របៀប​បើក Facebook Chat នៅ​លើ Firefox Sidebar

ដោយ Hok

សម្រាប់ ​ប្រិយ​មិត្ត​ដែល​​មាន​កុំព្យូទ័រ​ផ្ទាល់​ខ្លួន​ហើយ​ក៏​ជា​អ្នក​ពេញ​និយម​ ប្រើ​កម្មវិធី Firefox ដើម្បី​ចូល​ទៅ​កាន់​ពិភព​អ៊ីនធឺណិត​​ អ្នក​ប្រហែល​ជា​មាន​ភាព​លំបាក​ខ្លះ​​ក្នុង​ការ​ប្រើ​ប្រាស់​ Facebook Chat ​​នៅ​លើ​កម្មវិធី​​មួយ​នេះ ព្រោះ​​ត្រូវ​ធ្វើ​ការ​បើក​ tab ដែល​ជា​មុខ​ងារ​ចម្បង​សម្រាប់​ការ​ងារ​ ឬ​ការ​ស្រាវ​ជ្រាវ​បណ្ដើរ និង​​ត្រូវ​ត្រលប់​មក​បើក tab ដែល​មាន Facebook បណ្ដើរ ។ ​ដើម្បី​​​ទទួល​បាន​ភាព​ងាយ​ស្រួល​ក្នុង​ការ​ប្រើ Facebook Chat នៅ​លើ Firefox យើង​ខ្ញុំ​សូម​នាំ​យក​នូវ​វិធី​សាស្ត្រ​មួយ​ដែល​អាច​កាត់បន្ថយ​​ក្នុង​ការ​ ចំណាយ​ពេល​វេលា​របស់​អ្នក​​ចំពោះ​ការ​​ប្រើ Facebook នៅ​លើ​កម្មវិធី Firefox ។
របៀប​បើក Facebook Chat នៅ​លើ Firefox Sidebar ៖

1. បើក​កម្មវិធី Firefox បន្ទប់​មក​ប្រសិន​បើ​​កម្មវិធី​របស់​អ្នក​គ្មាន Bookmarks Toolbar សូម​​​​​ទាញ​ mouse ឡើង​ទៅ​​ផ្នែក​​ខាង​លើ​​ក្បែរ button ពង្រីក​ពង្រួម ឬ​បិទ​កម្មវិធី​ បន្ទាប់​មក​ ​​​ right click ​ចុច​យក​ពាក្យ “Bookmarks Toolbar” ដើម្បី​បង្ហាញ​មុខ​ងារ​នេះ ។
   
2. ​ទាញ​ mouse ទៅ​កាន់​​ផ្ទាំង Bookmars Toolbar រួច​ right click និង​យក​ពាក្យ “New Bookmark…” ឬ​ចុច shortcut  ” Ctrl+B ”
   
3. ដូច​រូប​ខាង​ក្រោម​សូម​បំពេញ​
   Name: ” Facebook Chat”
   Location: “http://www.facebook.com/presence/popout.php”
   ចុច tick លើ​ពាក្យ Load this bookmark… និង​ចុច​លើ​ button “Add”
   
4. ជា​លទ្ធផល​អ្នក​​នឹង​ទទួល​បាន​នូវ Bookmarks មួយ​នៅ​លើ​ Bookmarks Toolbar ដែល​មាន​ឈ្មោះ​ថា Facebook Chat សូម​ចុច​ទៅ​លើ​ពាក្យ​នេះ​អ្នក​នឹង​ទទួល​បាន​នូវ​លទ្ធផល​ដូច​ខាង​ក្រោម​
   

វិធី​ម្យ៉ាង​ដែល​ងាយ​ស្រូល​ជាង​នេះ​គឺ​៖

• បន្ទាប់​ពី​បើក​កម្មវិធី Firefox សូម​ចុច​​លើ shortcut keys “Ctrl+Shift+B” ដើម្បី​បើក  Bookmarks Organizer
• រួច​ចុច​​យក Organize ->New Bookmark និង​បំពេញ​លក្ខណ​ដូច​ខាង​​លើ​(ចំណុច​ 3)
• ប្រសិន​បើ​អ្នក​មិន​ឃើញ Bookmarks Toolbar ទេ​សូម​​មើល​ចំណុច 1 ខាង​លើ​

សូម​បញ្ជាក់​ថា​ពី​ពេល​មុន​យើង​ខ្ញុំ​ធ្លាប់​សរសេរ​ពី​​ របៀប​បើក​ Facebook Sidebar លើ Firefox 17 ម្ដង​រួច​ទៅ​ហើយ ប៉ុន្តែ​​​ការ​អនុវត្ត​តម្រូវ​ឲ្យ​​​យើង​ដំឡើង​កម្មវិធី​បន្ថែម​ទៅ​លើ​ កម្មវិធី Firefox ដែល​ជា​ហេតុ​អាច​នឹង​ធ្វើ​ឲ្យ​កម្មវិធី​នេះ​ដំណើរការ​យឺត​ជាង​មុន ។ យ៉ាង​ណា​មិញ​ចំពោះ​​វិធីសាស្ត្រ​ខាង​លើ អ្នក​​ប្រើ​បាន​ទៅ​លើ​កម្មវិធី Firefox ស្ទើរ​គ្រប់កំណែ និង​​អាច​ប្រើ​នៅ​លើ MacBook ផង​ដែរ ៕
ប្រភព៖ http://www.porpok.com