បើទោះបីជាកាលបរិច្ឆេទនៃការប្រកាសចេញជាផ្លូវការនូវ Galaxy Note III និង Galaxy Gear ត្រូវបានអះអាងដោយប្រភពល្បីៗថានឹងធ្វើឡើងនៅថ្ងៃទី០៤ កញ្ញា ក្ដីក៏ថ្ងៃចេញលក់ផលិតផលរបស់ Samsung ទាំងពីរម៉ូដែលនេះមិនទាន់ត្រូវបានបង្ហើបនៅឡើយដែរ ។ ដោយឡែកបើយោងតាមប្រភពពីគេហទំព័រ SamMobile ដែលចុះផ្សាយកាលពីថ្ងៃម្សិល បានអះអាងថាខ្លួនបានទទួលសារពីប្រភពដែលសុំមិនបញ្ចេញឈ្មោះថា Galaxy Note III នឹងត្រូវបញ្ចេញទៅលើទីផ្សារនាខែកញ្ញា ដោយឡែក Galaxy Gear វិញនឹងមានវត្តមាននៅលើទីផ្សារនាខែតុលា ។
សូមបញ្ជាក់៖ ប្រភពដដែលបានឲ្យដឹងទៀតថាក្រុមហ៊ុន Samsung នឹងមិនផលិត Galaxy Note III ដែលមានអង្គផ្ទុកទិន្នន័យជាប់ម៉ាស៊ីនទំហំ 16 GB នោះទេ ។ ប្រភពខាងលើមិនទាន់បានបញ្ជាក់ពីទីផ្សារចេញលក់ដំបូង និង តម្លៃរបស់ឧបករណ៍ចល័តទាំងពីរនោះទេ សម្រាប់ព័ត៌មានបន្ថែម សូមប្រិយមិត្តរង់ចាំតាមដានជាមួយពពក ៕
រូបភាពធ្លាប់លេចចេញដែលគេអះអាងថាជាផ្នែកខាងមុខរបស់ Galaxy Note 3
ខាងក្រោមនេះជារូបភាពគំរូ Galaxy Note 3
រូបភាពដែលបានលេចនិងអះអាងថាជា Galaxy Note 3 (Note 3 Vs Note 2)
តើប្រិយមិត្តពេញចិត្តរូបភាពគំរូបមួយណា? សូមបញ្ចេញមតិក្នុងប្រអប់ខាងក្រោម៖ប្រភព
