អាមេរិក
៖ ប្រធានាធិបតីអាមេរិកលោកបារ៉ាក់ អូបាម៉ា
បានសំរេចផ្តល់ការគាំទ្រផ្នែកយោធាទៅអោយពួកឧទ្ទាមស៊ីរី
បន្ទាប់ពីសហគមន៍អន្តរជាតិបានទទួលព័ត៌មានសម្ងាត់មកថា
រដ្ឋាភិបាលរបស់លោក អាសាត (Assad) ប្រើប្រាស់អាវុធគីមី។
ថ្លែងនៅក្នុងសន្និសីទ តាមទូរស័ព្ទមួយលោក បេន រ៉ូឌី (Ben Rhoes) ទីប្រឹក្សា
សន្តិសុខអាមេរិកបាននិយាយថា ដោយយោងទៅរបបលោក អាសាត
ប្រើប្រាស់អាវុធគីមីប្រឆាំងនិងក្រុមប្រឆាំងស៊ីរី
ជាច្រើនលើកកាលពីឆ្នាំកន្លងទៅនោះ
ដូច្នេះប្រធានាធិបតីត្រូវតែសម្រេចចិត្តផ្តល់ការគាំទ្របន្ថែមទៀត
អោយក្រុមប្រឆាំង ហើយការគាំទ្រនោះគឺមានការពាក់ព័ន្ធ
និងការផ្តល់ជំនួយយោធាដោយផ្ទាល់ទៅអោយក្រុម SMC ផងដែរ។
ក្រុម SMC មានន័យថា ក្រុមប្រឹក្សាយោធាកំពូលពោលគឺជាក្រុមយោធាដែលកើតចេញពីក្រុមបក្សប្រឆាំងស៊ីវិល។
លោក
រ៉ូតឌី បន្តទៀតថា
ទោះបីជារដ្ឋាភិបាលស៊ីរីរបស់លោកប្រធានាធិបតីបាស្សា អាល់អាសាត
ប្រើប្រាស់អាវុធគីមីប្រឆាំងនិងក្រុមប្រឆាំងនៅក្នុងកម្រិតតូច
ក៏ដោយ ក៏លោកបញ្ជាក់ថា យ៉ាងហោចណាស់មានមនុស្សពី ១០០ទៅ
១៥០នាក់បានស្លាប់ដោយអាវុធគីមីនេះដែរ៕
ម៉ៅ មករា
No comments:
Post a Comment