ករណីខាងលើនេះបានភ្ញាក់ផ្អើលឡើង នៅក្នុងឃុំអរិយក្សត្រ ស្រុកល្វាឯម ខេត្ដ កណ្ដាលរួចបន្ដទៅ
កាន់កន្លែងផ្សេងៗ ទៀតជាច្រើន ជាពិសេសនៅរាជធានី ភ្នំពេញដែលធ្វើឱ្យសមត្ថកិច្ចឈឺក្បាល វិលមុខលើករណីដែលមិនសូវធ្លាប់ មានមួយនេះ ។
ក្នុងការជួលរថយន្ដពីជនរងគ្រោះស្ដ្រីនិងប្ដីចិត្ដសឿងពីរ នាក់ខាងលើនេះបាន ប្រើស្ទីលធ្វើកិច្ចសន្យាលាយលក្ខណ៍ អក្សរបានយ៉ាងល្អនិងម៉ត់ចត់ដែលធ្វើឱ្យ ម្ចាស់រថយន្ដមានទំនុកចិត្ដយ៉ាងខ្លាំង ហើយដោយចង់បានការស៊ីខ្ពស់ផងនោះ ធ្វើឱ្យខាតទាំងចុងទាំងដើម ។
ករណីស្ទីលបោកសម័យថ្មីដែលយក រថយន្ដរាប់រយគ្រឿងពីជនរងគ្រោះ សូម្បីតែកាតគ្រីក៏ប្រគល់ទៅឱ្យពីរនាក់ ប្ដីប្រពន្ធកំពូលបោកថ្មីនេះ លទ្ធផលចុង ក្រោយជនរងគ្រោះជាម្ចាស់រថយន្ដបាន នាំគ្នាទៅដល់លំនៅឋានពីរនាក់ប្ដីប្រពន្ធ នោះ តែឃើញផ្ទះចាក់សោរួចសួរនាំ អ្នកជិតខាងគេឆ្លើយថា ផ្ទះនោះដាក់ បញ្ចាំក្នុងធនាគារបាត់ទៅហើយ រួចដឹកអីវ៉ាន់ចេញអស់ទៀត ទើបម្នាក់ៗ ភ្ញាក់ខ្លួនគក់ទ្រូងថាចាញ់បោកគេហើយ រួចនាំគ្នាទូរស័ព្ទខ្វាត់ខ្វែងដើម្បីចេញដើរ រក តែពីរនាក់ប្ដីប្រពន្ធវ័យក្មេងនេះ មិន ដឹងនៅទីណាឡើយ ។
បើតាមប្រភពព័ត៌មានបានឱ្យដឹងថា បន្ទាប់ពីដឹងថាចាញ់បោកអ្នកជួលរថ យន្ដយកទៅលក់នោះ ទើបគេដឹងថា នៅ ព្រឹកថ្ងៃទី២០ ខែសីហា ឆ្នាំ២០១៣ម្ចាស់ រថយន្ដជាជនរងគ្រោះរាប់រយនាក់មាន ខ្លះជាមន្ដ្រីរាជការខ្លះមានមុខរបរជាអ្នក រកស៊ីរហូតដល់ថ្នាក់ឧត្ដមសេនីយ៍ ក៏ត្រូវ បានចាញ់បោកផងដែរ ។
តាមការឱ្យដឹងពីសមត្ថកិច្ចប្រាប់ថា ពីរនាក់ប្ដីប្រពន្ធវ័យក្មេងដែលប្រើស្ទីល បោកថ្មីមិនដែលជួបនៅក្នុងសតវត្សរ៍ថ្មី នេះ ១-ឈ្មោះ កែវ ស្រីនិត អាយុ២៣ឆ្នាំ ជាប្រពន្ធ និងបុរសជាប្ដីឈ្មោះ អ៊ុយ សុឃុន រស់នៅផ្ទះលេខ៦៥ ក្រុមទី១៤ សង្កាត់ ចាក់អង្រែក្រោម ខណ្ឌមានជ័យ ហើយ អ្នកទាំង២បានដើរតួនាទីជាម្ចាស់ក្រុមហ៊ុន ឈ្មោះGMTG GROUPមានបណ្ដាញ នៅក្រៅប្រទេសដែលធ្វើឱ្យម្ចាស់រថយន្ដ ជឿជាក់រហូតដល់អស់ទ្រព្យពីខ្លួនហើយ ក្រុមហ៊ុននេះទៀតសោត គ្មានចុះបញ្ជី នៅក្រសួងពាណិជ្ជកម្មនោះទេ ។
បើតាមជនរងគ្រោះជាម្ចាស់រថយន្ដបានឱ្យដឹងថា ពួកគាត់ម្នាក់ៗហួសចិត្ដមិនគួរណាចាញ់បោកក្មេងបែបនេះសោះ មានអ្នកខ្លះអស់រថយន្ដ៣គ្រឿង ខ្លះ២គ្រឿងរហូតដល់១០គ្រឿងតាមគ្រប់ស៊េរី រថយន្ដទៀតផង ។
ទីតាំងដែលគេដឹងថាពីរនាក់ប្ដីប្រពន្ធយករថយន្ដទៅដាក់បញ្ចាំ នោះ ពេលនេះត្រូវបានសមត្ថកិច្ចចុះទៅត្រួតពិនិត្យគឺ នៅក្នុងដីឡូត៍របស់ក្រុមហ៊ុន7NGស្ថិត នៅក្នុងភូមិ-ឃុំអរិយក្សត្រ ស្រុកល្វាឯម ខេត្ដកណ្ដាល ទីតាំងលក់រថយន្ដមួយ ចំនួនទៀតនៅរាជធានីភ្នំពេញនិងខេត្ដ មួយចំនួន ។
នៅថ្ងៃទី២០ ខែសីហា ឆ្នាំ២០១៣ជនរងគ្រោះរាប់សិបនាក់ដោយម្នាក់ៗបាន ស្វះស្វែងតាមរករថយន្ដរបស់ខ្លួននៅ តាមទីតាំងនានាដែលគេរក្សាទុកនោះ ។ ដោយឡែកនៅរសៀលម៉ោង១និង៤០នាទីថ្ងៃដដែល ម្ចាស់រថយន្ដប្រមាណ ជា៦០ទៅ៧០នាក់បាននាំគ្នាមកប្រមូល ផ្ដុំនៅមុខទីតាំងដីឡូត៍ដ៏ធំស្កឹមស្កៃរបស់ ក្រុមហ៊ុនលីហួរ ស្ថិតនៅតាមបណ្ដោយ ផ្លូវលេខ៥៩៨ សង្កាត់ទួលសង្កែ ខណ្ឌ ឫស្សីកែវក្នុងគោលបំណងសុំឱ្យម្ចាស់ទី តាំងចូលមើលរថយន្ដតើរថយន្ដរបស់ គេមានរក្សាទុកនៅទីនោះដែរឬ យ៉ាង ណា? ប៉ុន្ដែសកម្មភាពនេះត្រូវបានសមត្ថ កិច្ចនៅទីនោះក្រោមបញ្ជារបស់អ្នក គ្រប់គ្រងមិនអនុញ្ញាតឱ្យជនរងគ្រោះជា ម្ចាស់រថយន្ដចូលទៅខាងក្នុងទាំងហ្វូង ពិនិត្យមើលតាមសម្រួលនោះឡើយ ព្រោះតំបន់ដីឡូត៍នេះមានការយាមកាម យ៉ាងតឹងរ៉ឹងណាស់ ៕
