ទីបំផុតទៅនៅថ្ងៃទី០១ ខែកក្កដា នេះ ប្រទេសក្រូអាន ត្រូវបានប្រកាសជាផ្លូវការចូលជាសមាជិកទី២៨របស់សហគមន៍អឺរ៉ុបហើយ។ ដែលនេះបានធ្វើឲ្យប្រទេសក្រូអាដ ក្លាយជាប្រទេសទី២ នៃអតីតសហរដ្ឋយូហ្គោស្លាវី ដែលបានចូលជាសហគមន៍អឺរ៉ុបបន្ទាប់ពីស្លូវានៀកាលឆ្នាំ២០០៤។
ប្រទេសក្រូអាដ ស្ថិតនៅតំបន់បាកាន មានប្រជាពលរដ្ឋ ៤,២លាននាក់។ ប្រទេសនេះបានប្រកាសឯករាជ្យរបស់ខ្លួនដោយផ្តាច់ចេញពី យូហ្គោស្លាវី នៅឆ្នាំ១៩៩១។
គួរបញ្ជាក់ដែរថា ដើម្បីក្លាយជាសមាជិករបស់សហគមន៍អឺរ៉ុបនេះ ប្រទេសក្រូអាដបានបំពេញតាមលក្ខ ខណ្ឌមួយចំនួនរបស់សហគមន៍អឺរ៉ុបដូចជា គោលនយោបាយរួម របស់អឺរ៉ុបស្ដីពីការអភិវឌ្ឍសេដ្ឋកិច្ច និង ទីផ្សារពលកម្ម គ្រប់គ្រងអំពើពុករលួយ ប្រយុទ្ធប្រឆាំងបទល្មើស និងសហការជាមួយតុលាការអន្ដរជាតិ កាត់ទោសជនល្មើសសង្គ្រាមនៅយូហ្គោស្លាវីចាស់ជាដើម៕
