- Sunday, 18 August 2013 18:13
- សុខ ធារ៉ា
នេះបើតាមការអះអាងរបស់មន្ត្រីរបស់រុស្ស៊ី កាលពីថ្ងៃសៅរ។ បញ្ហាទឹកជំនន់នេះក៏ត្រូវបានរដ្ឋាភិបាលរុស្ស៊ីធ្វើការប្រកាស អាសន្នផងដែរ។
បញ្ហាទឹកជំនន់ដែលកំពុងតែវាយប្រហានៅក្នុងប្រទេសរុស្ស៊ីនេះ បានធ្វើឲ្យប៉ះពាល់ទៅដល់ការរស់នៅរបស់ប្រជាជនជាពិសេសនៅតាមទន្លេ Amurនិងនៅទីក្រុង Khabarovsk។
មន្ត្រីជំនាញខាងគ្រោះធម្មជាតិរុស្ស៊ីក៏បានព្រមានឲ្យមានការ ប្រុងប្រយ័ត្នខ្ពស់ទាក់ទងនឹងបញ្ហានេះ។ ចំណែកលោកប្រធានាធិបតីរុស្ស៊ី Vladimir Putin ជំរុញឲ្យកងកម្លាំងយោធាប្រញាប់បើកប្រត្តិបត្តិការដើម្បីជួយសង្គ្រោះ ដល់ប្រជាជនជាបន្ទាន់ដែលកំពុងរងផងដែរ។
ទឹកជំនន់នេះ គឺបង្កឡើងដោយសារតែទឹកភ្លៀងបានបន្តធ្លាក់យ៉ាងខ្លាំងចាប់តាំងពី ចុងខែកក្ដដាមកដែលធ្វើឲ្យកំពស់ទឹកចេះតែកើនឡើងពីមួយថ្ងៃទៅមួយថ្ងៃ ជាពិសេសនៅតាមតំបន់ក្បែរទន្លេAmur ដែលជាប់ក្បែព្រំដែនប្រទេសចិននោះ។
ថ្វីបើចំនួនប្រជាជនប្រមាណជាង ១ម៉ឺន ៧ពាន់នាក់ត្រូវបានគេជម្លៀសទៅកាន់ទីទួលមានសុវត្ថិភាពហើយក្តី តែគេនឹងនៅបន្តធ្វើការជម្លៀសប្រជាជនបន្តបន្ទាប់ទៅទៀតដែលចំនួន អាចនឹងកើនឡើងដល់ជាង១០ម៉ឺននាក់នាពេលដ៏ខ្លីខាងមុខ។
បញ្ហាទឹកជំនន់នេះក៏បានបំផ្លាញ់ដល់ហេដ្ឋារចនាសម្ព័នជាច្រើន ផងដែរ ដូចជាផ្លូវថ្នល់ស្ពានប្រព័ន្ធអគ្គិសនីនៅតាមទីក្រុងមួយចំនួន។ ទាក់ទងនឹងបញ្ហានេះដែរ លោកនាយករដ្ឋមន្ត្រីរុស្ស៊ី Dmitry Medvedev បានឲ្យដឹងដែរថា ផលប៉ះពាល់ដោយសារតែទឹកជំនន់នេះ គិតជាទឹកប្រាក់អស់ចំនួន៧៣លានអ៊ឺរ៉ូ។
សូមរម្លឹកថា កាលពីខែកក្ដដាកន្លងទៅថ្មីៗនេះបញ្ហាទឹកជំនន់ក៏បានបណ្តាលឲ្យ មនុស្សចំនួន ១៧២នាក់ បានស្លាប់ផងដែរ និងបានបំផ្លាញ់ដល់ហេដ្ឋារចនាសម្ព័នជាច្រើនទៀត៕(ដោយៈអ៊ុន រស្មី)
