ភ្នំពេញ
៖
ក្នុងកិច្ចប្រជុំបន្ទាន់ជាមួយអាជ្ញាធរខណ្ឌចៅសង្កាត់ទាំងអស់របស់
រាជធានីភ្នំពេញកាលរសៀលថ្ងៃទី២០ ខែសីហា ឆ្នាំ២០១៣
នៅសាលារាជធានីភ្នំពេញ លោកប៉ា សុជាតិវង្ស
អភិបាលរាជធានីភ្នំពេញបានកំណត់យកថ្ងៃទី២៤
ខែសីហាខាងមុខនេះជាថ្ងៃបើកយុទ្ធនាការស្ដារសំអាត ជួសជុល
និងកែលំអអណ្ដូងលូទាំងអស់នៅក្នុងរាជធានីភ្នំពេញ។
លោក
លោកប៉ា
សុជាតិវង្ស បានលើកឡើងថា រាជធានីភ្នំពេញ
បាននិងកំពុងដំណើរការស្ដារហេដ្ឋារចនាសម្ព័ន្ធ ផ្លូវ លូ និងប្រឡាយ
ដើម្បីឲ្យឆ្លើយតបទៅនឹងតម្រូវការនៅតាមមូលដ្ឋាន
និងដើម្បីការរស់នៅប្រកបដោយសុវត្ថិភាពរបស់ប្រជាពលរដ្ឋ។
តែទោះជាយ៉ាងណាក៏ដោយ សមិទ្ធផល
ដែលយើងទទួលបានថ្មីៗនេះនៅពុំទាន់បានបំពេញនូវតម្រូវការជាក់ស្ដែង
របស់មូលដ្ឋាន ឲ្យបានគ្រប់ជ្រុងជ្រោយនៅឡើយ ជាពិសេសប្រព័ន្ធលូ
និងប្រឡាយដែលមានស្រាប់កំពុងជួបប្រទះនូវការខូចខាតដោយសារការ
ប្រើប្រាស់ និងកង្វះខាតកិច្ចសហការគ្រប់គ្រងឲ្យបានល្អ។ លោកបន្ដថា
ដើម្បីដោះស្រាយបញ្ហាចំពោះមុខ សាលារាជធានីភ្នំពេញ
នឹងធ្វើការសហការជាមួយ ស្ថាប័នពាក់ព័ន្ធ
មន្ទីរជំនាញនិងផ្នែកឯកជនដើម្បី បើកយុទ្ធនាការស្ដារ សំអាត ជួសជុល
និងកែលំអអណ្ដូងលូទាំងងអស់ក្នុងរាជធានីភ្នំពេញចាប់ពីថ្ងៃទី២៤
ខែសីហា ឆ្នាំ២០១៣ខាងមុខនេះតទៅ។ លោកបន្ដថា
គោលបំណងដែលយើងបើកយុទ្ធនាការនេះ
គឺដើម្បីបំផុសឲ្យបងប្អូនប្រជាពលរដ្ឋ
អាជ្ញាធរដែលទទួលខុសត្រូវក្នុងដែនសមត្ថកិច្ចរបស់របស់ខ្លួន
ត្រូវចូលរួមថែទាំនិងទទួលខុសត្រូវ
ធ្វើយ៉ាងណាឲ្យរាជធានីភ្នំពេញជៀសផុតពីការលិចលង់ ពីទឹកជំនន់
ទឹកភ្លៀង។ បង្កើនកិច្ចសហការ និងការចូលរួមពីស្ថាប័នរដ្ឋ ផ្នែកឯកជន
និងប្រជាពលរដ្ឋក្នុងការអភិវឌ្ឍ
មូលដ្ឋានរបស់ខ្លួនឲ្យមានការរីកចម្រើន។
ត្រូវធ្វើផែនការស្ដារបណ្ដាញលូ ប្រឡាយទៅតាមស្ថានភាព របស់មូលដ្ឋាន។
នៅក្នុងរាជធានីភ្នំពេញទាំងមូលមានបណ្ដាញលូ ទាំងតូចទាំងធំប្រវែង៤៦៩.៨៤០ម៉ែត្រ អណ្ដូង លូចំនួន៣២,៤៦៤
អណ្ដូង និងស្ថានីយបូម ទឹកចំនួន១០កន្លែង។ បច្ចុប្បន្ន ទាំងបណ្ដាញលូ
តូចធំ និង អណ្ដូងលូមេ
និងស្ថានីយមួយចំនួនត្រូវបានខូចខាតប្រមាណជាង២០ភាគរយដោយមូលហេតុនៅ
តំបន់
ខ្លះប្រជាពលរដ្ឋយកសំរាមទៅដាក់ក្នុងមាត់លូនិងញាត់ក្នុងអណ្ដូងលូ
តែម្ដងដែលបង្កឲ្យមានការលិចលង់។ ជុំវិញបញ្ហានេះលោកប៉ា
សុជាតិវង្សបានណែនាំដល់អាជ្ញាធរមូលដ្ឋានទាំងអស់ពិសេសចៅសង្កាត់
មេភូមិត្រូវចលនាឲ្យប្រជាពលរដ្ឋចូលរួមជាមួយយើងក្នុងការស្តារ
ប្រឡាយលូនេះ។
មានន័យថាធ្វើអ្វីមួយត្រូវតែមានបាតដៃប្រជាពលរដ្ឋចូលរួម៕
ស្រីរ័ត្ន
