ភ្នំពេញ
៖
ក្រុមអ្នកសង្កេតការណ៍បោះឆ្នោតមកពីប្រទេសរុស្ស៊ីដែលបានមកចូលរួម
តាមដានការបោះឆ្នោតនៅកម្ពុជាបានមានប្រសាសន៍ថា
ការបោះឆ្នោតនៅកម្ពុជាដែលបានរៀបចំឡើង
កាលពីថ្ងៃទី២៨ខែកក្កដាឆ្នាំ២០១៣កន្លងមកនេះប្រព្រឹត្តទៅដោយ
យុត្តិធម៌ សេរីនិងប្រកបដោយលទ្ធិប្រជាធិបតេយ្យពិតៗ។
លោកស្រីអ៊ីទ្បេណាដូប្រូវីណា(ElenaDubrovina)សមាជិកនៃ
គណៈកម្មការមជ្ឈមណ្ឌលបោះឆ្នោតនៃសហព័ន្ធរុស្ស៊ីនិងលោកវីសេវូទ្បូតប៉េវេវូឆីកូវ(VsevolodPerevozchikov)មន្ត្រីជាន់ខ្ពស់
ផ្នែករដ្ឋបាលនៃគណៈកម្មាធិការកណ្តាលមជ្ឈមណ្ឌលបោះឆ្នោតសហព័ន្ធ
រុស្ស៊ីបានប្រាប់ក្រុមអ្នកសារព័ត៌មានកាលពីព្រឹកថ្ងៃទី២៩
ខែកក្កដាថានៅក្នុងថ្ងៃបោះឆ្នោតក្រុមអ្នកសង្កេតការណ៍របស់លោកស្រី
បានចុះទៅពិនិត្យមើលសកម្មភាពការបោះឆ្នោតនៅខណ្ឌចំនួន៥ក្នុងរាជធានី
ភ្នំពេញនិងនៅក្នុងស្រុកអង្គស្នួលខេត្តកណ្តាល
ហើយជាលទ្ធផលពិនិត្យឃើញថា ការបោះឆ្នោតនៅកម្ពុជាមានភាពវិជ្ជមាន
ហើយការឃោសនាមុនការបោះឆ្នោតរបស់គណបក្សសង្គ្រោះជាតិមិនមានការរំខាន
ពីក្រុមសមត្ថកិច្ចនោះទេគឺដំណើរការប្រកបដោយលទ្ធិប្រជាធិបតេយ្យ។
លោកស្រី
បានបន្ត
ថា“ការរៀបចំការបោះឆ្នោតនៅកម្ពុជាក្នុងអាណត្តិទី៥នេះគឺ
ប្រព្រឹត្តិទៅដោយល្អប្រសើរ
អ្នកបោះឆ្នោតបានចូលរួមការបោះឆ្នោតប្រកបដោយភាពរីករាយ
ធ្វើឲ្យការបោះឆ្នោតនេះ ប្រព្រឹត្តទៅប្រកបដោយលទ្ធិប្រជាធិបតេយ្យពិតៗ
”។ លោកស្រីបានបន្ថែមថា“មានអ្នកសង្កេតការណ៍ជាតិ
និងអន្តរជាតិជាច្រើនបានចូលរួមសង្កេតការណ៍ក្នុងការបោះឆ្នោតនេះ
ហើយជាលទ្ធផលគេអះអាងស្រដៀងគ្នាថា ល្អប្រសើរ។
លោកស្រីបញ្ជាក់ថាចំពោះលទ្ធផលនៃការបោះឆ្នោតនេះមានភាពប្រហាក់
ប្រហែលគ្នាដោយកន្លែងខ្លះគណបក្សប្រជាជនឈ្នះ
ហើយកន្លែងខ្លះទៀតគណបក្សសង្គ្រោះជាតិឈ្នះ។
លោកស្រីElenaDubrovinaបញ្ជាក់
ថាទោះជាយ៉ាងណាក្នុងអំទ្បុងពេលនោះឆ្នោតនេះមានគេប្តឹងថា
មណ្ឌលបោះឆ្នោត២កន្លែងនៅរាជធានីភ្នំពេញគេហាមឃាត់មិនឲ្យ
អ្នកសង្កេតការជាតិនិងអន្តរជាតិចូល
ប៉ុន្តែក្រោយមកគណៈកម្មការរៀបចំការបោះឆ្នោតឲ្យចូលនៅពេលការបោះឆ្នោត
បានបញ្ចប់។
គណបក្សប្រឆាំងបានបដិសេធលទ្ធផលការបោះឆ្នោតនេះដោយសារថាមានភាពមិនប្រក្រតីបានកើតឡើងច្រើន។
ពាក់ព័ន្ធបញ្ហានេះលោកស្រីElena Dubrovinaបាន
មានប្រសាសន៍ថា
“វាជាធម្មតាទេការបោះឆ្នោតនៅប្រទេសមួយចំនួនក៏មានបញ្ហាបែបនេះដែរ
តែប្រសិនជាគណបក្សសង្គ្រោះជាតិមិនទទួលយកលទ្ធផលនេះ
គឺពួកគេអាចធ្វើតាមច្បាប់
ព្រោះច្បាប់កម្ពុជាក៏បាននិយាយពីបញ្ហានេះដែរ
តែខ្ញុំមើលឃើញថាលទ្ធផលនៃការបោះឆ្នោតនេះ
គឺជាការបោះឆ្នោតប្រកបដោយលទ្ធិប្រជាធិបតេយ្យពិតៗហើយ ”។
ការបោះឆ្នោត
នៅកម្ពុជានេះបានធ្វើលោកស្រីមានការភ្ញាក់ផ្អើលនៅពេលឃើញយុវជន
កម្ពុជាជាច្រើនបានចូលរួមក្នុងការបោះឆ្នោតនេះខុសពីប្រទេសរុស្ស៊ី
គឺយុវជននៅទីនោះចូលរួមតែក្នុងកម្មវិធីធំៗប៉ុណ្ណោះ។
លោកស្រី
បានឲ្យដឹងទៀតថា
ក្រុមរបស់លោកស្រីធ្លាប់បានចូលរួមជាអ្នកសង្កេតការណ៍បោះឆ្នោតនៅ
ប្រទេសឥណ្ឌូនេស៊ីនិងប្រទេសនៅអឺរ៉ុបមួយចំនួនហើយលោកស្រីធ្វើការ
ប្រៀបធៀបថាការបោះឆ្នោតនៅកម្ពុជានៅតែមានលក្ខណៈល្អប្រសើរនិងប្រកបដោយ
លទ្ធិប្រជាធិបតេយ្យពិតៗ៕
សំអឿន
