កំពង់ឆ្នាំង
៖ រថយន្តក្រុងអត់មានដឹកមនុស្សមួយគ្រឿង
បានដឹកឈើគ្រញូងរាប់តោនបើកបុកដើមប្រេងខ្យល់បាក់ហើយធ្លាក់ស្រែ
ខណៈពេលដែលសមត្ថកិច្ចកងរាជអាវុធហត្ថប៉ុស្តិ៍សន្តិសុខលេខ៥០០
ធ្វើការប្រដេញតាមក្រោយរួចមក។
ហេតុការណ៍
នេះបានកើតឡើងនៅចន្លោះគីឡូម៉ែត្រលេខ៤៣និង៤៤
ស្ថិតក្នុងភូមិជន្លាត់ដៃ ឃុំ
ស្វាយ ស្រុកសាមគ្គីមានជ័យ
កាលពីម៉ោង២និង៤០នាទីយប់ ថ្ងៃទី៨ ខែសីហា ឆ្នាំ២០១៣។
សមត្ថកិច្ចកងរាជអាវុធហត្ថស្នាក់ការ៥០០បានអោយដឹងថា រថយន្តក្រុងនោះពាក់ស្លាកលេខ បាត់ដំបង 3A-1767 ពណ៌
ស គ្មានបិទស្លាកក្រុមហ៊ុនណាទេ បានបើកបរពីជើងទៅត្បូង
ពេលឆ្លងកាត់ស្នាក់ការលេខ៥០០សមត្ថកិច្ចមានការសង្ស័យព្រោះថារថយន្ត
នោះគ្មានអ្នកដំណើរជិះនៅក្នុងទេ ហើយបានបើកបរយ៉ាងលឿនទៀត
ទើបសមត្ថកិច្ចប្រដេញតាមពីក្រោយ
ដល់ចំណុចកើតហេតុរថយន្តសមត្ថកិច្ចពាក់ទឹមគ្នា
ក៏ស្រាប់តែរថយន្តក្រុងនោះគេចមកស្តាំដៃបុកដើមប្រេងខ្យល់បាក់
រួចធ្លាក់ចូលស្រែតែម្ដង។
បន្ទាប់មកអ្នកជិះនៅលើរថយន្តនោះមានគ្នា៥នាក់បានចុះរត់គេច
ខ្លួនបាត់។
ក្រោយ
ពេលកើតហេតុលោក ពេញ វិបុល
ព្រះរាជអាជ្ញាអមសាលាដំបូងខេត្តបានបញ្ជាអោយសមត្ថកិច្ចចំរុះមក
គ្រប់គ្រងវត្ថុតាងនៅកន្លែងកើតហេតុ។
នៅព្រលឹមស្រាងៗគេសង្កេតឃើញលោកព្រះរាជអាជ្ញាបានបញ្ជាអោយអូសរថយន្ត
នោះពីក្នុងស្រែបញ្ជូនយកទៅខណ្ឌរដ្ឋបាលព្រៃឈើកំពង់ឆ្នាំងដើម្បី
ថ្លឹងនិងរាប់ចំនួនឈើកសាងសំណុំរឿងតាមផ្លូវច្បាប់។
នៅក្នុង
រថយន្តគេសង្កេតឃើញមានឈើគ្រញូងធំៗកន្លះរថយន្ត
និងនៅក្នុងឃ្លុបបាតក្រោមរថយន្តក៏មានឈើគ្រញូងពេញណែនផងដែរ។
តាមការសន្និដ្ឋានឈើនោះអាចមានចំនួនប្រមាណ៣ម៉ែត្រគូប។
ប្រភព
ពីប្រជាពលរដ្ឋនៅកន្លែងកើតហេតុបានអោយដឹងថា
រថយន្តនេះបានបើកបុកដើមឈើធ្លាក់ស្រែដោយខ្លួនឯង
ហើយគ្មានសមត្ថកិច្ចណាប្រដេញតាមនោះទេ
ក្រោយពេលកើតហេតុទើបពួកគាត់រាយការណ៍អោយសមត្ថកិច្ចដឹង
ហើយគាត់បានឃើញមនុស្សមួយចំនួនជញ្ជូនយកឈើមួយចំនួនចេញពីក្នុង
រថយន្តផងដែរ៕
ថារិទ្ធ
