- Thursday, 22 August 2013 16:38
- សុខ ធារ៉ា
ទិសដៅពង្រឹងកិច្ចសហប្រត្តិបត្តិការយោធាជាមួយគ្នាឲ្យកាន់តែ ប្រសើរ។ មិនត្រឹមតែប៉ុណ្ណោះលោក ក៏គ្រោងនឹងចូលរួមក្នុងកិច្ចប្រជុំថ្នាក់រដ្ឋមន្ត្រីការពារជាតិ អាស៊ាននាពេលខាងមុខផងដែរ។
រដ្ឋមន្ត្រីការពារជាតិរបស់អាមេរិកគឺលោក Chuck Hagel នឹងទៅបំពេញទស្សនកិច្ចនៅប្រទេសជាមិត្តរបស់ខ្លួន ដូចជាប្រទេសម៉ាឡេស៊ី ប្រទេសឥណ្ឌូនេស៊ី ប្រទេសព្រុយនេ និង ប្រទេសហ្វីលីពីន ដែលវាត្រូវបានគេចាត់ទុកថា ជាដំណើរទស្សនកិច្ចក្នុងរយៈពេលដ៏យូរ។
គោលដៅនៃការទៅបំពេញទស្សនកិច្ចក្នុងបណ្តាប្រទេសទាំងនោះ ត្រូវបានមន្ត្រីរបស់អាមេរិកឲ្យដឹងថា គឺដើម្បីពង្រឹងកិច្ចសហប្រត្តិបត្តិការយោធាជាមួយប្រទេសជាមិត្ត។មិន ត្រឹមតែប៉ុណ្ណោះ លោក Chuck Hagelនឹងមានវត្តមានក្នុងកិច្ចប្រជុំថ្នាក់រដ្ឋមន្ត្រីការពារជាតិ អាស៊ានចាប់ពីថ្ងៃទី២៨ ដល់ថ្ងៃទី២៩ ខែសីហាខាងមុខក្នុងប្រទេសព្រុយនេផងដែរ។ នៅក្នុងប្រទេសព្រុយនេនោះ រដ្ឋមន្ត្រីការពារជាតិអាមេរិកគ្រោងនឹងជួបពិភាក្សា ជាមួយនឹងរដ្ឋមន្ត្រីការពារជាតិរបស់ចិនផងដែរ។
សូមបញ្ជាក់ថា ក្នុងកិច្ចប្រជុំថ្នាក់រដ្ឋមន្ត្រីការពារជាតិអាស៊ាន នាពេលខាងមុខនេះ ប្រធានបទដ៏សំខាន់ និង រសើបបំផុតនោះ គឺជាបញ្ហាជម្លោះដែនសមុទ្រនៅសមុទ្រចិនខាងត្បូង ដែលមានភាគីជម្លោះរវាង បណ្តាប្រទេសក្នុងតំបន់អាស៊ាន និង ប្រទេសចិន។
ទាក់ទងនឹងបញ្ហានេះ ត្រូវបានគេសន្និដ្ឋានថា ដំណើរឆ្ពោះមកកាន់តំបន់អាស៊ីអាគ្នេហ៏លើកនេះ នឹងអាចនាំមកនូវភាពតានតឹងនៅក្នុងជម្លោះដែនសមុទ្ររវាងបណ្តាប្រទេស ក្នុងតំបន់អាស៊ាន និងប្រទេសចិនបន្ថែមទៀត។
នាពេលកន្លងទៅ ប្រទេសហ្វីលីពីនដែលគេស្គាល់ថា មានបញ្ហាយ៉ាងតានតឹងជាមួយចិនស្តីពីបញ្ហានៅសមុទ្រចិនខាងត្បូងនោះ ធ្លាប់បានបោះពាក្យសំដីថា ខ្លួនមានគម្រោងបង្កើនការសហការផ្នែកយោធាជាមួយនឹងអាមេរិកដើម្បី ការពារដែនទឹករបស់ខ្លួន។
ហើយកន្លងមកចិន ដែលជាភាគីជម្លោះដ៏សំខាន់នោះ ក៏ធ្លាប់បានប្រកាសដែរថា ជម្លោះនៅសមុទ្រចិនខាងត្បូងនោះ មិនគួរឲ្យមានភាគីទី៣ចូលរូមនោះទេ ព្រោះថាវានឹងនាំឲ្យមានបញ្ហាកាន់តែធ្ងន់ធ្ងរថែមទៀត៕ (ដោយ អ៊ុន រស្មី)
