បន្ទាប់​ពី Nokia ជោគជ័យ​លើ Smartphone កំពូល​ខ្លាំង​ខាង​កាមេរ៉ា​រហូត​គេ​ដាក់​រហស្សនាម​ឱ្យ​ថា​ ជា​កាមេរ៉ា​យក្ស Lumia 1020 រួច​មក ​ឥឡូវ​មាន​ព័ត៌មាន​ក្ដៅៗ​ទៀត​ហើយ​ថា ក្រុមហ៊ុន​ទូរសព្ទ​ហ្វាំងឡង់​នេះ​ មាន​គម្រោង​ចេញ​ទាយាទ​ថ្មី​មួយ​ម៉ូដែល​ទៀត​មាន​ឈ្មោះ​ថា Lumia 1520។
​
Lumia 1520 ត្រូវ​គេ​រំពឹង​ថា នឹង​មាន​អេក្រង់ touchscreen ទំហំ ៦អ៊ីញ។ យោង​តាម​របាយការណ៍​ចុង​
ក្រោយ​នេះ​ បាន​ឱ្យ​ដឹង​ថា Smartphone ថ្មី​នេះ​នឹង​មាន​លេខ​កូដ Bandit ឈ្មោះ​ពេញ​ថា Lumia 1520។
ទោះជា​យ៉ាងណា​ក្រុមហ៊ុន Nokia ពុំ​បាន​អះអាង​យ៉ាងណា​នៅ​ឡើយ​ទេ ចំណែក​លក្ខណៈ​សម្បត្តិ​​លម្អិត​ក៏​នៅ​ពុំ​ទាន់​លាតត្រដាង​នៅ​ឡើយ​ដែរ​។ តែ​បើ​យោង​តាម​ចចាមអារ៉ាម​កន្លង​ទៅ ​បាន​លើក​ឡើង​ថា ក្រុមហ៊ុន​គ្រោង​ធ្វើ​ព្រឹត្តិការណ៍​មួយ​នៅ​ចុង​ខែ​កញ្ញា​ខាង​មុខ ដែល​គេ​រំពឹង​ថា វត្តមាន​ផ្លូវការ Smartphone Lumia 1520 ក៏​នឹង​សម្ពោធ​ពេល​នោះ​ដែរ។
ចុច​ត្រង់​នេះ ដើម្បី​តាមដាន​ព័ត៌មានជុំវិញ Nokia …
ប្រែ​សម្រួល៖ ឈុន ហួរ
ប្រភព & រូបភាព៖ softpedia