ភ្នំពេញ
៖
បុរសម្នាក់ត្រូវបានម្ចាស់ម៉ូតូប្ដឹងអោយប៉ូលិសខណ្ឌទួលគោកធ្វើការ
ឃាត់ខ្លួន
ក្រោយពេលដែលបុរសម្នាក់នេះធ្វើសកម្មភាពឆបោកយកម៉ូតូពីមនុស្ស
ស្គាល់គ្នា ហើយបានរត់គេចខ្លួនបានរយះពេលជិតមួយខែ
តែជាអកុសល្យត្រូវម្ចាស់ម៉ូតូបានឃើញក៏បានប្ដឹងប៉ូលិសអោយធ្វើ
ការឃាត់ខ្លួន ដើម្បីចាត់ការតាមច្បាប់តែម្តង។
ជនសង្ស័យ
ម្នាក់នេះត្រូវបានធ្វើការឃាត់ខ្លួនដោយប៉ូលិសខណ្ឌទួលគោកកាលពី
ល្ងាចថ្ងៃទី១៥ខែកក្កដាឆ្នាំ២០១៣វេលាម៉ោង៤និង៣០នាទីនៅតាមបណ្តោយ
ផ្លូវ២៦១ ក្រុម៣៩ ភូមិ៩ សង្កាត់ទឹកល្អក់ទី១ ខណ្ឌទួលគោក
ពោលគឺក្រោយពេលដែលជនសង្ស័យម្នាក់នេះធ្វើការគេចខ្លួនបានរយះពេល
ជិត១ខែ។ជនសង្ស័យត្រូវប៉ូលិសប្រាប់អោយស្គាល់ឈ្មោះគង់ សុភក្ក្រ័
ភេទប្រុស អាយុ២៦ឆ្នាំមុខរបរជាងជួសជុលទូរសព្ទ័
ស្នាក់នៅផ្ទះជួលតាមបណ្តោយផ្លូវរថភ្លើង
ស្ថិតក្នុងសង្កាត់ទឹកល្អក់ទី១ខណ្ឌទួលគោក។
ចំណែក
ជនរងគ្រោះជាម្ចាស់ម៉ូតូត្រូវបានគេស្គាល់ឈ្មោះហឿន ឈុនលី ភេទប្រុស
អាយុ១៧ឆ្នាំជាសិស្សថ្នាក់ទី១២វិទ្យាល័យបាក់ទូក
ស្នាក់នៅផ្ទះជួល លេខ៥៥ ផ្លូវ២២៧ សង្កាត់ផ្សារដើមគរ ខណ្ឌទួលគោក
និងមានស្រុកកំណើតជាមួយគ្នាជាមួយជនសង្ស័យផងដែរ
គឺនៅក្នុងភូមិដំរីជាន់ខ្លា សង្កាត់ដំរីជាន់ខ្លា ក្រុងស្ទឹងសែន
ខេត្តកំពង់ធំ។
ក្នុងការឃាត់ខ្លួននេះម៉ូតូជនរងគ្រោះម៉ាកហុងដាស្កូបពី ពណ៌ក្រហម
ស៊េរី២០១២ ពាក់ស្លាកលេខកំពង់ធំ1F 0440ដែលជនសង្ស័យឆបោកយកទៅនោះត្រូវបានដកហូតយកមកបានវិញផងដែរ។
មន្ត្រី
ប៉ូលិសខណ្ឌទួលគោកបានអោយដឹងថា
ជនរងគ្រោះនិងជនសង្ស័យជាមនុស្សស្គាល់គ្នានៅស្រុកកំណើតឯខេត្តកំពង់ធំ
ហើយនៅព្រឹកថ្ងៃទី២០ខែមិថុនាកន្លងមកនេះជនសង្ស័យបានមកលេងផ្ទះជួល
របស់ជនរងគ្រោះស្នាក់នៅក្នុងរយះពេល៣ថ្ងៃ។ក្នុងខណៈនោះជនសង្ស័យ
ក៏បានសុំខ្ចីម៉ូតូជនរងគ្រោះជិះថាទៅទិញម្ហូបមួយភ្លែតក៏
ស្រាប់តែយកម៉ូតូនោះទៅបាត់រហូតតែម្តង។លុះមកដល់ថ្ងៃកើតហេតុ
ជនរងគ្រោះបានឃើញជនសង្ស័យជិះម៉ូតូរបស់ខ្លួននៅតាមផ្លូវក៏បានប្ដឹង
ប៉ូលិសអោយធ្វើការឃាត់ខ្លួន
ដើម្បីយកម៉ូតូមកវិញនិងដាក់ទោសជនសង្ស័យទៅតាមច្បាប់៕
ស្រីរ័ត្ន
