ភ្នំពេញ
៖
រាជរដ្ឋាភិបាលកម្ពុជាចាត់ទុកស្ដ្រីគឺជាឆ្អឹងខ្នងក្នុងការអភិវឌ្ឍន៏
សង្គម តែទន្ទឹមនិងនេះស្រី្ដក៏ត្រូវតែមានសមត្ថភាព
ស្ដ្រីក៏ត្រូវផ្លាស់ប្ដូរអាកប្បកិរិយាក្នុងសង្គម
ដើម្បីស្ដ្រីខ្លួនឯងមានលទ្ធភាពគ្រប់គ្រាន់
ក្នុងការចូលរួមយ៉ាងសកម្មក្នុងដំណើរការកសាងសង្គមជាតិ។
នេះ
បើតាមប្រសាសន៍បញ្ជាក់របស់លោកស្រី ឃួន គឹមនី ប្រធានគណៈកម្មាធិការ
ពិគ្រោះយោបល់
កិច្ចការស្ដ្រី
និងកុមារក្នុងសិក្ខាសាលាស្ដីពីការបញ្ជ្រាបយេនឌ័រ
និងការស្វែងរកការគាំទ្រច្បាប់នៅសាលារាជធានីភ្នំពេញព្រឹកថ្ងៃទី២៧
ខែសីហា ឆ្នាំ២០១៣។
ក្នុងអង្គសិក្ខាសាលាដែលស្ដ្រីមានតួនាទីក្នុងអង្គភាពសាលារាជធានី
ភ្នំពេញ មន្ទីរកិច្ចការនារី
និងអង្គភាពពាក់ព័ន្ធចូលរួមប្រមាណជាង៥០០នាក់នោះ លោកស្រី ឃួន គឹមនី
បានលើកឡើងបន្តថា
រាជដ្ឋាភិបាលបានខិតខំប្រឹងប្រែងដើម្បីលើកស្ទួយសិទ្ធិ
និងតួនាទីរបស់ស្ដ្រី
តាមរយៈការបន្ដអនុវត្ដនូវផែកការយុទ្ធសាស្ត្រនារីរតនៈ
ដោយផ្ដល់ឱ្យស្ដ្រីស្មើនិងត្បូងមានតម្លៃ
ក្នុងគោលបំណងផ្ដល់ជូនស្ដ្រីខ្មែរនូវតម្លៃ
និងក្ដីសង្ឃឹងក្នុងជីវិត
ដោយផ្ដោតទៅលើបញ្ហាយេនឌ័រក្នុងដំណើរការអភិវឌ្ឍន៏សង្គម
សេដ្ឋកិច្ចជាតិ។ គោលបំណងដ៏សំខាន់មួយទៀតនោះគឺរាជរដ្ឋាភិបាល
និងខិតខំពង្រឹង និងពង្រីកឱ្យមានគុណភាពទៅលើការកសាងសមត្ថភាពស្ដ្រី
និងការកែប្រែអាកប្បកិរិយាក្នុងសង្គម
ដើម្បីឱ្យស្ដ្រីមានលទ្ធភាពគ្រប់គ្រាន់ក្នុងការចូលរួមយ៉ាងសកម្ម
ក្នុងដំណើរការកសាងប្រទេស និងដើម្បីចូលរួមចំណែកដ៏សំខាន់មួយទៀតនោះ
គឺការយកចិត្ដទុកដាក់បង្កើនសមាមាត្រ
នៃការចូលរួមរបស់ស្ដ្រីឱ្យបានច្រើនជាអតិបរមាតាមដែលអាចធ្វើទៅ
បានក្នុងស្ថានភាពជាតិគ្រប់ជាន់ថ្នាក់
តាំងពីថ្នាក់កណ្ដាលរហូតដល់ថ្នាក់មូលដ្ឋាន។
ជាក់ស្ដែង
កម្លាំងស្ដ្រីដែលបានចូលរួមក្នុងវិស័យសេដ្ឋកិច្ច
សង្គមនៅគ្រប់ក្រសួងមន្ទីរ និងនៅតាមស្ថាប័នរដ្ឋ
និងឯកជនជាច្រើនទៀតកំពុងត្រូវបានចូលរួមយ៉ាងសស្រាក់សស្រាំដើម្បី
បំពេញបន្ថែមក្នុងវិស័យសេដ្ឋកិច្ចនេះនាពេលបច្ចុប្បន្ននេះ៕
សុងយោ
