បំផុត បណ្ដាលឱ្យសមត្ថភាពផ្លូវភេទចុះខ្សោយ។ ការវសិក្សាថ្មីមួយ បានអះអាងថា ការធ្លាក់ទឹកចិត្ដរយៈពេលខ្លីចំពោះបុរស មិនត្រឹមតែមានសភាពធ្ងន់ធ្ងរប៉ុណ្ណោះទេ ថែមទាំងអាចបន្ដរយៈពេលយូរទៀតផង។ បុរសខ្លះថែមទាំងខិតខំជម្រះអាការធ្លាក់ទឹកចិត្ដនេះ ដោយដឹងថា បណ្ដាលមកពីមូលហេតុផ្សេងៗ ដូចជា សម្ពាធការងារ បញ្ហាទំនាក់ទំនងស្នេហា ជាដើម។
មធ្យោបាយដោះស្រាយ : ប្រសិនបើអ្នក ទើបតែរៀបការបានមួយរយៈពេលខ្លី នោះអ្នកអាចកត់សម្គាល់ឃើញ ពីអាការធ្លាក់ទឹកចិត្ដរបស់ស្វាមី។ ទោះជាយ៉ាងនេះក្ដី មិនមានរូបមន្តប្រាកដប្រជាតែមួយ ក្នុងការបន្ធូរបន្ថយអាការនេះទេ។ គាត់ គឺជាមនុស្សដែលត្រូវការទទួលយកគំនិតផ្ដួចផ្ដើម។ កុំប្រញាប់ធ្វើការសន្និដ្ឋានពេក ដោយត្រូវនាំគាត់ទៅពិនិត្យសុខភាពឱ្យបានជាប្រចាំ ហើយទុកឱ្យវេជ្ជបណ្ឌិតពិនិត្យ និងព្យាបាល។
៥. ការមិនចុះសម្រុងគ្នា : ការមិនចុះសម្រុងគ្នា និងការមានបញ្ហាស្នេហា តែងតែប្រែក្លាយទៅជាសង្គ្រាមត្រជាក់នៅក្នុងបន្ទប់ដំណេក ហើយជាកំហុសឆ្គងធ្វើឱ្យ ចំណង់ផ្លូវភេទបុរសចុះខ្សោយ។ នេះ គឺជាឥរិយាបថបែបផែនរបស់ភាគីបុរស នៅពេលជួបបញ្ហានេះ។ បញ្ហាភេទសម្ព័ន្ធ ដែលបណ្ដាលមកពីការបាត់បង់ទំនាក់ទំនង កាន់តែធ្វើឱ្យបញ្ហានោះ កាន់តែអាក្រក់ទៅៗ។
មធ្យោបាយដោះស្រាយ : បង្កើតវប្បធម៌ស្មោះត្រង់ជាមួយគ្នា មិនត្រឹមតែរឿងគ្រែខ្នើយប៉ុណ្ណោះទេ រាប់បញ្ចូលទាំងអ្វីៗ ដែលទាក់ទងនឹងអ្នកទាំងពីរ ផងដែរ។ ជម្រុញឱ្យមានការជជែក និងពិភាក្សាពីបញ្ហា ជាជាងស្ដីបន្ទោសគ្នា។ ដូច្នេះស្វាមីអ្នក នឹងមានឥរិយាបថដដែលៗជាដំបូង យូរៗទៅអ្នកទាំងពីរនឹងមានភាពជិតស្និទ្ធិស្នាល និងល្អូកល្អឺន ពេលនៅគេងជាមួយគ្នា៕
ប្រែសម្រួល៖ ពូផ្លូច (o_O)
© រក្សាសិទ្ធិគ្រប់យ៉ាងដោយ គេហទំព័រ ស៊ីវិល័យ
