​ព្យុះ​​ទី​ហ្វុង​សម្លាប់​​មនុស្ស​​៣៥​នាក់​​នៅ​ចិន

Monday, 19 August 2013 12:13

សុខ ធារ៉ា

​យោងតាម​សេចក្តីរាយការណ៍​បានឲ្យដឹងថា មនុស្ស​យ៉ាង​តិច​២០​នាក់​បាន​ស្លាប់ និង ៧​នាក់​ទៀត​កំពុង​បាត់​ខ្លួន​ដោយសារ​ទឹកជំនន់ និង​បំណាក់​ដី នៅ​ខេត្ត​ហ្គាង​ដុង របស់​ចិន​ភាគខាងត្បូង​។
គ្រោះមហន្តរាយទឹកជំនន់ ដែល​បណ្តាល​មកពី​ការវាយប្រហារ​ពី​ព្យុះ​ទី​ហ្វុង យូទ័រ (Utor) កាលពីដើម​សប្តាហ៍​មុន​។
​ព្យុះ​ទី​ហ្វុង យូទ័រ(Utor)​នេះ ក៏​បាន​វាយប្រហា​លើ​ខេត្ត​លាវ​នី​ង​ផងដែរ កាលពីដើម​សប្តាហ៍​មុន ដែល​បាន​បណ្តាលឲ្យ​មនុស្ស ១៥នាក់ស្លាប់ និង​៣២​នាក់​បាត់​ខ្លួន​។
​ព្យុះ​ទី​ហ្វុង​យូទ័រ គឺជា​ព្យុះ​ទី​១១ និង​ជា​ព្យុះ​​ខ្លាំង​​បំផុត​​ដែល​​វាយ​ប្រហារ​ប្រទេស​​ចិន​​ក្នុង​​​ឆ្នាំ​ ​នេះ ​ដែល​​វា​​បាន​​ធ្វើ​ឲ្យ​ប៉ះពាល់​​ដល់​​ការ​រស់នៅ​​របស់​​ប្រជាជន​ចិន​​ជាង​ ​៤​លាន​​នាក់ ​តែ​ក្នុង​​ខេត្ត​ហ្គាង​ដុង​តែមួយ​។ ហើយ​វា​ក៏​បាន​បង្ខំ​ឲ្យមាន​ការបិទទ្វារ​សាលារៀន ការិយាល័យ​នានា និង​ការដ្ឋាន​សំណង់​ទូទាំង​ប្រទេស​ចិន​។​