មិន​ត្រឹម​តែ​ជានាឡិកា​សម្រាប់​មើល​ម៉ោង​ ប៉ុណ្ណោះ​ទេ iWatch នឹង​មាន​មុខងារ​កាន់​តែ​ទំនើប​អស្ចារ្យ​ផ្ដល់​ភាព​ងាយស្រួល​ដល់​អ្នក​ប្រើ​ ប្រាស់​យ៉ាង​ពេញចិត្ត។
រូប​គំរូ iWatch របស់ Apple
នាឡិកា​ដ៏​ទំនើប​របស់ Apple នេះ​នឹង​ចាប់​បដិសន្ធិ​ជា​មួយ​លក្ខណៈ​សម្បត្តិ​ដូច​ជា៖ មាន​អេក្រង់​ប្រភេទ OLED ប្រើ touchscreen ទំហំ ១,៥អ៊ីញ, មាន Wi-Fi, Bluetooth ងាយស្រួល​តភ្ជាប់​ជា​មួយ
Smart Device ផ្សេងៗ​ទៀត។
កាន់​តែ​អស្ចារ្យ​ទៀត​នោះ គឺ​មិន​ត្រឹម​ជា​នាឡិកា​ដៃ​ទុក​សម្រាប់​មើល​ម៉ោង​ទេ ប៉ុន្តែ​ក៏​មាន​កាមេរ៉ា​សម្រាប់​ថត​រូប​កម្រិត HD 1080p ទំហំ 8MP និង​មាន​អង្គ​ចងចាំ​សម្រាប់​ផ្ទុក​ទិន្នន័យ​បាន 16GB។ វា​ថែម​ទាំង​មាន​បច្ចេកវិទ្យា AirPlay និង FaceTime ផង​ដែរ។
រូប​គំរូ iWatch របស់ Apple
iWatch ​នឹង​គ្មាន​គូ​ប្រជែង​ឡើយ ដោយសារ​ឧបករណ៍​អេឡិចត្រូនិក​មួយ​នេះ​ត្រូវ​បាន​រចនា​យ៉ាង​ស្អាត​ស័ក្ដិ​សម​ នឹង​ដៃ​របស់​មនុស្ស។ តាម​ដឹង iWatch នឹង​អាច​ចេញ​បង្ហាញ​រូបរាង​នៅ​អំឡុង​ឆមាស​ទី ២ ឆ្នាំ​២០១៣ នេះ ដោយ​តម្លៃ​មិន​ទាន់​មាន​គេ​អះអាង​នោះ​ទេ។
អីចឹង មិត្ត​យុវវ័យ​ដែល​ចង់​បាន​នាឡិកា​ដៃ​ដ៏​ទំនើប​នេះ ចាប់ផ្តើម​សន្សំ​លុយ​ទុក​ពី​ឥឡូវ​ទៅ​ណា៎!
ព័ត៌មាន​ទាក់​ទង​ iWath ​ចុច​ត្រង់​នេះ
ប្រែសម្រួល៖ ឈុន ហួរ