Technology 2Day ·
ប្រសិនបើអាចជ្រើសរើសមែនគូស្វាមីភរិយាភាគច្រើនតែងតែប្រាថ្នាចង់បាន កូនប្រុសផង កូនស្រីផងជាជាងការផ្ដល់កំណើតដល់កូនៗសុទ្ធតែប្រុសឬសុទ្ធតែស្រី។ ដោយឡែកមាតាបិតាមួយចំនួនក៏មានទស្សនៈចង់បានកូនប្រុសច្បង ឬស្រីច្បង ដោយហេតុផលផ្សេងៗគ្នា។
ដូច្នេះហើយ ការកំណត់ភេទរបស់ទារកគឺជាប្រធានបទដ៏ពេញនិយមចំពោះប្ដីប្រពន្ធដែល ចង់កសាង
គ្រួសារ។ បើទោះជាបច្ចុប្បន្នវិទ្យាសាស្ត្រនៅមិនទាន់អាចឲ្យមនុស្សកំណត់ភេទ របស់កូនបាន១០០ភាគរយក្ដី ក៏អ្នកឯកទេសផ្នែកបង្កកំណើតបានផ្ដល់អនុសាសន៍មួយចំនួនដើម្បីបង្កើន ឱកាសក្នុងការមានកូនប្រុស ឬស្រីដូចក្ដីប្រាថ្នា។
ស្វែងយល់ពីដំណើរការបង្កកំណើត
តាមវិទ្យាសាស្ត្រភេទរបស់ទារកត្រូវបានកំណត់នៅពេលបង្កកំណើត។ ការកំណត់ភេទរបស់បុត្រធីតាថា ជាស្រី ឬជាប្រុស គឺអាស្រ័យលើក្រូម៉ូសូមពេលដែលមេជីវិតទាំងពីរដែលជាអូវុល និងស្ពែម៉ាតូសូអ៊ីតជួបគ្នា។ពេលនោះក្រូម៉ូសូមអ៊ិច (X) របស់ស្ដ្រីជាម្ដាយបានភ្ជាប់ខ្លួនទៅនឹងក្រូម៉ូសូមអ៊ិច (X) និងអ៊ីក្រិច (Y)របស់ស្ពែម៉ាតូសូអ៊ីតរបស់បុរសជាឪពុក។ សម្ព័ន្ធក្រូម៉ូសូមអ៊ិចអ៊ិច (XX)ផ្ដល់កំណើតជាកូនស្រី រីឯសម្ព័ន្ធអ៊ិចអ៊ីក្រិច (XY)បង្កើតជាកូនប្រុស។
ជំនឿទាក់ទិននឹងភេទរបស់ទារក
មានឯកសារជាច្រើនដែលសរសេររៀបរាប់អំពីក្តីស្រមៃរបស់បុរសស្ត្រី ក្នុងការកំណត់ភេទរបស់កូនខ្លួនតាំងពីមុនពេលប្រតិបត្តិការរួមភេទ បង្កកំណើត រហូតដល់ពេលពពោះប្រសូត។ មតិមួយចំនួនលើកឡើងថា ប្រសិនបើអ្នកចង់បានកូនស្រី អ្នកត្រូវរួមភេទជាមួយដៃគូនៅមុនពេលដែលអូវុលធ្លាក់ និងត្រូវបរិភោគប្រៃទើបបានកូនប្រុស។
មនុស្សមួយចំនួនជឿថា បរិភោគសាច់ក្រហមនឹងជួយឲ្យទទួលបានកូនស្រី។ រីឯក្នុងដំណាក់កាលកំពុងពពោះដំបូង មានអ្នកខ្លះទៀតក៏ជឿថា ស្ត្រីដែលចង់ញ៉ាំគ្រឿងសមុទ្រ និងបង្អែម ច្រើនតែមានកូនប្រុស រីឯអ្នកដែលញ៉ាំសាច់ក្រហម និងម្ជូរច្រើនតែពពោះកូនស្រីទៅវិញ។
ទាក់ទិននឹងទ្រង់ទ្រាយពោះវិញ អ្នកខ្លះជឿថា ពោះរាងសំប៉ែតទូលាយ ប្រាកដជាពពោះកូនស្រីហើយ រីឯពោះវែងស្រួចទំនងជាពពោះកូនប្រុស។ មានមនុស្សមួយចំនួនទៀតក៏មានជំនឿថាភេទរបស់កូនគឺមានទំនាក់ទំនងទៅនឹង អាកាសធាតុ រាសីនៃខែកំណើត រដូវកាលជាដើម។
ឥទ្ធិពលនៃរបបអាហារ
បើតាមវេជ្ជបណ្ឌិតបារាំង ហ្វ្រង់ស្វ័រ ប៉ាប៉ា ការកំណត់របបអាហារចំពោះមាតា រយៈពេលប៉ុន្មានខែមុនពេលមានគត៌គឺមានអំពើដោយផ្ទាល់នៅក្នុងកស្បូន ដែលអាចឲ្យវាមានប្រសិទ្ធភាពទៅលើស្ពែម៉ាតូសូអ៊ីតនៅពេលឆ្លងកាត់វា។
របបអាហារដែលកាត់បន្ថយអំបិលនិងសម្បូរជាតិកាល់ស្យូមនិងម៉ាញ៉េស្យូ មបង្កើនជាតិអាស៊ីតនៅក្នុងទឹករំអិលនៃមាត់ស្បូនដែលអំណោយផលដល់ ស្ពែម៉ាតូសូអ៊ីតដែលបង្កជាកូនស្រី។
អាហារជាប្រភេទផ្លែឈើ : បើស្ត្រីជាម្តាយចង់បានកូនស្រី ត្រូវទទួលទានត្របែក ការ៉ុត ខ្ទឹមក្រហម ផ្លែស្ត្រប៊ើរី ហើយបើចង់បានកូនប្រុសត្រូវបរិភោគ ប៉េងប៉ោះស្រស់ ផ្សិត និងប៊័រ ។
អាហារប្រភេទប្រូតេអ៊ីន និងខ្លាញ់ : បើស្ត្រីចង់បានកូនស្រីត្រូវបរិភោគទឹកដោះគោ ទឹកដោះគោជូរ សាច់ត្រី ប្រេងរុក្ខជាតិ ប៉ុន្តែបើចង់បានកូនប្រុសឲ្យបរិភោគសាច់ ស៊ុតនិងអាហារប្រៃ។
អាហារប្រភេទកាបូអ៊ីដ្រាត : ស្ត្រីចង់បានកូនស្រីគួរបរិភោគបាយតំណាប់ផ្លែឈើ ស្ករ នំប៉័ងហើយបើចង់បានកូនប្រុសគួរញ៉ាំចាហួយ និងនំក្រែម។
អាហារគួរចៀសវាង : ស្ត្រីចង់បានកូនស្រីត្រូវចៀសវាងការទទួលទានតែកាហ្វេ ទឹកផ្លែឈើ គ្រឿងស្រវឹង សូដា អាហារដែលដាក់អំបិលច្រើន និងពោតផ្អែម។ ចំណែកស្ត្រីដែលចង់បានកូនប្រុសគួរចៀសវាងបរិភោគស្ករសូកូឡា ខ្យង កំពឹស បង្កង បង្គា កាកាវ ផ្ទី ក្តាម ម្កាក់ និងស្ពៃក្តោបស្រស់។ ដើម្បីឲ្យមានប្រសិទ្ធភាពអ្នកត្រូវតែបរិភោគអាហារទៅតាមរបបអាហារនេះ ឲ្យបានរៀងរាល់ថ្ងៃដោយមិនមានអាក់ខានក្នុងរយៈពេល៤ខែមុនពេលមាន ផ្ទៃពោះ។
លើសពីនេះទៅទៀត ស្ត្រីក៏គួរតែយល់ដឹងផងដែរថា ការប្រើឱសថមួយចំនួនក៏បង្អាក់ដល់គុណប្រយោជន៍នៃការបរិភោគតាមរបប អាហារនេះដែរ។
ពេលវេលារួមភេទកំណត់ភេទទារក
រួមភេទនៅមុនពេលដែលអូវុលធ្លាក់ (អាចមុនរហូតដល់៥ថ្ងៃ ) នឹងមានឱកាសទទួលបានកូនស្រី។ រួមភេទនៅពេល ឬនៅក្រោយពេលដែលអូវុលធ្លាក់ (ក្រោយរហូតដល់២ថ្ងៃ ) នឹងមានឱកាសទទួលបានកូនប្រុស ។ ទឹករំអិលដែលនៅក្នុងមាត់ស្បូន(ជាអ្នកជំរុញឲ្យស្ពែម៉ាតូសូអ៊ីត ឆ្លងកាត់ចូលទៅក្នុងស្បូន) កើនឡើងនៅពេលដែលអូវុលធ្លាក់។
មុនពេលអូវុលធ្លាក់ស្ពែម៉ាតូសូអ៊ីតពិបាកនឹងឆ្លងកាត់មជ្ឈដ្ឋាននេះ។ ស្ពែម៉ាតូសូអ៊ីតអាចឆ្លងកាត់បានដោយល្បឿនយឺតដូច្នេះស្ពែម៉ាតូសូអ៊ីត ដែលអាចឆ្លងកាត់បានគឺជាស្ពែម៉ាតូសូអ៊ីត ដែលមានក្រូម៉ូសូម (X) (ស្ពែម៉ាតូសូអ៊ីត ដែលបង្កជាកូនស្រី) ព្រោះវាមានអាយុ វែងជាងស្ពែម៉ាតូសូអ៊ីតផ្ទុកក្រូម៉ូសូម (Y)។ នៅពេល និងក្រោយអូវុលធ្លាក់ស្ពែម៉ាតូសូអ៊ីតដែលមានក្រូម៉ូសូម Yវាមានល្បឿនលឿនជាងគេ ដូច្នេះហើយធ្វើឲ្យមានឱកាសទទួលបានកូនប្រុស។
គួរបញ្ជាក់ផងដែរថា អូវុលធ្លាក់ គឺនៅពេលដែលអូវុល(ពង) ចេញពីដៃស្បូនមកដល់សម្បុកពង(មិនមែនជាពេលដែលមានឈាមរដូវ ធ្លាក់មកទេ)។ សម្រាប់ស្ត្រីដែលមានរដូវទៀងទាត់វដ្តដែលអូវុលធ្លាក់គឺមានរយៈពេល១៤ ថ្ងៃគិតចាប់ពីថ្ងៃដែលអស់រដូវ។
បែបបទនៃការរួមភេទ
មនុស្សខ្លះគិតថាគេអាចបង្កើនឱកាសមានកូនប្រុសឬស្រីតាមចំណង់តាមរយ :ពេលវេលានិងភាពញឹកញាប់នៃការរួមភេទ។មានភ័ស្តុតាងវិទ្យាសាស្ត្រ តិចតួចប៉ុណ្ណោះដែលគាំទ្រដល់គំនិតបែបនេះប៉ុន្តែអ្នកក៏អាចសាកល្បង ដែរបើសិនជាអ្នកមានបំណងចង់បានកូនប្រុសឬស្រីតាមបំណងប្រាថ្នានោះ។ សម្រាប់កូនស្រីចូរធ្វើការរួមភេទញឹកញាប់បន្តិចពីព្រោះការធ្វើ ដូច្នេះអាចកាត់បន្ថយបរិមាណស្ពែម៉ាតូសូអ៊ីតដែលមានក្រូម៉ូសូម(Y) នៅក្នុងទឹកកាម។សម្រាប់កូនប្រុសវិញអ្នកគួរតែរួមភេទឲ្យរង្វើល បន្តិចពីព្រោះវាអាចបង្កើនបរិមាណមេជីវិតឈ្មោលដែលមានផ្ទុក ក្រូម៉ូសូម(Y)នៅក្នុងទឹកកាម៕
