កូរ៉េខាងជើង -
អត្ថបទចុះផ្សាយនៅថ្ងៃ អង្គារ 27 សីហា 2013 -
ព័ត៌មានទើបកែប្រើលើកចុងក្រោយ ថ្ងៃ អង្គារ 27 សីហា 2013
លោក Michael Kirby ប្រធានគណៈកម្មការទទួលបន្ទុកកិច្ចការស៊ើបអង្កេតសិទ្ធិមនុស្សរបស់អ.ស.ប នៅកូរ៉េខាងជើង
REUTERS/Kim Hong-Ji
ពីថ្ងៃ២០ដល់ថ្ងៃ២៤សីហា ក្នុងសប្តាហ៍កន្លងទៅ
នៅកូរ៉េខាងត្បូង
គណៈកម្មការស៊ើបអង្កេតបញ្ហាសិទ្ធិមនុស្សនៃអង្គការសហប្រជាជាតិ
បាន
ត្រងត្រាប់ស្តាប់ជនជាតិកូរ៉េខាងជើង ប្រមាណជា៣០នាក់ ដែលមកធ្វើជាសាក្សីរៀបរាប់អំពីការរំលោភបំពានសិទ្ធិសេរីភាពរបស់ ពួកគេ នៅក្នុងប្រទេសកូរ៉េខាងជើង។
សាក្សីទាំង៣០នាក់នេះ បានលួចរត់គេចពីកូរ៉េខាងជើង ភៀសខ្លួនមករស់នៅកូរ៉េខាងត្បូង។ ពួកគេប្រាប់ថា បានរងគ្រោះដោយអំពើហិង្សា ការវាយដំ អត់អាហារ គ្រប់បែបយ៉ាង ដែលបង្កឡើងដោយរដ្ឋាភិបាលក្រុងព្យុងយ៉ាង។ មានស្ត្រីអាយុ៣៤ឆ្នាំម្នាក់ ជាអតីតអ្នកទោស បានប្រាប់ថា អ្នកយាមបានបង្ខំអោយគាត់ជ្រមុជកូនតូចរបស់គាត់ដែលទើបតែ ចាប់កំណើតមកនោះ ចូលក្នុងអាងទឹកមួយរហូតធ្វើអោយកូនតូចគាត់លង់ទឹកស្លាប់។ ការរំលោភសិទ្ធិមនុស្សដ៏ព្រៃផ្សៃដែលសាក្សីខ្លះបានរៀបរាប់ ធ្វើអោយក្រុមស៊ើបអង្កេតពិបាកនឹងអត់ធ្មត់ ទទួលយកបាន។
ផ្ទុយទៅវិញ កូរ៉េខាងជើងបានចោទថា សាក្សីទាំងអស់នេះ សុទ្ធតែជាកាកសំណល់មនុស្សថោកទាប ដែលកូរ៉េខាងត្បូងរៀបចំឡើងតែប៉ុណ្ណោះ។ ក្រុងព្យុងយ៉ាងបន្ថែមថា ការងាររបស់ក្រុមស៊ើបអង្កេត អាចនឹងលុបបំបាត់នូវទំនាក់ទំនងរវាងកូរ៉េទាំងពីរដែលទើបតែបានប្រសើរ ឡើងវិញបន្តិចមកនេះ។
កូរ៉េខាងជើងបដិសេធដាច់អហង្ការ នូវការចោទប្រកាន់ទាំងអស់នេះ បដិសេធទៀតថា មិនដែលមានជំរំលត់ដំបង្ខំមនុស្សអោយធ្វើការជាទម្ងន់ ដូចជាការចោទប្រកាន់នោះទេ។ ក្រុងព្យុងយ៉ាងបានច្រានចោលសំណើរបស់លោក ម៉ៃឃើល ខឺប៊ី ប្រធានដឹកនាំគណៈកម្មការស៊ើបអង្កេតសិទ្ធិមនុស្សនៃអង្គការសហប្រជាជាតិ ដែលបានសុំចូលទៅស៊ើបអង្កេតផ្ទាល់ នៅក្នុងទឹកដីកូរ៉េខាងជើង។
ទោះយ៉ាងនេះក្តី គណៈកម្មការស៊ើបអង្កេតរបស់អង្គការសហប្រជាជាតិនៅតែទទូចសុំអោយ ក្រុងព្យុងយ៉ាងយល់ព្រមសហការជាមួយខ្លួន ដោយប្រាប់ថា ក្រុមស៊ើបអង្កេតចង់រកភស្តុតាងជាក់ស្តែង ហើយគ្មានបំណងវិនិច្ឆ័យរឺវាយតំលៃអ្វីជាមុននោះទេ។
ដោយឡែក គណៈកម្មការស៊ើបអង្កេតរបស់អង្គការសហប្រជាជាតិក៏មានបំណងស្វែង រកសាក្សីផ្សេងទៀត ដែលរងគ្រោះដោយការរំលោភសិទ្ធិមនុស្សនៅកូរ៉េខាងជើងនេះ នៅតាមបណ្តាប្រទេសដូចជា ជប៉ុន ថៃ អង់គ្លេស រឺក៏សហរដ្ឋអាមេរិកផងដែរ៕
ត្រងត្រាប់ស្តាប់ជនជាតិកូរ៉េខាងជើង ប្រមាណជា៣០នាក់ ដែលមកធ្វើជាសាក្សីរៀបរាប់អំពីការរំលោភបំពានសិទ្ធិសេរីភាពរបស់ ពួកគេ នៅក្នុងប្រទេសកូរ៉េខាងជើង។
សាក្សីទាំង៣០នាក់នេះ បានលួចរត់គេចពីកូរ៉េខាងជើង ភៀសខ្លួនមករស់នៅកូរ៉េខាងត្បូង។ ពួកគេប្រាប់ថា បានរងគ្រោះដោយអំពើហិង្សា ការវាយដំ អត់អាហារ គ្រប់បែបយ៉ាង ដែលបង្កឡើងដោយរដ្ឋាភិបាលក្រុងព្យុងយ៉ាង។ មានស្ត្រីអាយុ៣៤ឆ្នាំម្នាក់ ជាអតីតអ្នកទោស បានប្រាប់ថា អ្នកយាមបានបង្ខំអោយគាត់ជ្រមុជកូនតូចរបស់គាត់ដែលទើបតែ ចាប់កំណើតមកនោះ ចូលក្នុងអាងទឹកមួយរហូតធ្វើអោយកូនតូចគាត់លង់ទឹកស្លាប់។ ការរំលោភសិទ្ធិមនុស្សដ៏ព្រៃផ្សៃដែលសាក្សីខ្លះបានរៀបរាប់ ធ្វើអោយក្រុមស៊ើបអង្កេតពិបាកនឹងអត់ធ្មត់ ទទួលយកបាន។
ផ្ទុយទៅវិញ កូរ៉េខាងជើងបានចោទថា សាក្សីទាំងអស់នេះ សុទ្ធតែជាកាកសំណល់មនុស្សថោកទាប ដែលកូរ៉េខាងត្បូងរៀបចំឡើងតែប៉ុណ្ណោះ។ ក្រុងព្យុងយ៉ាងបន្ថែមថា ការងាររបស់ក្រុមស៊ើបអង្កេត អាចនឹងលុបបំបាត់នូវទំនាក់ទំនងរវាងកូរ៉េទាំងពីរដែលទើបតែបានប្រសើរ ឡើងវិញបន្តិចមកនេះ។
កូរ៉េខាងជើងបដិសេធដាច់អហង្ការ នូវការចោទប្រកាន់ទាំងអស់នេះ បដិសេធទៀតថា មិនដែលមានជំរំលត់ដំបង្ខំមនុស្សអោយធ្វើការជាទម្ងន់ ដូចជាការចោទប្រកាន់នោះទេ។ ក្រុងព្យុងយ៉ាងបានច្រានចោលសំណើរបស់លោក ម៉ៃឃើល ខឺប៊ី ប្រធានដឹកនាំគណៈកម្មការស៊ើបអង្កេតសិទ្ធិមនុស្សនៃអង្គការសហប្រជាជាតិ ដែលបានសុំចូលទៅស៊ើបអង្កេតផ្ទាល់ នៅក្នុងទឹកដីកូរ៉េខាងជើង។
ទោះយ៉ាងនេះក្តី គណៈកម្មការស៊ើបអង្កេតរបស់អង្គការសហប្រជាជាតិនៅតែទទូចសុំអោយ ក្រុងព្យុងយ៉ាងយល់ព្រមសហការជាមួយខ្លួន ដោយប្រាប់ថា ក្រុមស៊ើបអង្កេតចង់រកភស្តុតាងជាក់ស្តែង ហើយគ្មានបំណងវិនិច្ឆ័យរឺវាយតំលៃអ្វីជាមុននោះទេ។
ដោយឡែក គណៈកម្មការស៊ើបអង្កេតរបស់អង្គការសហប្រជាជាតិក៏មានបំណងស្វែង រកសាក្សីផ្សេងទៀត ដែលរងគ្រោះដោយការរំលោភសិទ្ធិមនុស្សនៅកូរ៉េខាងជើងនេះ នៅតាមបណ្តាប្រទេសដូចជា ជប៉ុន ថៃ អង់គ្លេស រឺក៏សហរដ្ឋអាមេរិកផងដែរ៕
