កម្ពុជា -
អត្ថបទចុះផ្សាយនៅថ្ងៃ អង្គារ 20 សីហា 2013 -
ព័ត៌មានទើបកែប្រើលើកចុងក្រោយ ថ្ងៃ អង្គារ 20 សីហា 2013
យុវជនដែលតុលាការសំរេចដោះលែង
RFI-ចាន់ណា
ជាការសម្រេច ក្រោយពីមេធាវី និងក្រុមគ្រួសាររបស់យុវជនទាំង ៤
នាក់ បានដាក់ពាក្យសុំធានា
យុវជន ដែលជាប់ចោទរឿងចែកខិតប័ណ្ណញុះញង់ ឲ្យនៅក្រៅឃុំ កាលពីរសៀលថ្ងៃទី១៩ សីហាម្សិលមិញ។ យុវជនទាំង៤នាក់ ដែលមាន២នាក់ជានារី ជាប់ចោទក្នុងរឿងចែកខិតប័ណ្ណញុះញង់ឲ្យមានបទឧក្រិដ្ឋ តាមរយៈគម្រោងជូនផ្កា ភ្ជាប់នឹងសារទៅកាន់កងកម្លាំងប្រដាប់អាវុធ។
រហូតដល់ព្រឹកថ្ងៃទី២០ សីហានេះ ចៅក្រមបានសម្រេចតាមសំណើរបស់មេធាវី និងក្រុមគ្រួសារ ឲ្យយុវជនទាំង ៤នាក់ បានរួចចេញពីពន្ធនាគារ តែត្រូវស្ថិតក្រោមការត្រួតពិនិត្យរបស់តុលាការ ពោលគឺបទចោទប្រកាន់លើយុវជនទាំងនោះ មិនត្រូវបានតុលាការលុបចោលទេ។
លោក អំ សំអាត ប្រធានផ្នែកស៊ើបអង្កេតរបស់អង្គការសិទ្ធិមនុស្ស លីកាដូ បានស្វាគមន៍ការសម្រេចដោះលែងយុវជនទាំង៤នាក់។ ប៉ុន្តែ សកម្មជនសិទ្ធិមនុស្សបានអំពាវនាវដល់តុលាការ ឲ្យលើកលែងការចោទប្រកាន់ទាំងស្រុង ដ្បិតអីយុវជនទាំង ៤នាក់ មិនបានប្រព្រឹត្តកំហុសឆ្គង ដូចការចោទប្រកាន់ឡើយ។
សូមរម្លឹកថា យុវជន ៤នាក់ ក្នុងនោះ មានយុវជន ទួត ចន្ទបញ្ញា និងយុវតី សុខ ដាលិស ត្រូវបានប៉ូលិសចាប់ខ្លួន កាលពីថ្ងៃទី១៥សីហា ឆ្នាំ២០១៣ ក្នុងពេលពួកគេទៅយកផ្កា នៅហាងម្តុំផ្សារថ្មី។ ចំណែក២នាក់ទៀត ជាម្ចាស់ហាងហ្វូតូកូពី យីហោ ម៉េងកៅ គឺយុវតី លឹម លីផេង និងយុវជន ហ៊ីវ បូរិន បុគ្គលិកក្រុមហ៊ុនអាតូមិក។ ហ៊ីវ បូរិន ទទួលការបញ្ជារទិញតាមគេហទំព័រ ដើម្បីឲ្យបោះពុម្ព និងទិញផ្កា ១០០០ ទង ចែកដល់កងកម្លាំងប្រដាប់អាវុធ ដែលត្រូវបានដាក់ពង្រាយតាមផ្លូវ ក្រោយការបោះឆ្នោត ក្នុងបំណងកុំឲ្យកងកម្លាំងទាំងនោះ ប្រើប្រាស់ហិង្សាលើអ្នកតវ៉ា បើសិនជាមានបាតុកម្មកើតឡើង។
ក៏ប៉ុន្តែ ប៉ូលិសបានលើកឡើងថា យុវជនទាំង ៤នាក់នោះ ត្រូវចាប់ខ្លួនពីបទចោទប្រកាន់រឿងផលិត និងចែកចាយខិតប័ណ្ណជាច្រើនរយសន្លឹក ដែលមានខ្លឹមសារញុះញង់ឲ្យមានហិង្សាប្រដាប់អាវុធ ដើម្បីផ្តួលរំលំរដ្ឋាភិបាល។
កាលពីថ្ងៃទី១៧សីហា តុលាការបានចោទប្រកាន់ និងបញ្ជូនយុវជនទាំង៤នាក់ ទៅឃុំឃាំងនៅពន្ធនាគារព្រៃស ពីបទញុះញង់ឲ្យប្រព្រឹត្តបទឧក្រិដ្ឋ តាមច្បាប់ព្រហ្មទណ្ឌមាត្រា៤៩៤ និងមាត្រា៤៩។ ជាបទចោទប្រកាន់ដែលត្រូវផ្តន្ទាទោស ដាក់ពន្ធនាគារពី ៦ ខែ ទៅ២ឆ្នាំ និងពិន័យជាប្រាក់ពី ១លានរៀល ទៅ៤លានរៀល៕
យុវជន ដែលជាប់ចោទរឿងចែកខិតប័ណ្ណញុះញង់ ឲ្យនៅក្រៅឃុំ កាលពីរសៀលថ្ងៃទី១៩ សីហាម្សិលមិញ។ យុវជនទាំង៤នាក់ ដែលមាន២នាក់ជានារី ជាប់ចោទក្នុងរឿងចែកខិតប័ណ្ណញុះញង់ឲ្យមានបទឧក្រិដ្ឋ តាមរយៈគម្រោងជូនផ្កា ភ្ជាប់នឹងសារទៅកាន់កងកម្លាំងប្រដាប់អាវុធ។
រហូតដល់ព្រឹកថ្ងៃទី២០ សីហានេះ ចៅក្រមបានសម្រេចតាមសំណើរបស់មេធាវី និងក្រុមគ្រួសារ ឲ្យយុវជនទាំង ៤នាក់ បានរួចចេញពីពន្ធនាគារ តែត្រូវស្ថិតក្រោមការត្រួតពិនិត្យរបស់តុលាការ ពោលគឺបទចោទប្រកាន់លើយុវជនទាំងនោះ មិនត្រូវបានតុលាការលុបចោលទេ។
លោក អំ សំអាត ប្រធានផ្នែកស៊ើបអង្កេតរបស់អង្គការសិទ្ធិមនុស្ស លីកាដូ បានស្វាគមន៍ការសម្រេចដោះលែងយុវជនទាំង៤នាក់។ ប៉ុន្តែ សកម្មជនសិទ្ធិមនុស្សបានអំពាវនាវដល់តុលាការ ឲ្យលើកលែងការចោទប្រកាន់ទាំងស្រុង ដ្បិតអីយុវជនទាំង ៤នាក់ មិនបានប្រព្រឹត្តកំហុសឆ្គង ដូចការចោទប្រកាន់ឡើយ។
សូមរម្លឹកថា យុវជន ៤នាក់ ក្នុងនោះ មានយុវជន ទួត ចន្ទបញ្ញា និងយុវតី សុខ ដាលិស ត្រូវបានប៉ូលិសចាប់ខ្លួន កាលពីថ្ងៃទី១៥សីហា ឆ្នាំ២០១៣ ក្នុងពេលពួកគេទៅយកផ្កា នៅហាងម្តុំផ្សារថ្មី។ ចំណែក២នាក់ទៀត ជាម្ចាស់ហាងហ្វូតូកូពី យីហោ ម៉េងកៅ គឺយុវតី លឹម លីផេង និងយុវជន ហ៊ីវ បូរិន បុគ្គលិកក្រុមហ៊ុនអាតូមិក។ ហ៊ីវ បូរិន ទទួលការបញ្ជារទិញតាមគេហទំព័រ ដើម្បីឲ្យបោះពុម្ព និងទិញផ្កា ១០០០ ទង ចែកដល់កងកម្លាំងប្រដាប់អាវុធ ដែលត្រូវបានដាក់ពង្រាយតាមផ្លូវ ក្រោយការបោះឆ្នោត ក្នុងបំណងកុំឲ្យកងកម្លាំងទាំងនោះ ប្រើប្រាស់ហិង្សាលើអ្នកតវ៉ា បើសិនជាមានបាតុកម្មកើតឡើង។
ក៏ប៉ុន្តែ ប៉ូលិសបានលើកឡើងថា យុវជនទាំង ៤នាក់នោះ ត្រូវចាប់ខ្លួនពីបទចោទប្រកាន់រឿងផលិត និងចែកចាយខិតប័ណ្ណជាច្រើនរយសន្លឹក ដែលមានខ្លឹមសារញុះញង់ឲ្យមានហិង្សាប្រដាប់អាវុធ ដើម្បីផ្តួលរំលំរដ្ឋាភិបាល។
កាលពីថ្ងៃទី១៧សីហា តុលាការបានចោទប្រកាន់ និងបញ្ជូនយុវជនទាំង៤នាក់ ទៅឃុំឃាំងនៅពន្ធនាគារព្រៃស ពីបទញុះញង់ឲ្យប្រព្រឹត្តបទឧក្រិដ្ឋ តាមច្បាប់ព្រហ្មទណ្ឌមាត្រា៤៩៤ និងមាត្រា៤៩។ ជាបទចោទប្រកាន់ដែលត្រូវផ្តន្ទាទោស ដាក់ពន្ធនាគារពី ៦ ខែ ទៅ២ឆ្នាំ និងពិន័យជាប្រាក់ពី ១លានរៀល ទៅ៤លានរៀល៕
