ឧត្តរមានជ័យ
៖ នៅព្រឹកថ្ងៃទី៧ ខែសីហា ឆ្នាំ២០១៣
នៅសាលប្រជុំកងរាជអាវុធហត្ថខេត្តឧត្តរមានជ័យ
បានរៀបចំបើកកិច្ចប្រជុំផ្សព្វផ្សាយផែនការ
ពីការពារសន្តិសុខសណ្ដាប់ធ្នាប់ សាធារណៈ និងសង្គ្រោះគ្រោះមហន្តរាយ។
ដោយ
ពិធីនេះប្រព្រឹត្តទៅ ក្រោមវត្តមាន លោកឧត្ដមសេនីយ៍ត្រី
ពុទ្ធ សារ៉ាន់
មេបញ្ជាការកងរាជអាវុធហត្ថខេត្តឧត្ដរមានជ័យ
ដោយអនុវត្តតាមបទបញ្ជាមេបញ្ជាការលើផ្ទៃប្រទេស លោកឧត្ដមសេនីយ៍ត្រី
ពុទ្ធ សារ៉ាន់ មេបញ្ជាការកងរាជអាវុធហត្ថខេត្តឧត្ដរមានជ័យ
ក៏បានមានប្រសាសលើកឡើងពីគោលការណ៍សំខាន់ៗមួយចំនួនពាក់ព័ន្ធ
និងកិច្ចការការពារសន្តិសុខ -សណ្ដាប់ធ្នាប់
ទូទៅនៅក្នុងខេត្ត
ក្រោយការបោះឆ្នោតជ្រើសតាំងតំណាងរាស្ត្រនីតិកាលទី៥ឆ្នាំ២០១៣
និងត្រៀមអន្តរាគមន៍រាល់សភាពការណ៍មិនល្អណាមួយដែលកើតឡើងជានៅក្នុង
ខេត្ត។
លោកឧត្ដមសេនីយ៍ត្រី ពុទ្ធ សារ៉ាន់ ក៏បានលើកឡើងអំពីភាពជោគជ័យក្នុង ការការពារសន្តិសុខ-សុវត្ថិភាព- សណ្ដាប់ធ្នាប់
ក្នុងអំឡុងយុទ្ធនាការ ឃោសនារកសំឡេងឆ្នោត
និងការបោះឆ្នោតដែលបានប្រព្រឹត្តិទៅក្នុងបរិយាកាសសន្តិសុខមាន
ស្ថិរភាពល្អប្រសើរប្រកបដោយសុវត្ថិភាពនៅតាម
ការិយាល័យបោះឆ្នោតក្នុងឃុំ-សង្កាត់ របស់ស្រុក-ក្រុង
នីមួយៗ
ហើយជោគជ័យដែលយើងទទួលបានខាងលើនេះគឺស្ដែងចេញពីការខិតខំ
យកចិត្តទុកដាក់របស់កងកំលាំង យើងទាំងអស់គ្នា
ព្រមទាំងសហការបានល្អជាមួយកងកំលាំងអង្គភាពស្ថាប័នពាក់ព័ន្ធ
មួយចំនួន អាជ្ញាធរដែនដី និងប្រជាពលរដ្ឋក្នុងមូលដ្ឋាន។
នៅក្នុង
ឱកាសនេះផងដែរលោកឧត្តមសេនីយ៍ត្រី
បានផ្ដាំផ្ញើដល់កងកំលាំងកងរាជអាវុធហត្ថ
ទាំងអស់ដោយសង្កត់ធ្ងន់លើការក្ដាប់សភាពការណ៍ឲ្យបានណែនជាបន្តទៀត
សំដៅមានវិធានការណ៍ទប់ស្កាត់និងបង្ក្រាបជាមុនដោយមិនទុកឲ្យក្រុម
ខិលខូចឆ្លៀតឱកាសបង្ក មហន្តរាយដល់សន្តិសុខសង្គមទាំងមូលឡើយ។
បន្ទាប់មក
លោកឧត្ដមសេនីយ៍ត្រី បានដាក់បទបញ្ជាដល់គ្រប់កំលាំង
ត្រូវធ្វើការប្រមូលផ្ដុំកំលាំងរបស់ខ្លួន ប្រចាំការណ៍ ២៤ម៉ោងលើ
២៤ម៉ោង ដើម្បីត្រៀមអន្តរាគមន៍
និងក្តាប់សភាពការណ៍មិនល្អណាមួយដែលកើតឡើងជាយថាហេតុដូចជាគ្រោះ
ទឹកជំនន់ ខ្យល់ព្យុះ
ភ្លើងឆេះផ្ទះជាដើមក្នុងការថែរក្សាសន្តិសុខជូនប្រជាពលរដ្ឋឱ្យបាន
រីកចំរើននៅតាមមូលដ្ឋាននានាផងដែរ៕
ចាន់ធី
