១.ទទួលទានកាហ្វេច្រើនពេក
ការស្រាវជ្រាវមួយរបស់ស៊ុយអែតបញ្ជាក់ថា ទំហំសុដន់មាននិន្នាការតូចទៅពេលស្ត្រីទទួលទានកាហ្វេលើស៣កែវ ក្នុង១ថ្ងៃ ។ ការស្រាវជ្រាវក៏ឲ្យដឹងថា ស្ត្រីសឹងតែទាំងអស់សុទ្ធតែមានហ្សែនមួយណានោះធ្វើឲ្យជាលិកាខ្លាញ់ ស្វិតតូចមកវិញពេលទទួលទានកាហ្វេច្រើន ។
២.ទទួលទានខ្លាញ់តិចពេក
ខ្លាញ់ជាសមាសធាតុសំខាន់របស់ជាលិកាសុដន់ ។ របបទទួលទានខ្វះជាតិខ្លាញ់ និងប្រេងពុំគ្រាន់តែធ្វើឲ្យបាត់បង់តុល្យភាពជីវជាតិប៉ុណ្ណោះទេ តែនៅឥទ្ធិពលទៅដល់រូបរាងទំហំសុដន់ទៀតផង ។
ក្នុងដំណើរការ លូតលាស់ ការទទួលទានខ្លាញ់គឺចាំបាច់នៅកម្រិតល្មម ។ ប្រភពជាតិខ្លាញ់រុក្ខជាតិរួមមានសណ្តែកសៀង សណ្តែកបាយចំណែកខ្លាញ់សត្វគឺមាននៅក្នុងត្រី និងសាច់ ។
៣.កម្រទទួលទានសាច់
បណ្តាសារជាតិជីវជាតិចាំបាច់ផ្សេងៗដើម្បីរក្សាទ្រង់ទ្រាយ និងទំហំសុដន់ គឺពពួកសរសៃ Collagen ។ សរសៃនេះចូលរួមនៅក្នុងការបង្កើតរចនាសម្ព័ន្ធស្បែក និងរក្សាឲ្យវាម៉ត់រលោងនៅចំពោះមុខឥទ្ធិពលរបស់វ័យ និងកោសិកាត្រូវខូចខាត ។
ជើង និងស្លាបមាន់ក៏ជាប្រភព Collagen មួយទោះបីពពួកសាច់ផ្សេងៗក៏សម្បូរជាតិសរសៃនេះ ។
៤.ទទួលទានទឹកតិច
ប្រមាណ ៨០% នៃសរីរាង្គមនុស្សជាទឹក ដូច្នេះជាលិកាមួយចំនួននឹងស្វិតតូចមកវិញ ប្រសិនបរិមាណទឹកក្នុងសរីរាង្គថយចុះ ។ មួយផ្នែករបស់សរីរាង្គនឹងត្រូវរងឥទ្ធិពលគឺសុដន់ ទោះបីមិនច្រើនស្មើជាលិកាសាច់ដុំផ្សេងៗ ។
អ្នកគួរទទួលទានទឹក ឲ្យបាន៨កែវក្នុងមួយថ្ងៃ ដើម្បីរក្សាបានទ្រង់ទ្រាយស្បែកសុដន់ និងជាលិកាខ្លាញ់។ កំហិតទទួលទានកាហ្វេអ៊ីនមានឥទ្ធិពលធ្វើឲ្យស្រួលបត់ជើងតូច បណ្តាលឲ្យសរីរាង្គបាត់បង់ទឹក ។
៥.ទទួលទានស្រាច្រើនពេក
ទទួលទានស្រាមិនឥទ្ធិពលផ្ទាល់ទៅដល់ទំហំសុដន់ ប្រសិនក្នុងបរិមាណសមល្មម ។ ប៉ុន្តែផ្ទុយមកវិញ ការស្រាវជ្រាវជាច្រើនបង្ហាញថា ការទទួលទានជាតិអាល់កុលច្រើនពេកអាចរំញោចមហារីកដោះ ។ ដូច្នេះប្រសិនគ្រួសារអ្នកមានប្រវត្តិមហារីកដោះ ចូរចៀសឲ្យឆ្ងាយពីជាតិអាល់កុល ៕
ប្រភពពី : www.vorakchun.com
