សៀមរាប
៖ កាលពីព្រឹកថ្ងៃទី ៧ ខែ សីហា ឆ្នាំ២០១៣នេះ លោក ឃឹម ប៊ុនសុង
អភិបាលនៃគណៈអភិបាលខេត្តសៀមរាប
បានបើកកិច្ចប្រជុំជាមួយបងប្អូនអាជីវករគ្រប់គ្រងផ្សារ និង ភាស៊ី
នៃបណ្ដាស្រុកតាមផ្លូវជាតិលេខ៦ និង ក្នុងក្រុងសៀមរាប
ដោយមានការចូលរួមពីសំណាក់លោកជំទាវ អស់លោក
លោកស្រីជានាយករដ្ឋបាលសាលាខេត្ត ថ្នាក់ដឹកនាំ
បន្ទាប់ពី
កិច្ចបើកការប្រជុំរបស់លោក ឃឹម ប៊ុនសុង ប្រធានអង្គប្រជុំរួចមក
លោកអនុប្រធានមន្ទីរសេដ្ឋកិច្ច និង ហិរញ្ញវត្ថុខេត្ត
បានធ្វើសេចក្តីរាយការណ៍
អំពីដំណើរការស្នើសុំវិនិយោគផ្សារមួយចំនួនក្នុងខេត្តសៀមរាប
ដោយបានគូស បញ្ជាក់ថា ការសុំវិនិយោគផ្សារនៅក្នុងខេត្តសៀមរាប
គឺក្រសួងបានចេញនូវសៀវភៅបន្ទុក និង កិច្ចសន្យា ឲ្យផ្សារចំនួនពីរ
គឺផ្សារលើធំថ្មី និង ផ្សារក្រោម ដែលមានរយៈពេល១២ឆ្នាំទៅឲ្យឈ្មោះ
ហ៊ុប ថៃ ក្នុងការធ្វើអាជីវកម្មភាស៊ីផ្សាគិតចាប់ពី ថ្ងៃទី០១ ខែមករា
ឆ្នាំ២០០៣ ដល់ ថ្ងៃទី៣១ ខែធ្នូ ឆ្នាំ២០១៤
ដោយក្នុងមួយៗឆ្នាំបង់ចំណូលចូលថវិកាខេត្ត ៥៥លានរៀល ព្រម
ទាំងបានបញ្ចូលផ្សារពួកមួយបន្ថែមទៀត សម្រាប់រយៈពេល២៥ឆ្នាំ។
ម្យ៉ាង
ទៀតទីចាត់ការហិរញ្ញវត្ថុ និង ទីចាត់ការអន្តរ វិស័យរបស់រដ្ឋបាល
សាលាខេត្ត បានចូលរួមត្រួតពិនិត្យ កំណត់ផ្លូវដែលត្រូវ ស្ថាបនា ជួសជុល
ជាមួយក្រុមការងារក្រសួង សេដ្ឋកិច្ច និង ហិរញ្ញវត្ថុ លើទីតាំងផ្សារ៣
ក៏ប៉ុន្តែមកដល់ពេលនេះ ក្រសួង សេដ្ឋកិច្ច និង ហិរញ្ញវត្ថុ នៅពុំទាន់
បានឆ្លើយ តបតាមសំណើ របស់ខេត្តឡើយ។
ចំពោះការសុំវិនិយោគផ្សារកំពង់ក្តី ស្រុក ជីក្រែង ផ្សាររលួស និង
ផ្សារអង្គ្រង ស្រុក ប្រាសាទបាគង និង ផ្សារក្រឡាញ់ ស្រុកក្រឡាញ់ របស់លោក
ជា ចាន់តារា និង លោកស្រី ហៃ សុគន្ធ ដោយឲ្យធ្វើការ វិនិយោគផ្សារខាងលើ
ត្រូវចំណាយទុនសរុប ៤៨០លាន១៦០ពាន់រៀល ដោយ
អនុញ្ញាតឲ្យបង់រំលោះទុន មកវិញតាម រយៈធ្វើអាជីវកម្មភាស៊ី
ផ្សាររយៈពេល ១២ឆ្នាំ ចាប់ពីឆ្នាំ២០១២តទៅ ដោយបង់ ចំណូលថវិកាខេត្ត
២៧លានរៀល ក្នុង មួយៗឆ្នាំ។
ឆ្លងតាម
ការស្តាប់នូវសេចក្តីរាយការណ៍របស់មន្ទីរ និង អាជ្ញាធរក្រុង ស្រុក
ដែលបានលើកឡើងទៅនឹងបញ្ហាពាក់ ព័ន្ធផ្សារនៅក្នុងក្រុង ស្រុក
តាមបណ្ដាផ្លូវជាតិលេខ៦
និងរាល់សំណូមពររបស់បងប្អូនអាជីវករវិនិយោគផ្សារ និង ភាស៊ីផ្សារ ដែល
បានលើកឡើង នូវបញ្ហាដែលកន្លងមកមានការប្រឈម ជាមួយអាជីវករលក់ដូរ
ដោយការគ្មានសៀវភៅបន្ទុក ដើម្បី
កំណត់ជូនដល់បងប្អូនអាជីវករក្នុងផ្សារ
ព្រមទាំងបានសំណូមពរដល់អាជ្ញាធរខេត្ត និងមន្ទីរពាក់ព័ន្ធ
សុំជួយជំរុញការធ្វើ សៀវភៅបន្ទុកឲ្យបានឆាប់ៗ និង
សុំឲ្យក្រុមហ៊ុនប្រមូលសំរាម ធ្វើការដឹកជញ្ជូនសម្រាប់ឲ្យបានទាន់ពេល
ដើម្បីជៀសវាង កុំឲ្យមានផលប៉ះពាល់អនាម័យ សុខភាព ដល់ប្រជាពលរដ្ឋ
អាជីវករ និង ភ្ញៀវទេសចរណ៍ផងដែរ។
មានប្រសាសន៍
បូកសរុបនៃកិច្ចប្រជុំនោះលោក ឃឹម ប៊ុនសុងក៏បានគូសបញ្ជាក់ថា
ផ្សារនៅលើទឹកដីប្រវត្តិសាស្ត្រ ខេត្តសៀមរាប
មានការពាក់ព័ន្ធទៅនឹងវិស័យទេសចរណ៍។ ដោយកត្តានេះហើយអាជ្ញាធរខេត្ត
ក្រុង ស្រុក បានយកចិត្ត ទុកដាក់ខ្ពស់ ទៅនឹងបញ្ហាអនាម័យសុខភាព
បរិស្ថាន ក្នុងការដោះស្រាយការប្រឈមទៅនឹងផលប៉ះពាល់នូវសតិអារម្មណ៍
របស់ប្រជាពលរដ្ឋ អាជីវករ និង
ភ្ញៀវទេសចរណ៍ជាដើមហើយភារកិច្ចទាំងនេះក៏ជាកាតព្វកិច្ចក្នុងការ
ចូលរួមទាំងអស់គ្នា ដើម្បីរួមគ្នាដោះស្រាយនូវបញ្ហាចោទឡើងទាំងនេះ។
ក្នុងនោះដែរឯកឧត្តមអភិបាលខេត្ត ក៏បានលើកឡើងពីការមិន
យកចិត្តទុកដាក់របស់ម្ចាស់គ្រប់គ្រងផ្សារទាំងអស់
ដែលពុំបានយល់ពីភារកិច្ចនៃការគ្រប់គ្រងរបស់ខ្លួន ហើយតែងបង្កឲ្យ
មានហានិភ័យ នៅក្នុងទីផ្សារ សំខាន់អនាម័យ បរិស្ថាន
បណ្ដាញប្រព័ន្ធលូទឹកក្រោមដី និង កាកសំណល់ក្នុងទីផ្សារជា ដើម ។
ក្នុង
នោះដែរលោក ឃឹម ប៊ុនសុង
ក៏បានធ្វើការក្រើនរំលឹកដល់ថ្នាក់ដឹកនាំមន្ទីរ មន្ត្រីពាក់ព័ន្ធ
ត្រូវសហការជាមួយ ម្ចាស់អាជីវករផ្សារ ធ្វើការត្រួតពិនិត្យជាបន្ទាន់
ក្នុងការរៀបចំនូវសណ្ដាប់ធ្នាប់ សន្តិសុខ អនាម័យ បរិស្ថាន និង
ប្រព័ន្ធលូ បង្ហូរទឹកភ្លៀងតាមផ្សារដោយរដូវវស្សាបានចូលមកដល់ហើយ
ដែលកន្លងមកតែងតែរងការលិចលង់
ដោយទឹកភ្លៀងដែលធ្វើឲ្យប៉ះពាល់យ៉ាងខ្លាំងដល់វិស័យទេសចរណ៍របស់
ខេត្ត
ព្រមទាំងត្រូវធ្វើការបង្កើតគណៈកម្មការត្រួតពិនិត្យវាយតម្លៃឡើងវិញ
ទាំងអស់ នូវរាល់ផលប៉ះពាល់សតិអារម្មណ៍របស់មហាជនទៀតផង។
ក្នុង
នោះដែរលោកអភិបាលខេត្ត ក៏បាន គូសបញ្ជាក់ថា បញ្ហាសៀវភៅបន្ទុក
ជាកត្តាសំខាន់របស់ម្ចាស់ផ្សារ និង អាជ្ញាធរមូលដ្ឋាន
ក្នុងការជៀសវាងនូវផលប៉ះពាល់
សតិអារម្មណ៍ដល់បងប្អូនអ្នកលក់ដូរបន្លែតាមកញ្ច្រែង
ព្រមទាំងត្រូវធ្វើការទំនាក់ទំនងជាមួយម្ចាស់ផ្សារឯកជន ដើម្បីក្នុង
ការធានាគ្រប់គ្រងនូវរាល់ហានិភ័យកើតឡើង។
ក្នុងនោះលោកបានសង្កត់ធ្ងន់ទៅលើបញ្ហាអនាម័យ កាកសំណល់
សំរាមតាមទីផ្សារ និង លំនៅដ្ឋាន ដោយឲ្យរដ្ឋបាលសាលាខេត្ត
ធ្វើការត្រួតពិនិត្យឡើងវិញជាមួយក្រុមហ៊ុនប្រមូល សំរាមក្នុងក្រុង
និង ស្រុក ចំពោះការរៀបចំសំយាបតូប
គឺត្រូវឆ្លងកាត់គណៈកម្មការត្រួតពិនិត្យជាមុន ដើម្បីកុំឲ្យមានការ
ប៉ះពាល់ដល់សោភ័ណភាពផ្សារលើធំថ្មី ដោយខេត្តយើងជាតំបន់ទេសចរណ៍
កុំឲ្យបាត់បង់រចនាបថរបស់ខ្មែរយើង។
លោក
ឃឹម ប៊ុនសុង ក៏បានដាក់នូវបទបញ្ជា ឲ្យបណ្ដាមន្ទីរ ស្ថាប័ន
អង្គភាពពាក់ព័ន្ធទាំង អស់ ត្រូវធ្វើការបញ្ចប់នូវភាពអានាធិបតេយ្យ
ការដាក់ស្លាកផ្សាយពាណិជ្ជកម្ម ដែលគ្មានសណ្ដាប់ធ្នាប់ នៅតាមដងវិថី
លើចិញ្ចើមផ្លូវក្នុងក្រុង និង ទីប្រជុំជន
ព្រមទាំងសូមឲ្យម្ចាស់ផ្សារទាំងអស់
ត្រូវធ្វើប៉ាណូដើម្បីបិទនូវតម្លៃសេវាកម្ម ក្នុងការ
អនុវត្តតាមសៀវភៅបន្ទុក បង្ហាញជា សាធារណៈជូនដល់មហាជន បានដឹងឮ
បានស្គាល់ ហើយចំពោះផ្សារគ្មានសៀវភៅ
បន្ទុកក៏ត្រូវអនុវត្តតាមសៀវភៅបន្ទុក នេះផងដែរ៕
គឿនវ៉េត
