ជនជាតិបរទេស បើករថយន្ត​ មែកសឺដែស ក្នុងល្បឿនលឿន ជ្រុលបុករបាំងថ្ម ចែកទ្រូងផ្លូវ ទាំងកំរោល

Saturday, 31 August 2013 11:47 ដោយ ៖ ដើមអម្ពិល ID-015

ភ្នំពេញ ៖ របាំងថ្មចែកទ្រូងផ្លូវមួយកន្លែង ស្ថិតនៅចំណុច មុខហាង ហេងហេង តាមបណ្តោយផ្លូវព្រះមុនី វង្ស ស្ថិតក្នុងសង្កាត់បឹងកេងកងទី២ ខណ្ឌចំការមន ត្រូវខូចខាត ដោយសារបុរសជនជាតិវៀតណាម ៣នាក់ បើករថយន្តមួយគ្រឿង ម៉ាកមែកសឺដែស បុករះយ៉ាងពេញទំហឹង  កាលពីវេលាម៉ោង ២៣ និង៣០ នាទីយប់ ថ្ងៃទី៣០ ខែសីហា ឆ្នាំ២០១៣ ។

យោងតាមប្រភពព័ត៌មាន ពីសាក្សីដែលឃើញហេតុការណ៍ បានឲ្យដឹងថា មុនពេលកើតហេតុ គេសង្កេត ឃើញ បុរសជនជាតិវៀតណាម៣នាក់ បើកបររថយន្តមួយគ្រឿង ម៉ាកមែកសឺដែស
ពណ៌កាប់ស្តាំង ពាក់ ស្លាកលេខ បាត់ដំបង 2A-2264 ក្នុងល្បឿនយ៉ាងលឿន តាមបណ្តោយផ្លូវព្រះមុនីវង្ស ទិសដៅពីត្បូងទៅ ជើង លុះមកដល់ចំណុចកើតហេតុខាងលើ ស្រាប់តែរេចង្កូត ជ្រុលបុករបាំងថ្មចែកទ្រូងផ្លូវ បាក់អស់ចំនួន មួយកង់ រីឯរថយន្តរងការខូតខាត ផ្នែកខាងមុខស្ទើរតែទាំងស្រុង ។
ក្រោយពេលកើតហេតុសមត្ថកិច្ច និងនគរបាលមូលដ្ឋានសហការ ជាមួយនគបាលជំនាញ ចុះមកអន្តរា គមន៍វាស់វែងដកហូតរថយន្ត និងអ្នកបើករថយន្តបង្កទៅកាន់ការិយាល័យជំនាញ រង់ចាំដោះស្រាយនៅ ពេលក្រោយ ៕