ភ្នំពេញ ៖ កាលពីថ្ងៃទី២០ ខែសីហា ឆ្នាំ២០១៣នេះ មានករណីគ្រោះថ្នាក់ចរាចរកើតឡើងនៅទូទាំងប្រទេស ១១លើក (យប់ ០៥លើក) បណ្ដាលឲ្យមានមនុស្សស្លាប់ ០៤នាក់(ស្រី ម្នាក់) និងទទួលរងរបួសស្រាល ០៩នាក់(ស្រី០៣នាក់) របួសធ្ងន់ ១០នាក់ (ស្រី ០៣នាក់) នេះបើយោងតាមការឲ្យដឹងពីនាយកដ្ឋានសណ្ដាប់ធ្នាប់ នៃអគ្គស្នងការដ្ឋាននគរបាលជាតិ។
របាយការណ៍
ខាងលើប្រាប់បន្តឲ្យដឹងថា
នៅក្នុងហេតុការណ៍គ្រោះថ្នាក់ចរាចរទាំង១១លើក
បានបង្កឲ្យមានការខូចខាតយានយន្តសរុប ១៨គ្រឿង ក្នុងនោះម៉ូតូ
១២គ្រឿង រថយន្តធុនធំ ០១គ្រឿង រថយន្តធុនតូច ០៤គ្រឿង យានផ្សេងៗ
០១គ្រឿង និងថ្មើរជើង ម្នាក់។
យោងតាម
ប្រភពព័ត៌មានពីនាយកដ្ឋានសណ្តាប់ធ្នាប់
នៃអគ្គស្នងការដ្ឋាននគរបាលជាតិប្រាប់បញ្ជាក់ឲ្យដឹងថា
មូលហេតុដែលបង្កឲ្យកើតមានករណីគ្រោះថ្នាក់ចរាចរ គឺបណ្ដាលមកពីល្បឿន
០៦លើក មិនគោរពសិទ្ធិ ០២លើក ស្រវឹង ០២លើក កត្តាផ្លូវ ០១លើក
ក្នុងនោះជិះម៉ូតូគ្រោះថ្នាក់មិនពាក់មួក ១០ នាក់ (យប់ ០៣នាក់ )៕
រ៉ាវុទ្ធ
