ភ្នំពេញ៖ ក្នុងជំនួបទ្វេភាគី របស់ក្រុមការងារ
គណបក្សប្រជាជនកម្ពុជា (CPP) និងក្រុមការងាររបស់ គណបក្ស សង្រ្គោះជាតិ (CNRP)
នៅរសៀលថ្ងៃ ទី២០ សីហានេះ បានសម្រេចជារួមក្នុងការ រកលទ្ធភាពជួបគ្នា
លើកក្រោយ ទៀតដើម្បីដោះស្រាយបញ្ហា ដែលកើតមានក្រោយការ បោះឆ្នោតជ្រើស
តាំងតំណាងរាស្រ្ត នីតិកាលទី៥ ។
រដ្ឋលេខាធិការក្រសួងមហាផ្ទៃ លោក ព្រំ សុខា ដែលជាប្រធានក្រុមការងារCPP ដើម្បី ចូលរួមជជែកពិភាក្សា ការងារជា មួយ ក្រុមការងារCNRP បាន ប្រាប់ក្រុមអ្នកសារ ព័ត៌មាន នៅក្រោយជំនួបនោះ ថា ការជួបគ្នាថ្ងៃនេះរវាង ក្រុមការងាររបស់គណបក្ស នយោបាយទាំងពីរ បានបង្ហាញឲ្យឃើញថា គណបក្សនយោបាយទាំងពីរ មានបំណង រួមដើម្បីដោះស្រាយបញ្ហាក្រោយការបោះឆ្នោតជាតិឆ្នាំ២០១៣។
លោក ព្រំ សុខា បានបន្តថា« ខ្ញុំយល់ថា ចំណុចសំខាន់ គឺត្រង់ដែល ក្រុមការងារគណបក្សទាំងពីរបាន មកជួបគ្នា នៅក្នុងថ្ងៃនេះ គឺជាការបង្ហាញថា គណបក្សយើងទាំងពីរមានបំណង រួមដើម្បីដោះស្រាយបញ្ហា ដែលទាក់ទងនិង ការបោះឆ្នោតជ្រើសតាំងតំណាងរាស្រ្ត អាណតិ្តទី៥ កាលពីថ្ងៃទី២៨ ខែកក្កដា ឆ្នាំ២០១៣នេះ»។
បើតាមលោក ព្រំ សុខា ក្រោយពីស្វែងយល់ពីចំណុចដែលជាគោលគំនិតរបស់គណបក្សនីមួយៗ ដើម្បីស្វែង រកការឯកភាពគ្នាមួយនោះ ក្រុមការងារនៃគណបក្សទាំងពីរ នឹងធ្វើរបាយការណ៍ជូនដល់ថ្នាក់ដឹកនាំ នៃគណបក្ស ទាំងពីរ ដើម្បីរកលទ្ធភាពជួបគ្នាលើកក្រោយទៀត។
ប្រធានក្រុមការងារចរចារបស់CNRP លោក សុន ឆ័យ បានប្រាប់ឲ្យដឹងថា ការជួបគ្នាជាមួយក្រុមការងារCPP ក្នុង ថ្ងៃនេះ គឺដើម្បីផ្តល់ឱកាសឲ្យCPP ផ្តល់ព័ត៌មានដល់CNRP ក្រោយពីថ្ងៃជួបគ្នាកាលពីថ្ងៃទី៩ សីហាកន្លងទៅ ទាក់ទង និងការបង្កើតក្រុមការងារស្រាវជ្រាវភាពមិនប្រក្រតីក្រោយការបោះឆ្នោត។
លោក សុន ឆ័យ បន្តថា«នៅក្នុងពិភាក្សានេះ យើងបានរកវិធីយ៉ាងណាដើម្បី រកក្រុមស្រាវជ្រាវមួយ ដែលអាចធ្វើការ ស្រាវជ្រាវរកការពិត ដែលលទ្ធផលនៃការស្រាវជ្រាវនេះ អាចជាផលប្រយោជន៍ដល់ក្រុមប្រឹក្សា ធម្មនុញ្ញដើម្បីធ្វើការ កាត់សេចក្តី »។
យ៉ាងណាក៏ដោយ អ្នកវិភាគនានា បានលើកឡើងថា ក្រុមការងារ កម្រិតនេះ នឹងមិនអាចដោះស្រាយបានទេ ហើយ គណបក្ស ទាំងពីរគួរតែបង្កើតក្រុមការងារមួយកម្រិតខ្ពស់ជាងនេះទៀត ទើបអាចមានលទ្ធផលប្រសើរជាង នេះថែម ទៀត៕
រដ្ឋលេខាធិការក្រសួងមហាផ្ទៃ លោក ព្រំ សុខា ដែលជាប្រធានក្រុមការងារCPP ដើម្បី ចូលរួមជជែកពិភាក្សា ការងារជា មួយ ក្រុមការងារCNRP បាន ប្រាប់ក្រុមអ្នកសារ ព័ត៌មាន នៅក្រោយជំនួបនោះ ថា ការជួបគ្នាថ្ងៃនេះរវាង ក្រុមការងាររបស់គណបក្ស នយោបាយទាំងពីរ បានបង្ហាញឲ្យឃើញថា គណបក្សនយោបាយទាំងពីរ មានបំណង រួមដើម្បីដោះស្រាយបញ្ហាក្រោយការបោះឆ្នោតជាតិឆ្នាំ២០១៣។
លោក ព្រំ សុខា បានបន្តថា« ខ្ញុំយល់ថា ចំណុចសំខាន់ គឺត្រង់ដែល ក្រុមការងារគណបក្សទាំងពីរបាន មកជួបគ្នា នៅក្នុងថ្ងៃនេះ គឺជាការបង្ហាញថា គណបក្សយើងទាំងពីរមានបំណង រួមដើម្បីដោះស្រាយបញ្ហា ដែលទាក់ទងនិង ការបោះឆ្នោតជ្រើសតាំងតំណាងរាស្រ្ត អាណតិ្តទី៥ កាលពីថ្ងៃទី២៨ ខែកក្កដា ឆ្នាំ២០១៣នេះ»។
បើតាមលោក ព្រំ សុខា ក្រោយពីស្វែងយល់ពីចំណុចដែលជាគោលគំនិតរបស់គណបក្សនីមួយៗ ដើម្បីស្វែង រកការឯកភាពគ្នាមួយនោះ ក្រុមការងារនៃគណបក្សទាំងពីរ នឹងធ្វើរបាយការណ៍ជូនដល់ថ្នាក់ដឹកនាំ នៃគណបក្ស ទាំងពីរ ដើម្បីរកលទ្ធភាពជួបគ្នាលើកក្រោយទៀត។
ប្រធានក្រុមការងារចរចារបស់CNRP លោក សុន ឆ័យ បានប្រាប់ឲ្យដឹងថា ការជួបគ្នាជាមួយក្រុមការងារCPP ក្នុង ថ្ងៃនេះ គឺដើម្បីផ្តល់ឱកាសឲ្យCPP ផ្តល់ព័ត៌មានដល់CNRP ក្រោយពីថ្ងៃជួបគ្នាកាលពីថ្ងៃទី៩ សីហាកន្លងទៅ ទាក់ទង និងការបង្កើតក្រុមការងារស្រាវជ្រាវភាពមិនប្រក្រតីក្រោយការបោះឆ្នោត។
លោក សុន ឆ័យ បន្តថា«នៅក្នុងពិភាក្សានេះ យើងបានរកវិធីយ៉ាងណាដើម្បី រកក្រុមស្រាវជ្រាវមួយ ដែលអាចធ្វើការ ស្រាវជ្រាវរកការពិត ដែលលទ្ធផលនៃការស្រាវជ្រាវនេះ អាចជាផលប្រយោជន៍ដល់ក្រុមប្រឹក្សា ធម្មនុញ្ញដើម្បីធ្វើការ កាត់សេចក្តី »។
យ៉ាងណាក៏ដោយ អ្នកវិភាគនានា បានលើកឡើងថា ក្រុមការងារ កម្រិតនេះ នឹងមិនអាចដោះស្រាយបានទេ ហើយ គណបក្ស ទាំងពីរគួរតែបង្កើតក្រុមការងារមួយកម្រិតខ្ពស់ជាងនេះទៀត ទើបអាចមានលទ្ធផលប្រសើរជាង នេះថែម ទៀត៕
