ការស្រាវជ្រាវថ្មីមួយបានរកឃើញថា ការផ្លាស់ប្តូរម៉ោងការងារអាចបង្កើនហានិភ័យនៃបញ្ហារដូវ និងការមានកូនរបស់ស្ត្រី ហើយការជំនួសម៉ោងការងារនៅពេលយប់ជម្រុញឪកាសអោយមានការរលូតកូន។
វេជ្ជបណ្ឌិត ជីល រ៉ាប៊ីន (Jill Rabin) ដែលមកពីមជ្ឈមណ្ឌលវេជ្ជសាស្ត្រ Long Island Jewish បាននិយាយថា ការស្រាវជ្រាវបានគាំទ្រដល់ការសម្គាល់ថា ចំពោះស្ត្រីដែលកំពុងចង់មានផ្ទៃពោះ, មានសុខភាពល្អគឺជារឿងប្រសើរ។
នៅក្នុងការស្រាវជ្រាវថ្មី, អ្នកស្រាវជ្រាវជនជាតិអង់គ្លេសបានវិភាគលើការស្រាវជ្រាវទាំងអស់ដែល ពាក់ព័ន្ធនឹងការផ្លាស់ប្តូរម៉ោងការងារ និងប្រព័ន្ធបន្តពូជដែលត្រូវបានផ្សារនៅចន្លោះឆ្នាំ១៩៦៩ ដល់ឆ្នាំ២០១៣។ ការស្រាវជ្រាវដែលបានមកពីស្ត្រីជាង ១១៩.០០០នាក់បានបង្ហាញថា អ្នកបានធ្វើការងារផ្លាស់ប្តូរម៉ោងមាន៣៣%មានហានិភ័យខ្ពស់នៃបញ្ហា វដ្តរូវ ហើយ៨០%មានហានិភ័យខ្ពស់នឹងបញ្ហាមានកូនជាងអ្នកដែលធ្វើការងារដែល មានម៉ោងទៀងទាត់។
ដោយយោងតាមការស្រាវជ្រាវបានអោយដឹងថា, ការពន្យល់ដែលសមហេតុផលមួយចំពោះការស្រាវជ្រាវនេះគឺថា ការរំខាននៃវដ្តនៃខ្លួន (body’s circadian rhythm) នៃការងារប្តូរម៉ោងអាចប៉ះពាល់ដល់មុខងារជីវសាស្ត្រនៃហ្សែនដែល ត្រូវបានបង្ហាញថាមានការផ្សារភ្ជាប់ជាមួយនឹងការផ្លាស់ប្តូរមុខងារ ជីវសាស្ត្រនេះ។
អ្នកស្រាវជ្រាវបាននិយាយថា ការស្រាវជ្រាវបានបន្ថែមលើការស្រាវជ្រាវពីមុនដែលបានរកឃើញថា ការងារប្តូរវេនគ្នាអាចមានឥទ្ធិពលប៉ះពាល់លើការមានផ្ទៃពោះទៅ ថ្ងៃក្រោយ។ វេជ្ជបណ្ឌិត លីនដេន ស្តុកឃើ (Linden Stocker) ដែលមកពីសាកលវិទ្យាល័យ Southampton បាននិយាយថា ប្រសិនបើមានការស្រាវជ្រាវបន្ថែមនៅថ្ងៃក្រោយ, ការស្រាវជ្រាវថ្មីទាំងនោះនឹងរកពីការផ្សារភ្ជាប់គ្នាចំពោះស្ត្រី ដែលចង់មានផ្ទៃពោះ និងម៉ោងការងារ។
រ៉ាប៊ីនបានយល់ស្របថា ការផ្លាស់ប្តូរនៅខ្លួននៃហ្សែនអាចធ្វើអោយប៉ះពាល់ដល់មុខងារ ជីវសាស្ត្រ ដែលរួមមានទៅនឹងការផ្សារភ្ជាប់គ្នាទៅនឹងបញ្ហាបន្តពូជ។
អ្នកឯកទេសមួយរូបទៀតក៏បាននិយាយថា ស្ត្រេសក៏អាចដើរតួនៅក្នុងបញ្ហានេះផងដែរ។
វេជ្ជបណ្ឌិត គីសៀ ហ្គេធើ (Kecia Gaither) ដែលមកពីសាកលវិទ្យាល័យមន្ទីរពេទ្យ និងមជ្ឈមណ្ឌលវេជ្ជសាស្ត្រ Brookdale បាននិយាយថា ស្ត្រេស មិនថាមកពីណានោះទេ អាចធ្វើអោយថយចុះនូវវដ្តនៃការផលិតអរម៉ូនស្ត្រី ដែលនេះនាំអោយមានលទ្ធផលមិនល្អទៅលើបញ្ហាបន្តពូជ, ភាពមិនទៀងទាត់នៃរដូវ, កូនមានទម្ងន់មិនគ្រប់, មិនមានកូន និងបញ្ហាកើតកូនមិនគ្រប់ខែ។ គាត់បានបន្ថែមថា ស្ត្រេសអាចបង្ហាញដោយទម្រង់ផ្សេងៗគ្នា ដូចជា កង្វះការគេងជាដើម។
ទោះជាយ៉ាងណាក៏ដោយ, មិនគ្រប់អ្នកទាំងអស់គ្នានោះទេអាចផ្លាស់ប្តូរការងាររបស់ខ្លួននោះ ទេ។ ស្ត្រីនៅក្នុងស្ថានភាពការងារមួយគួរតែយកចិត្តទុកដាក់ទៅលើរោគសញ្ញា មួយចំនួនដូចជា ភាពមិនទៀងទាត់នៃរដូវដើម្បីការពារបញ្ហានៃការមានកូននៅថ្ងៃក្រោយ ។
ជំហ៊ានដទៃទៀតដែលស្ត្រីអាចធ្វើដើម្បីបន្ថយហានិភ័យរបស់ពួកគេ រួមមាន ទៅជួបគ្រូពេទ្យអំពីបញ្ហានៃការមានកូន, បន្ថយការញ៉ាំស្រា និងកាហ្វេ ហើយអាចរកពេលវេលាដើម្បីសម្រាកពេលថ្ងៃអោយបានទៀងទាត់៕
