បន្ទាយមានជ័យ
៖ កាលពីរសៀលម៉ោង៥និង៣០នាទីល្ងាច ថ្ងៃទី២៥ ខែសីហា ឆ្នាំ២០១៣
ម្ចាស់រថយន្តឆ្លាមមួយគ្រឿង បើកទាំងងងុយដេកមិនព្រមឈប់ចត
បែបជាជ្រុលទៅបុកតូបសិប្បកម្មឆ្លាក់ថ្ម
និងរូបចម្លាក់ជាច្រើនបានបែកបាក់ ដែលរថយន្តកាមរីឆ្លាមមួយគ្រឿង
បានក្រឡាប់ទៅប៉ះ ដែលម្ចាស់ដេកលក់មួយភាំង
ហេតុការណ៍នេះបានកើតឡើង នៅក្បែរភ្នំជញ្ជាំងក្នុងឃុំជប់វ៉ារី
ស្រុកព្រះនេត្រព្រះ ខេត្តបន្ទាយមានជ័យ ។
លោក
កែវ ប៊ុន យឿត អធិការស្រុកព្រះនេត្រព្រះបានឲ្យដឹងថា
ករណីនេះបណ្តាលពីរថយន្តមួយគ្រឿងម៉ាកកាមរីឆ្លាម ពណ៌ត្រីឆ្លូញ
ពាក់ស្លាក់ លេខសៀមរាប 2A-5054 បើកបរដោយ
ឈ្មោះ វាំង វុទ្ធីអាយុប្រមាណជាង៣០ឆ្នាំ
ជិះគ្នាបីនាក់ពីលិចទៅកើត។
លុះមកដល់ចំណុចកើតហេតុខាងលើរថយន្តក៏បានរេចង្កូតហើយក្រទ្បា
ប់ទៅលើទីតាំងឆ្លាក់ថ្ម និងរូបចម្លាក់ពីថ្មរបស់ឈ្មោះ ង៉ា
ធ្វើឲ្យខ្ទេចរូបចម្លាក់ជាច្រើន តែមិនបណ្តាលឲ្យម្ចាស់ទីតាំង
ឬអ្នកដំណើររងគ្រោះថ្នាក់ទ្បើយអ្វីនោះទេ។ចំណែកតៃកុងរថយន្តរង
របួស ហើយត្រូវនាំយកទៅសង្គ្រោះនៅមន្ទីរពេទ្យបង្អែកស្រុក
នៅជិតនោះ។
តាម
ការសន្និដ្ឋានរបស់នគរបាលចរាចរណ៍ដំណាក់កាលដំបូងឲ្យដឹងថា
គ្រោះថ្នាក់ចរាចរណ៍នេះកើតទ្បើង ដោយសារតែការបើកលឿន
ហើយដេកលក់មួយភាំងទើបរថយន្តរេចង្កូតចេញពីផ្លូវ
រួចទៅបុកតូបសិប្បកម្មឆ្លាក់ថ្មនាំឲ្យក្រទ្បាប់ទៅលើទីតាំង
ឆ្លាក់ព្រះថែមទៀតផង។ ក្រោយកើតហេតុរថយន្តរងការខូចធ្ងន់ធ្ងរ
ត្រូវបានស្ទូចយកទៅរក្សាទុកនៅអធិការដ្ឋាននគរបាល
ស្រុកព្រះនេត្រព្រះដើម្បីរង់ចាំធ្វើការដោះស្រាយតាមនីតិវិធី
ច្បាប់នាពេលក្រោយ៕
ចិន្តា
