- Thursday, 22 August 2013 16:29
- សុខ ធារ៉ា
ការចោទប្រកាន់នេះ បានកើតមានជួនគ្នា ខណៈក្រុមអ្នកឃ្លាំមើលរបស់អង្គការសហប្រជាជាតិ ក្នុង
ប្រទេសស៊ីរី បានបង្ហាញភស្តុតាំងជាច្រើន ថាអាវុធគីមី ត្រូវបានប្រើប្រាស់ពិតមែន ក្នុងកំឡុងពេលភាគីទាំងពីរ គឺរដ្ឋាភិបាល និងពួកអ្នកប្រឆាំង បានស្ថិតក្នុងជម្លោះអស់រយៈពេល២៩ខែកន្លងទៅ។
យ៉ាងណាក្តី ការចោទប្រកាន់ទាំងនោះ ត្រូវបានរដ្ឋាភិបាលស៊ីរី ច្រានចោលទៅវិញ ដោយអះអាងថា ការអធិប្បាយទាំងនោះ មិនសមហេតុផល និងប្រឌិតឡើងទាំងស្រុង ដោយក្រុមប្រឆាំង។
ទាក់ទិនហ្នឹងហេតុការណ៍ផ្ទុះអាវុធគីមី ក្នុងប្រទេសស៊ីរី កាលពីថ្ងៃពុធម្សិលមិញនេះ អគ្គលេខាធិការរងទី១ នៃ អ.ស.ប.លោក Jan Eliasson ក៏បានកោះហៅក្រុមប្រឹក្សាអង្គការសហប្រជាតិ ចូលរួមកិច្ចប្រជុំបន្ទាន់មួយ ដើម្បីជុំរុញឲ្យបើកការស៊ើបអង្គេតភ្លាមៗជុំវិញហេតុការណ៍នោះ។
ក្នុងពេលជាមួយគ្នានោះដែរ រដ្ឋជាសមាជិកទាំង៣៥របស់អង្គការសហប្រជាជាតិ រួមមានសហរដ្ឋអាមេរិក អង់គ្លេស បារាំង ក៏បានបញ្ជួនអ្នកត្រួតពិនិត្យគ្រឿងសព្វាវុធរបស់អង្គការសហប្រជាជាតិ ទៅដល់ទីក្រុងDamascus ហើយ ដើម្បីបើកការស៊ើបអង្គេតនៅលើទីតាំងចំនួន៣ផ្សេងៗគ្នា ក្នុងនោះ រួមមានទីក្រុង Khan al-Assal ស្ថិតនៅភាគខាងជើងប្រទេសស៊ីរី និងជាកន្លែងដែលមានមនុស្សស្លាប់ជាង២៦នាក់ កាលពីខែមីនា។
ក៏ប៉ុន្តែយ៉ាងណាក៏ដោយ តាមទីភ្នាក់ងារពត៌មានSana ផ្លូវការរបស់ស៊ីរី បាននិយាយថា ការវាយប្រហាចុងក្រោយនេះ គឺគ្មានមូលដ្ឋានច្បាស់លាស់នោះទេ ដូច្នេះ បេសកជនស៊ើបអង្គេតអាវុធគីមីរបស់UN គួរតែចាក់ចេញឲ្យឆ្ងាយពីទីលានប្រយុទ្ធភ្លាម ។
គួរបញ្ជាក់ថា អំពើហឹង្សាដែលប្រើប្រាស់ អាវុធជាតិពុលtoxic កាលពីថ្ងៃពុធម្សិលមិញ បានបណ្តាលឲ្យមានមនុស្សស្លាប់កើនឡើងរហូតដល់១,៣០០នាក់ហើយ ។ នៅក្នុងខ្សែរវិដេអូមួយរបស់ជនរងគ្រោះ ក៏ត្រូវបានគេបង្ហោះនៅក្នុងប្រព័ន្ធYou Tubeដែរ ដែលបង្ហាញពីភាពវេទនាយ៉ាងក្រៃលែងរបស់ជនរងគ្រោះ ដោយពួកគេម្នាក់ៗមានអាការស្ទះខ្យល់ ស្បែកស្លេកស្លាំង ភ្នែកទាំងគួរ ត្រូវបានបិទ។
រីឯមនុស្សជាច្រើននាក់ទៀត បានដេកដួលស្តួកស្តឹងនៅលើដី ហើយភាគច្រើនជាកូនក្មេងតូចៗ ចំណែកសាកសពមួយចំនួនទៀត ត្រូវបានគេរុំជិតដោយក្រណាត ស ។ ក្នុងវិដេអូនោះ ជនរងគ្រោះមួយចំនួនទៀត បានស្រែកជេទាំងកំហឹងទៅកាន់រដ្ឋាភិបាលថា ឈប់កុហកពួកគេទៀតទៅ តើនេះជារបបអ្វីហេតុអី បានចាំបាច់ត្រូវតែសម្លាប់ពួកគេដូច្នេះ៕(ដោយៈថា ថៃ)
