ភ្នំពេញ
៖ មនុស្សប្រុសស្រីចំនួន ៤ នាក់ត្រូវរងរបួសធ្ងន់ស្រាល
ដោយសារពួកគេជិះម៉ូតូស្តុបពី លឿនជ្រុល បុកគ្នា ជាមួយម៉ូតូសេ ១២៥
លាន់ដូចរន្ទះ នៅចំណុចមុខទីស្ដីការគណៈរដ្ឋមន្ត្រី
តាមបណ្តោយផ្លូវសហព័ន្ធរុស្ស៊ី ក្នុងសង្កាត់មិត្តភាព ខណ្ឌ៧មករា
កាលពីវេលាម៉ោង១៨និង៤០នាទីយប់ថ្ងៃទី ១ ខែកញ្ញា ឆ្នាំ២០១៣ ។
យោង
តាមប្រភពព័ត៌មានពីសាក្សីដែលបានឃើញហេតុការណ៍នេះបានឲ្យដឹងថា
មុនពេលកើតហេតុមានគូរស្នេហ៍មួយគូរ ជិះម៉ូតូស្តុបពី១គ្រឿង ពណ៌ស
ពាក់ស្លាកលេខ ភ្នំពេញ1BV- 2248
ធ្វើដំណើរ
តាម បណ្តោយផ្លូវសហព័ន្ធរុស្ស៊ី ទិសដៅពីកើតទៅលិច ក្នុងល្បឿនលឿន
រហូតពេលជិះ ដល់ចំណុចកើតហេតុ ស្រាប់តែមានយុវជន២នាក់ ម៉ូតូសេ១២៥
ពណ៌ខ្មៅ ពាក់ស្លាកលេខ បាត់ដំបង 1F-5722 បាន
ជិះធ្វើដំណើរតាមបណ្តោយផ្លូសហព័ន្ធរុស្ស៊ី
ក្នុងទិសដៅបញ្ច្រាសទិសគ្នាជាមួយម៉ូតូស្តុបពី
ហើយដោយម៉ូតូទាំង២គ្រឿង ជិះលឿនវ៉ាគេ វ៉ាឯងដូចគ្នា
ខណៈទើបបណ្តាលឲ្យពួកគេវ៉ាក់គ្នា
ចាប់ហ្វ្រាំមិនទាន់ក៏ជ្រុលពន្លះគ្នាចំពីមុខយ៉ាងពេញទំហឹង
បណ្តាលឲ្យម្ចាស់ម៉ូតូស្តុបពីម្នាក់ត្រូវរងរបួសធ្ងន់និង
ម្នាក់ទៀតរងរបួសស្រាល ចំណែកម្ចាស់ម៉ូតូសេ១២៥ មានគ្នា ២
នាក់រងរបួសស្រាល ចំណែកម៉ូតូទាំង ២ គ្រឿងក៏ត្រូវខូចខាតផងដែរ។
សមត្ថកិច្ចមិនទាន់ស្គាល់អត្តសញ្ញាណរបស់ម្ចាស់ម៉ូតូទាំង ២គ្រឿង
ខាងលើនេះនៅឡើយទេ
ដោយសារក្រោយកើតហេតុត្រូវបានរថយន្តសាមុយមកដឹកយកទៅមន្ទីរពេទ្យអស់
។ ចំណែកម៉ូតូទាំង ២គ្រឿង
បន្ទាប់ពីកើតហេតុត្រូវបានមសមត្ថកិច្ចមូលដ្ឋានចុះមកអន្តរាគមន៍
វាស់វែង អូសយកទៅរក្សាទុកនៅអធិការដ្ឋាននគរបាលខណ្ឌ៧មករា
រង់ចាំដោះស្រាយតាមផ្លូវច្បាប់ ។
គ្រោះថ្នាក់នេះបង្កឡើងដោយសារម៉ូតូទាំង២គ្រឿង ជិះលឿនដូចគ្នា
ទើបរេចង្កូតបុកគ្នាតែម្តងទៅ ៕
ដាយ៉ារីទ្ធ
