កណ្តាល ៖ យុវជន៤នាក់ ត្រូវបានកម្លាំងសមត្ថកិច្ចប៉ុស្តិ៍សហការជាមួយនគរបាលស្រុកកោះធំ ធ្វើការ
ឃាត់ខ្លួន
ខណៈដែលយុវជន៤នាក់នោះកំពុងជិះម៉ូតូដោយផ្ទុកថ្នាំញៀនជាប់នឹង
ខ្លួន ធ្វើសកម្មភាពទៅរកកន្លែងប្រើប្រាស់
ទើបសមត្ថកិច្ចឃាត់បានពីរករណីក្នុងចំណុចផ្សេងគ្នា
នៅក្នុងស្រុកកោះធំ ។
ឃាត់ខ្លួន
ខណៈដែលយុវជន៤នាក់នោះកំពុងជិះម៉ូតូដោយផ្ទុកថ្នាំញៀនជាប់នឹង
ខ្លួន ធ្វើសកម្មភាពទៅរកកន្លែងប្រើប្រាស់
ទើបសមត្ថកិច្ចឃាត់បានពីរករណីក្នុងចំណុចផ្សេងគ្នា
នៅក្នុងស្រុកកោះធំ ។
លោកវរៈសេនីយ៍ទោ គង់ ស៊ីដន នាយការិយាល័យប្រឆាំងការជួញដូរគ្រឿងញៀន
នៃស្នងការដ្ឋាននគរបាលខេត្តកណ្តាលបានឲ្យដឹងថា
ពីរករណីដែលកម្លាំងសមត្ថកិច្ចយើងឃាត់ខ្លួនយុវជនសង្ស័យ៤នាក់
នៅចំណុចផ្សេងគ្នា មួយករណីឃាត់ជនសង្ស័យរក្សាទុក
គ្រឿងញៀន
ដើម្បីយកទៅប្រើប្រាស់បានចំនួនពីរនាក់ ១ឈ្មោះ សា ឡេះ ភេទប្រុស
អាយុ២២ឆ្នាំ និងម្នាក់ទៀតឈ្មោះ ហាន់ ណាហ្វា ភេទប្រុស អាយុ១៨ឆ្នាំ
ជាជនជាតិវៀតណាម រស់នៅភូមិដុកគី ឃុំវឹកថាយ ស្រុកអាភូ
ខេត្តអាងយ៉ាង នៃប្រទេសវៀតណាម ដែលធ្វើការឃាត់ខ្លួនកាលពីវេលាម៉ោង១៧
ក្នុងថ្ងៃទី១ ខែកញ្ញា ឆ្នាំ២០១៣ នៅចំណុចភូមិ ជ្រៃធំ ឃុំសំពៅពួន
ស្រុកកោះធំ ខេត្តកណ្តាល ដែលយុវជនទាំងពីរនោះ
រក្សាទុកថ្នាំញៀនប្រភេទម៉ាទឹកកកចំនួន២កញ្ចប់តូច
និងម៉ូតូយ៉ាម៉ាហា មួយគ្រឿង ដែលកំពុងធ្វើសកម្មភាព។
ករណី
ផ្សេងមួយទៀតនៅវេលាម៉ោង២១និង២០នាទី ថ្ងៃទី០១ ខែកញ្ញា ឆ្នាំ២០១៣
ដែលឃាត់ខ្លួនជនសង្ស័យពីរនាក់ទៀត
រក្សាទុកថ្នាំញៀនជាប់ខ្លួនចំនួនមួយកញ្ចប់តូច
រួមនឹងម៉ូតូធ្វើមធ្យោបាយមួយគ្រឿងទៀត ។
ដែលករណីនេះសមត្ថកិច្ចឃាត់នៅចំណុចភូមិពោធិ៍រាម្មា
ឃុំព្រែកស្តី ស្រុកកោះធំ ហើយជនសង្ស័យទីមួយមានឈ្មោះ ជី និន្ទ
ភេទប្រុស អាយុ២២ឆ្នាំ និងម្នាក់ទៀតឈ្មោះ ភាព ភ័ន អាយុ២០ឆ្នាំ
ជនជាតិខ្មែរ អ្នកទាំងពីររស់នៅភូមិកោះចាស់ ឃុំព្រែកស្តី ស្រុកកោះធំ
ខេត្តកណ្តាល ដោយយុវជនទាំងពីរនាក់នេះ
រក្សាទុកនូវថ្នាំញៀនចំនួនមួយកញ្ចប់តូច និងម៉ូតូមួយគ្រឿងទៀត ។
លោក គង់ ស៊ីដន បានបញ្ជាក់ទៀតថា
ក្រោយពេលកម្លាំងសមត្ថកិច្ចស្រុកបានបញ្ជូនមកដល់ការិយាល័យប្រឆាំងការ
ជួញដូរគ្រឿងញៀននៃស្នងការដ្ឋាននគរបាលខេត្តកណ្តាល យុវជនទាំង៤នាក់
ត្រូវបានកសាងសំណុំរឿង រួមនឹងវត្ថុតាង ម៉ូតូពីរគ្រឿង
ថ្នាំញៀនបីកញ្ចប់តូច
ដោយយោងតាមចម្លើយសារភាពរបស់យុវជនញៀនថ្នាំទាំង៤នាក់នេះ
បញ្ជូនបន្តទៅកាន់សាលាដំបូងខេត្តកណ្តាល កាលពីព្រឹកម៉ោង៩ និង១០នាទី
ថ្ងៃទី ០៣ ខែកញ្ញា ឆ្នាំ២០១៣ ដើម្បីឲ្យតុលាការចាត់ចែងតាមផ្លូវច្បាប់ ៕
ខាត់ សុឃឿន
