កណ្ដាល
៖
ស្ទាវម្នាក់ក្នុងចំណោមបក្ខពួក៦នាក់ត្រូវបានចាប់ខ្លួនបន្ទាប់ពី
បានបង្កការវាយតប់គ្នានៅក្លឹបបាសាក់ប៉ាឡេស
រួចចេញមកក្រៅស្ទាក់វាយអ្នកដំណើរ២នាក់បណ្ដាលអោយរបួសធ្ងន់។
ហេតុការណ៍នេះបានកើតឡើងនៅវេលាម៉ោង២និង២០នាទីរំលងអាធ្រាត្រ
ថ្ងៃទី២០ ខែសីហា ឆ្នាំ២០១៣
ត្រង់ចំណុចមុខការ៉ាស់សាំងតូតាល់ ភូមិដើមគរ សង្កាត់ដើមមៀន
ក្រុងតាខ្មៅ ខេត្តកណ្ដាល។
ជន
រងគ្រោះមាន២នាក់គឺម្នាក់ឈ្មោះ ទេព សុធារិទ្ធ ភេទប្រុស
អាយុ២១ឆ្នាំ មុខរបរសិស្ស មានទីលំនៅភូមិដើមគរ សង្កាត់ដើមមៀន
ក្រុងតាខ្មៅ ម្នាក់ទៀតឈ្មោះ មឿន សុបញ្ញា ភេទប្រុស អាយុ២១ឆ្នាំ
មានទីលំនៅភូមិដើមគរដែលមានមុខរបរបុគ្គលិកណាហ្គាវើល។
លោក
វ៉ា វង់ហេង បានបន្ដថា
ជនរងគ្រោះបានជិះម៉ូតូម៉ាកស្កុបពីចេញពីភ្នំពេញមកតាខ្មៅ
ហើយក៏ត្រូវក្រុមក្មេងស្ទាវចេញពីរាំនៅក្លឹបបាសាក់ប៉ាឡេសស្ទាក់
វាយនៅត្រង់ចំណុចមុខការ៉ាស់សាំងតូតាល់(ចំណុចព្រះនរាយ)។
ក្រោយពីធ្វើសកម្មភាពហើយក្រុមជនបង្កបានបំបែកគ្នារត់គេចខ្លួន
ដោយឡែកជនសង្ស័យឈ្មោះ ប៉ុច វិសាល
បានរត់ចូលទៅក្នុងក្លឹបបាសាក់ប៉ាឡេស
ត្រូវកងសន្តិសុខស្គាល់ក៏សហការមួយនគរបាលតាខ្មៅធ្វើការឃាត់ខ្លួន
តែម្ដង។
សាក្សី
បាននិយាយថា
នៅម៉ោងប្រហែលជា២រំលងអាធ្រាត្រមានការឈ្លោះប្រកែកនិងវាយតប់គ្នា
នៅក្នុងក្លឹបបាសាក់ប៉ាឡេសដោយពួកក្មេងស្ទាវ២ក្រុម
មូលហេតុរាំកាច់កុងគ្នាបន្ទាប់មកពួកគេបានចេញពីក្លឹបវាយតប់គ្នា
នៅខាងមុខម្ដងទៀត
ហើយក៏ឃើញរត់ប្រសេចប្រសាចមកផ្លូវជាតិបាត់ខ្លួនអស់ទៅ។
លុះ
ប្រហែលជា២០នាទីក្រោយមកមានម៉ូតូ១គ្រឿងម៉ាកស្កុបពីជិះគ្នា២
នាក់មកពីភ្នំពេញដល់ត្រង់មុខការ៉ាស់សាំងតូតាល់ក៏ស្រាប់តែមាន
ក្មេងស្ទាវមួយក្រុមស្ទាក់ផ្លូវហើយធ្វើសកម្មភាព មានដុំថ្ម ដំបង
និងដាវស៊ាំម៉ូរ៉ៃកាប់វាយទៅលើអ្នកជិះម៉ូតូ២នាក់នោះបណ្ដាល
អោយរបួសជាទំងន់។ ក្រោយពេលធ្វើសកម្មភាពហើយពួកគេបានគេចខ្លួន
ខ្លះរត់ទៅចូលក្នុងក្លឹបបាសាក់ប៉ាឡេសវិញត្រូវបានសមត្ថកិច្ច
ឃាត់ខ្លួនបានម្នាក់។ ជនសង្ស័យឈ្មោះ ប៉ុច វិសាល បានសារភាពថា
ខ្លួននិងបក្ខពួកពិតជាបានស្ទាក់វាយជនរងគ្រោះមែន
ព្រោះពួកគេទាំងពីរនាក់បានមកវាយក្រុមគេមុននៅមុខក្លឹប៕
មុន្នី
កែចុងក្រោយនៅ ថ្ងៃពុធ ទី21 សីហា ឆ្នាំ2013 ម៉ោង15:19
